|
قصيده ابكت من قراها قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة . . و هذي الأبيات قالها للي يواسونه يواسيني وانا الميت وحالي يجبر الدمعات تسيل من الذي فيني ويبكي وهو يواسيني وانا ابكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني وكنه حلم قدامي يقيدني من الصرخات ابي اصحى ولكني عجزت القى ال يصحيني فداك القلب يايمه ومهما قلت من كلمات صغيره في كبر حقك بس اتمنى تعذريني نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي اباكيه ويباكيني عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات انا مقــوى ابكيــك اذا انتــي تبكينــــي منقوووول |
ردفً يقول ان الهوى حيل غلاب ياراعـي الددسـن علامـك علينـا علقت خلق الله بلا ذنـب واسبـاب ياكثـرهـم بعيونـهـم ناظـريـنـا جمعتي العالم علـى فتحـت البـاب مريـت مالـي بالهـوى والحنيـنـا قلبي مع المحبوب عن غيرها تـاب وشاهـدت شـيءً شدنـا وانتهينـا ردفً يقول ان الهوى حيـل غـلاب جسمـاً يقـول الزيـن منـا وفينـا اقرب وتلقالك من الشوق ما طـاب صـدراً بـه التشبـيـه تفاحتيـنـا نابت من الخصر الذي تحته اهضاب واللـي ذبحنـا واوقـد النـار فينـا اشارتك ليّه وانا ما اقـرب الـداب فهمت انـا المغـزى اشـاره تبينـا والتفتوا العربـان يمـي بالارقـاب احداً ضحك واحداً تضايـق حزينـا واحداً سمعته يذكر الـرب وعقـاب وهرجة نفسـي بيـن حينـاً وحينـا بين الحياء والخوف والذنب مرتـاب اقـول يانفسـي عسـى تسلميـنـا من عينها اللي تضرب القلب بحراب لـو التميمـي شـاف جـر الونينـا وصعوط يجلس له على راس مرقاب والزيد لو شاف الـردوف السمينـا انّه معي منها على طـول منصـاب والطرف ساهر لـو يشوفـه يجينـا ينشد يقول القلب مع صاحبـي ذاب والنايـف النايـف صفـق باليدينـا لو هو رأها قـال ماعنـك مجنـاب مع قيـد والروقـي غـدو ذاهلينـا لا شاهدو جسماً به الزيـن جـذاب جـارح وفينـي حـس والغانمينـا ايضاً مع الفارس يعضـون بالنـاب وان كان ابه شخصً عزيـزاً نسينـا انا اعتذر قلبي مهو صفحـة اكتـاب وارجو السموحه كان بالقـول شينـا انا اعتـذر ياربعنـا كلنـا احبـاب منقوووول |
رد: قصيده ابكت من قراها فيافي نجد اختيار جميل جدا لكي شكري |
رد: قصيده ابكت من قراها كل الشكر لك سمو الاحساس على المرور |
رد: قصيده ابكت من قراها أبيات في قمة الروعه سلمت ذائقتك الجميله فيافي نجد تقبلي مروري |
| الساعة الآن 06:37 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..