ماذا يحدث ف التحليه ^^ ادخل وشوف

#1 (**permalink**) 20-07-2009, 12:03 AM

بسم الله الرحمن الرحيم

في باريس يسمونه الشانزليزيه ,,

في مدريد يسمونه قران فيا ,,

في لندن يسمونه إكسفورد ,,

في برشلونة يسمونه لارمبلا ,,

أما عندنا فيسمونه التحلية ,,

[font=Arial]

طبعا من الصور ملاحظين الفرق بين شارع التحلية وباقي الشوارع ..
التحلية هذا حالة خاصة .. حالة تستحق الدراسة .. صدقوني لو تخصصي علم نفس كان قدمت رسالة دكتوراه عن هالشارع ..
وأضمن لكم إنهم بيعطوني الدكتوراه وهم مايشوفون الدرب .. ومع مرتبة الشرف بعد ..

التحلية مثل ماتعرفون شارع يرتاده شريحة كبيرة من الشباب السعودي ..
ولأهداف متعددة ومتباينة ..

في هالموضوع راح أحاول أصنف الأشكال إلي يكثر تواجدها بـ هالشارع ..
وأشرح عادات وتقاليد هالأصناف .. وماينبغي وما لاينبغي فعله في حال التعامل معهم ..

1- فئة النقا / وتس آب مان !!

2- فئة الحنس / آبك الغنم تشّـبع !

3- فئة الخكو / يمامي انمشخت ,,

من وجهة نظري المتواضعه أشوف إن هالثلاث فئات تعتبر أبرز ملامح هذا الشارع ..
لذلك راح أفصفص كل فئة على حدى .. وأترك باقي فئات الشباب إلي ترتاد هالشارع لكم ..
ببدأ بفئة أحمل لها في قلبي من البغض مالله بهِ عليم ..

//

فئة النـقــا

وهم مجموعة إمعات مالهم أي هدف في الحياة .. همهم الأول والأخير تقليد زنوج أمريكا ..
يحاولون يقلدونهم في كل شي .. في اللبس في المشية في السلام في الكلام .. وطبعا في الأغاني إلي يسمعونها والرقص إلي يرقصونه ..

من الشخصيات المقدسه عندهم ..

فيفتي سنت

تو باك

سنوب دوق

هالفئة يكثر تواجدها في الساعات الأخيرة من الليل ..
وتلقاهم في العادة مسويين قروبات وموقفين عند رصيف ونازلين جنب السيارة يسولفون ..

بعض الأحيان يفلونها ويشغلون السماعات ويقعدون يرقصون عالرصيف ..
بس هذي في العادة ماتصير في التحلية .. ولافي الشوارع الرئيسية بسبب الكثافة الأمنية ..
يقال إنهم ياخذون راحتهم ورى التميمي إلي في الثلاثين .. بس ماقد شفتهم صراحه ولا يشرفني ..

طبعا سيارتهم تكون أما همر ثلاث ارباعه سماعات وعليه من ورى علم جاميكا .. < خوالي
أو تكون سيارة كشف وردية كـلاسيك .. أو آكورد هوندا معدل عليها إلــين أذنت ..
المهم إنها تكون سيارة مستنكرة الشكل مثل هذي ..

لمعرفة هذا الأشكال لازم تعرفون زيهم الرسمي ..
تلقون الواحد منهم لابس خيمه يقال له تي شيرت .. وموصلن لتحت الركبه ..

وطبعا لازم يصير عرض التي شيرت 30 متر ..
يعني يمديه إذا تأزم الوضع يدخل هو وخمس من ربعه في تي شيرت واحد ..
مثل إلي في الصورة ..

هذا طبعا غير كشك الاكسسوارات + تعليقات مفاتيح + كم درزن بكله أم مغاط + ربطة الشعر حقتهم .. زي إلي لابسها توباك ..

الشعر عندهم يخضع لثلاث حالات لا رابع لها ..

