|
فئران تتجول في أحد المطاعم بالرويضة تعودنا أننا اذا رغبنا في تناول أحد الوجبات ان نتوجه الى احد المطاعم المجاورة لمدينة الرويضة 00 نظرآ لجودة وجباتهم 00ونظافة المطعم 00 وانا من المقاطعين تمامآ لمطاعم الرويضة 00اللي اذا تناولت وجية منهم 00تظل على كبدك طوال يومك 00 المهم في يوم ماحصلت احد جاهز من العيال يروح معي نتغدا في المطعم المجاور للرويضة 00 وتكاسلت اروح له لانه مسافة شوي 00 قلت تدري خلني اتغداء في احد مطاعم الرويضة والله يستر 00يمكنهم تحسنوا ولا عاد هم على خبري 00 ويشهد الله وانا جالس على جلستهم العربيه والوجبة على السفرة 00الا ذاك الفار الكبير جاي مشوت من جهة المطبخ ويطب في الوجبه وسيدة يدخل تحت الجلسة 00 وقفت مباشرة من هول المفاجأة 00وجا العامل اللي يقدم الطالبات وقال انا مالي دخل كيف انا معلوم فيه فار في مطعم ولا مافيه 00اما الطباخ كان جايب غداه ويتغدا على احد الطاولات بجانبي 00 فكأنه لم يرى شيء وواصل تناول وجبتة ببرود 00دون ان يحرك فية هذا المنظر اي شيء 00 المهم طلعت من المطعم ودقيت مباشرة على أحد المراقبيين الصحيين في البلدية وعطيتة السالفة 00وزين اني اعرف رقم بعضهم المشكلة كيف لو واحد مايعرف ارقامهم من اللي يشوف مثل هذي المخالفات 00 كيف بيبلغ البلدية عن مثل هذة الامور 00 نرجع لموضوعنا وبعد ماعلمتة بالسالفة 00تفاجات بردة وبرودة من الموضوع وقال بكل ببرود هذة ليست منطقتي كلم رئيس البلدية او سكرتيرة قلت طيب كلمهم انت قال لا انا مالي دخل 0 المهم وكلم سكرتير الرئيس اللي هو امين المجلس البلدي وبلغته بالموضوع 00وقال ان شاء الله ابلغ الرئيس 00قلت انا بلغتكم وابريت ذمتي 00المشكلة هالناس والمسافرين اللي يتناولون وجباتهم من هذة المطاعم 00والا انا توبة ان عاد جيتها 00لو اخذ كيك وعصير من البقالة 00 المشكلة من كثر هالمطاعم والبوفيات في الرويضة اللي يعجز المراقبين عن تغطيتها 00كلها كم مطعم وكم بوفية 00وحالتها مزرية من ناحية النظافة 00 واذكركم بحالة التسمم اللي تعرض لها عضونا محمد بن خنين من احد هذة المطاعم 00 لكن الله يعين الجميع 000 ويشهد اللة على صدق هذة السالفة 000 |
رد: فئران تتجول في أحد المطاعم بالرويضة ياويلي ويلاه يؤؤؤؤؤؤه خرعتني ماعاد مرين عندكم وماعدنا ماكلين منكم والله خوفتني يؤؤؤؤؤؤه يعطيك الف عافيه على موضوع وفعلا مو هناك وبس هذا منتشر في جميع المناطق اخوي وانا من الناس المعارضين للمطااعم شاكره لك واسفه ع لاطاله |
رد: فئران تتجول في أحد المطاعم بالرويضة اخوي الغالي عبدالرحمن تراك ماشفت شئ يالغالي ماخفي كان اعظم ولاهو بس بهذا المطعم اللي تقصدة لوحدة بل اغلب المطاعم التي لايوجد لديها ادارة حازمة اما عن المراقبين فالكل يعلم اين وضع المراقب اللي كان يلعن ابو جد المطاعم والبوفيات لانه لم يعجب البعض من اصحاب الشأن تم نقله من مراقبة المطاعم مشكوور يالغالي |
رد: فئران تتجول في أحد المطاعم بالرويضة هلا وغلا أبو رهف من طول الغيبات جاب الغنايم.. حياك الله.. فئران تتجول في أحد المطاعم بالرويضه!!!! لماذا لم تذكر أسم المطعم ؟ عادي شهر به لنحذر منه ومن القرب من الشارع الذي فيه.. لكون البلديه والمراقب الصحي وسكرتير البلديه عندهم علم.. والمستغرب ردهم البارد.. نظافة المطاعم في الرويضة سيئة جداً وللأسف.. |