زيرو

وهذا افضل السيئين..

كدش

يحلفون إنه مشارك في أسبوع الشجرة ..

جدايل ويسمونها تضفيرة [/font]

يقولون إن أمريكا تفكر تستخدم هالجدايل كأسلاك شائكه لمعتقلاتها ..

<< تراني غطيت الوجيه حفاظا على الذوق العام هع هع

الحذر واجب في حالة الإحتكاك بـ هالأشكال .. لأن المخ قفل ومايعرف يتعامل إلا بيده ..
يعني على قولة تيمون / القري نص القدعنه

: 2

:

#2 (**permalink**) 20-07-2009, 12:04 AM

تابع

//

فئة الحنسات

الحنسات وما ادراك ما الحنسات ..

فئه من البشر يبي لها إقتلاع من الجذور ويمكن بعد تقشّع الارض اللي حواليها خوفا من انتشار العدوى النكراء!!

الحنسات مثل ماتعرفون مخلوقات خرجت من قلب الصحراء ..

مالحقت ع التطور وهالشغلات .. فـ تلقا الواحد منهم مسقط رأسه الديره وعمره ماشم هوا غير هوا ديرته ..

لكن قدرت الظروف انه يجي يشتغل عسكري بالرياض ويسكن مع ولد عمه مناحي اللي بالنسيم ..

هـ الفئه عشان تميزها وتعرفها لازم تعرف مواصفات الهيئه .. مع اني اظن انك بتعرفها علطول علطول ..

ثوب مصفّر + ياقه ثنين متر + خنافس* + رقبه تلقا عليها شوية سهول ووديان من الاتربه والكثبان المتجمعه إثر عوامل التعريه ..

هالأشكال تسمع بالكشخه ولاتدري وشي .. إذا بغا يكشخ غرق الشماغ بالنشا إلين تحس إن الشماغ لو يطيح بينكسر ..

وطبعا لازم يلبس نظارة شمسية عشان يحس إنه متطور .. يوقف عند أقرب محطه ويطق له ذيك النظارة إلي ماحصلتش ..

يعني من ناحية اللبس والكشخه لاتدقق عليهم واجد ..

فإذا قدر الله عليك وشفت واحد منهم لابس تحت الثوب صروال رياضه لا تستغرب وسلك ومشّي مشّي والحياه حلوه ..

من الشخصيات المحبوبة عندهم ..

بشير حمد شنان

ويلقب بـ / بشير فنان الدشير

مزعل فرحان

وهذا أحلا مافيه إسمه

طبعا بنو حنيسه معروفين بشوفة النفس والنفخه الكذابه ..

ياويلي ويلاااااااااااا ه وأنا ولد فلان .. وأنا جدي فلان .. ويحلفون إن محد طق له خبر لاهو ولا أبوه ولاجده ..

ومعروفين أيضا بثقه النفس العمياء جدا .. يعني ممكن تشوف ذا الفره >>

تلاحق ربع البانوراما ..

طبعا لا تلومهم .. والله يلوم اللي يلومهم خبرك هالشذرمه من البشر مصابه بمرض ( البنت خاقه علي ) ..

آحيان تلقاهم يفرفرون بكامري جي إكس إل .. وآحيان تلقاهم بشاص ..

طبعا صوت بشير شنان يلعلع بالأجواء .. وإن هاه حبو يغيرون حطوا مزعل فرحان ..

طبعا الفرفره في الغالب مالها أي هدف سوا التميلح عند البنات ..

وإذا مالقوا بنات ممكن يحولون الخط على فئة الخكو والتي سنتحدث عنها الآن ..

//

فئة الخكو

خكو إختصار لكلمة خكري ..

والخكري هو الشخص الذي يفتقد جزء من رجولته .. وفي آحيان يفتقدها كلها ..

وهم في خكرنتهم طبقات ..

أهونها طبقة الخكارية إلي على خفيف

وهذي الفئة يمكن تقبلها ..