رد: فئران تتجول في أحد المطاعم بالرويضة السلام عليكم ورحمة الله وبركاته ابوعبدالله صباح الخير اخبار الربع كلهم سلم لي على الجميع مشكلة مطاعم الرويضة كلها يدريها عمال مساكين هدفة يجمع كم قرش ويسافر ويبيع المطعم او البوفية على غيره ما همة يسوي سمعة طيبة يشتهر بها بجودة اكلة او نظافة محلة فمهما كانت الحالة هدفة الشي ال ما يكلف علية شي ابد بخلاف المطاعم الي ذكرت طبعا مابي امدحمطعم بعينة تقولون اسوي لة دعياية مرة كنا في شرق المملكة واخرى بغربها قبلنا ناسما نعرفهم وعندما عرفنا بنفسنا ومنطقتنا قالو قريب منكم المطعم الفلاني احسن مطعم على الطريق من الرياض الي الطائف هذا سبب شهرتة لان صاحبة اومالكة ساكن فوق المطعم وهو الي يراقب كل شي بنفسة ابن صاحب المطعم شغال عندي في المحل احيننا اقابلة واجلس معة ويجيني في المحل ونقل لي انة ما عمرة وكل احد على شراء خضروات والفواكة واللحم وباقي المطلبات اليومية هو الي يشتريها بنفسة ويحرص تكون اجود ما في السوق لنة يبي هذي الشهرة لانة في المطعممن 20 سنةوماعندة نية يتركة لذالك محافظ على نظافة المكان والاكل اما مطاعمنا فكما ذكرت اصحابها او ملاكها هدفهم مكسب سريع ومع السلامة تصدق انهم يشترونكرتن الدجاج بعشرة ريال تخيل طبعا لة تاريخ اذا بقي شهر على انتها التاريخاصحاب الثلاجات الكبار في جدة يبيعون الباقي بتراب الفلوس وفية ناس يشترونة ويوزعونةعى المطاعم الي على الخطوط السريعة وبعيدة عن المدن الكبيرة جدةمكة الرياض لان المراقبن هناك يتفحصونكل شي قبل وصولةلطاولات الاكل اما مثل حالاتنا لذالك انا انصح وبشدة اذا اطريت غلبكالنوموراح عليك الغداء في البيت ما عليك الا تتصبر الي وقت العشاء افضل لك او مرعلى احد البقالات صبر جوعك بسكوت ولا كيك ولا تفكر ابدا تمر البوفية او المطعم الفلاني بالرويضة لذالك اي واحد يريد يغير الحاصل تدور في ارجاء الرويضة من عمالة المطاعم والبوفيهات بالرويضة لكي يفشل لانهم عرفين اذا طلع ونجح راح تسكر مطاعمهم من قل من يعرج عليهم لكن الان ما خذين راحتم سبق وكمواحد من اهل الرويضة حاول بنقاض الموقف وكاننصيبة الفشل من تدبير العمالة وليس من ردى احظ ولكن الكثرة تغلب الشجاعة لهم يدفي اغراء من يعمل معهم من بني جنسهم لحد ما يتحقق مراده بغالاق المطعم واذكر على سبيل المتال مطعم الطيبات ومطعم الضيافة وكذالك بوفية الحديقة ومطعم المندي الي قبل البنك ومطعم البروست الي جنب الجامع الجنوبي لذا نتوقع من شبابنا الطموح خوض هذه التجربة ( بشرط دراستها قبل واتخاذ السبل للحيلوه دون مكايد العمالة المنافسة بكل الطرق واهم شي ادارة وطنية ومتواجدة طوال الدوام وتكون عينةعلى كل صغيرة وكبيرة والعمالة الي تشتغل معة يحاول يكسبهم في صفة وان ينبهم لعدم الاسغاء لهم لان مصير من اسغاء لعهم تسفيره فورا لكي يتعض الي غيره واولا واخيرنا ليس صعب كسبهم فهم بشر وبستاعتك تغيير مفاهيم وتمشيهم معك على الي تر يد بحسن معملتك معهم واحترامهم والحزم مطلوب والجدية ) ربي