صح إنهم يجونك ناعمين شوي ويالله يالله تطلع الكلمة منهم ..

بس إنهم ينبلعون .. وهم أهون من غيرهم بكثير ..

طبعا لا تستغرب إذا لقيت واحد منهم حاط مكياج على خفيف .. أو حاط وحده من الكريمات زي كريم فير آند لفي وحركات .

يعني هذا شي طبيعي عنده .. عشان يحافظ على رونقه وجماله إسم الله على قليبه ..

وسمعت ان من تاريخهم المشرق لما كانو يدرسون هع معروفين إنهم قبل مايدخلون المدرسه لازم يشربون ميرندا فرواله ..

عشان تطلع شفايفهم ورديه .. كل صبحيه تشوفهم في البقالة إلي جنب المدرسه ومافي إلا قوة تشفيط من هالمرندا .. وكككككككككككككك كككك

هالفئة مستحيل إنك تشوفها في شارع التحليه إلا بعد الساعه 9 - 10 ..

يعني بعد مايتأكدون إن الشمس غابت تماما تماما .. ألزم ماعليهم بشراتهم إسم الله عليهم ..

الطبقة الثانيه .. وهي طبقة الجنس الثالث ..

وهذي الطبقة هي أقصى طبقات الخكرنه ..

وهم مجموعه من البشر - مع تحفظي على كلمة بشر - تحاول بكل ماتملك إنها تغير جنسها ..

إذا شفتهم ودك تنشق الأرض وتبلعهم ..

أشكالهم تقرف بشكل ..

هالفئة والعياذ بالله مطلوبه وبقوة من قبل فئة الحنوسه ..

زي ماقلت لكم قبل .. الحنوسه إذا مالقوا بنات حولو على فئة الخكو ..

بس للأسف الخكو مايواطنون الحنوسه في عيشت الله ..

يمكن بعضهم اذا شاف حنس يغمى عليه ..

يااااااااااااي شو هالطعس ..

//

طبعا لوحظ في الفترة الأخيرة نزوح بني حنس وإحتلالهم لشارع التحلية مما أدى إلى حدوث نقلة تاريخيه في عالم الدشره والدشير ..

ألا وهي نزوح فئاتي النقا والخكو إلي شارع آخر يدعى شارع الأمير تركي بن عبدالعزيز الأول ..

فهل تعتقدون إن هالنقله راح تكون بداية النهاية لشارع التحليه !!

كااااان معكم اسايرها تعاندني من قلب الحدث هع هع

دمـــــــــــــ ـــــــــــــــ ـتم برجه وهبال ...}

#3 (**permalink**) 20-07-2009, 07:56 PM

لاتــــــــــــ ــــعــــليق

#4 (**permalink**) 20-07-2009, 08:13 PM

الله يرحم الشيبااان

#5 (**permalink**) 21-07-2009, 10:16 PM

والله هالشكااال

زايد وجودها بكل مكان

الله يستر على الشباااب

يسلمووو

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ادخل وشوف !!!!!	شوق وحنين	مساحة للضحك والفرفشة	5	31-12-2009 08:53 PM
ادخل وشوف من اي نوع غضبك	عبدالله السويحان	احتواء ما لا يحتوى	10	01-10-2009 06:37 AM
انت قوي الملاحظه ..ادخل وشوف	اسايرها تعاندني	لُغَة الصور .. والكاريكاتير الساخِر	9	21-07-2009 11:11 PM
صور منوعة ادخل وشوف	فيصل	لُغَة الصور .. والكاريكاتير الساخِر	7	20-07-2009 04:44 AM
موضوووووع هاااااااااااااااااام ادخل وشوف	محمد	حوار ومنطق	10	02-01-2009 01:48 AM

ماذا يحدث ف التحليه ^^ ادخل وشوف

لُغَة الصور .. والكاريكاتير الساخِر