يوفق الجميع ويغير الكثير في مدينتنا وليس المطاعم فقط فنحنو ينقصا الكثير الكثير والبركة في الشباب الطموح والغيور على مدينتهم الرويضة تستاهل وشبابها فيهم الخير والبركة وانت ابو رهف عين اعلامية ساهره بخدمة الرويضة وعساك انت وامثالكمن الشباب على القوه وموفقين وماجورين اسفعلى الاطاله لاكن من حرقتي على الي صاير ومحد قادر يغير ساكن تصدقون العالم سابقنا بمليون مرحلة واحنا مشكلة مطعم يسمم فينا ولا حنا قادرين نغير شي والله والله ليس من ردي الانظمة عندنا ولا من هم حقوقنا من دولتنا ولكن كذالك من البطانة والمصالح الشخصية والمجاملات الي مال امهما داعي وكرهنا لبعض وربي كرهيت بعضنا لبعض هي ورى مانحنا فية تصفية القلوب وضربنا بيد واحدة من حديد سوف تفير كل ما نحن فية والله ماهو صعب ولا هو اختراع الشغلة تبي توكل على الله وتجمع شباب البلد وتحديد الهدف الي هو خدمة بلدنا و قبلة محبتنا لبعض لنها هي اساس كل شي وهي سر النجاح وتسكير اذانا عن من يدسون بينا بهدف افشال مخططتنا بكلام لا يسمنولا يغني من جوع والسلام ارجو ان تعذو فيني غيرتي على محبوبتي الرويضة ولكممني كل ود |
رد: فئران تتجول في أحد المطاعم بالرويضة أبورهف هذا بس فئران والله من الملاحظات لو طبقو النظام أغلقو جميع المطاعم في الرويضه راح فيها سمو الاحساس يفطر فيه كل يوم يعطيك العافيه |
رد: فئران تتجول في أحد المطاعم بالرويضة أبو رهف مشكور على الموضوع بس نبي إسم المطعم وإلا أنت صرت زي مراقبين البلدية !!!!!!!!!!!!!! |
رد: فئران تتجول في أحد المطاعم بالرويضة بيض الله وجهك يابورهف رايتك بيضاء أعرفكم بنفسي خبير بأنواع التسمم << من كثر حالات التسمم هع هع بصراحة مطعم ولاعمري آكلت من مطعم في الرويضة بالذات وعلى خبري بها أثنين المندي بجوار البنك وكشمير تقاطع السريع مع العام ::.::. فيه مطعم البراك أشوف شبان الرويضة معطينه آكبر من حقه وأنا والله مدري وين يقع ..ولكن والله ماهقيت من زود وبصراحة مطعم كشمير هذا أن أشك في وضعه أحس أنه شغال بالبركة وطبخه مش حالك وخدماته معدومة أما بالنسبة للبوفيهات فأنا والله عميل متنقل مابينهم <<آظاهر ماخليت بوفيه إلا وكليت منه !! مع العلم أنني حذر من النظافة وعلى ثقه تامة أن النظافة على غير الوجة المطلوب وآخيراً والله مافيه أحسن من طبخ البيت ...آيه يا ماما |
رد: فئران تتجول في أحد المطاعم بالرويضة مشكور اخوي عبدالرحمن على الطرح ولاكن كنت اتمنى منك ذكر الاسم يمكن يكون هناك نوع من التشهير ولاكن لاتعلم قد تكون سببا في اصلاح الحال وكسب اجر من يتناول منه في مقاطعته وقد تثمر المقاطعه في تغيير حاله ومراقبته جيدا او اغلاق المحل ,,,,,مشكور ماتقصر ولك كل الشكر |
رد: فئران تتجول في أحد المطاعم بالرويضة وهج السهول 00 شاكرلك على مرورك 000 والله كلنا مانبي هالمطاعم 00لكن ننحد بعض المرات 00ومن فينا يالسعوديين ماياكل من المطاعم 00 والدوله ماقصرت وحطت وزارة كاملة واقسام فيها لمراقبة مثل هذة النواحي 00 لكن المشكلة في المنفذين والمتابعين 00 تحياتي لك 0 |
رد: فئران تتجول في أحد المطاعم بالرويضة سمو الاحساس 00 مساء الخيررررررررات 00 هل فية شيء بعد أعظم وأكبر 00من وجود فئران في مطعم 00مانقول الا الله يستر علينا وعلى اخواننا المسلمين 00 أما المجاملات في المخالفات على اصحاب المطاعم والبوفيات 00فهذا شيء معروف ومسموع من بعض الموظفين في بلدية الرويضة لي شخصيآ 00 وتخفض المخالفه لوجود اطعمه فاسدة 00للحد الادنى مجاملة لصاحب المطعم 00على حساب صحة الناس 00 المفروض خاصه على اصحاب المطاعم والبوفيات 00والمواد الغذائية اقصى العقوبات 00 لكن الواسطة موجودة حتى على حساب صحة الناس 000 الله يعين المواطنين والمقيمين 00 |
رد: فئران تتجول في أحد المطاعم بالرويضة ناصر عبدالرحمن 00 الله يحيك 000 اعتقد من سياسة ادارة المنتدى عدم ذكر اسم المطعم لانه قد يعتبر نوع من التشهير00 اذا لم اكن غلطان 00000 لكن عمومآ هو احد المطاعم الموجودة على طريق الخدمة على الطريق السريع 00 ومن سالني شخصيآ اقولة اسم المطعم 000 |
رد: فئران تتجول في أحد المطاعم بالرويضة الاخ الغالي محمد بن خنين 00 تبقآ دائمآ على البال 00ومكانك في القلب 00 والسؤال عنك وعن اخبارك دائم 000 ومهما قلت من سعادتي بتواجدك وتواصلك معنا فلن يعبر عن ذلك 000 حتى وانت في اقصى دول العالم 00وانشغالك بظروفك الخاصة 00 مهتم بالشأن الرويضي 00 والمسئولين الحكوميين هنا 00غير متابعين 00ومقصرين 00 الله يكثر من امثالك 00ويكتب لك الاجر 000ويجزاك خير 00يارجل الخير ويردك بالسلامه 000 |
رد: فئران تتجول في أحد المطاعم بالرويضة علي الرديني 00 هلا والله ابوعبدالله00وحي ك الله يالغالي علي وبصراحة ومن دون مجاملة 00من اكثر شبابآ 00حرصآ 00واهتمامآ بمدينته الرويضة 00 ودائمآ مهتم بالشأن الرويضي 00 الله يكثر امثالك يابوعبدالله 00 |
رد: فئران تتجول في أحد المطاعم بالرويضة هلا ابو وسن00 مقبولة يابووسن هالمرة منك 00 ارجع لردي على ناصر عبدالرحمن لتجد الاجابة 00 |
رد: فئران تتجول في أحد المطاعم بالرويضة مرحبآ ذيبان 00 اللة يكفينا وياك الشر 000وهالتسممات 00 صدقت والله 000آييييييييييي ييييييييييييييي يييييييييييه ياماما00 بيض الله وجهك على هاالكلمة 000 |
رد: فئران تتجول في أحد المطاعم بالرويضة انين 00 شكرآ على مرورك المفيد 000 فعلا وجهة نظرك في ذكر اسم المطعم في محلها00وقصدك خير في خير للناس 00 وحرص على المصلحه العامه 00جزاك الله خير 00وكثر من امثالك 00 لكن مثل ماقلت في ردي على ناصر عبدالرحمن 00 |
رد: فئران تتجول في أحد المطاعم بالرويضة عبد الرحمن اذكر اسم المطعم ،،،،،، محمد خنين مشكور على التعقيب |
رد: فئران تتجول في أحد المطاعم بالرويضة السلام عليكم ورحمة الله وبركاته الله يكفينا الشر والله البيت حلو حلو حلو والحين حنا وقت صيف ويكثر التسمم لذلك اتمنى من الجميع اخذ الحذر والحيطه الله يحفظنا ياربي ~~ |
رد: فئران تتجول في أحد المطاعم بالرويضة وين اهل الرويضة اللي لا وصلهم العلم وقف., وراهم مايشوفون حل للمطاعم , وين المراقبين الصحيين؟ انا صراحة لو اني محلك وشفت اللي شفتة انت , والله لخلي فضيحتهم بجلاجل , وياكثر افساااااااااااا ااااااااااااااا ااااااااااااااا اااااااد.. شكريات يالغالي |
رد: فئران تتجول في أحد المطاعم بالرويضة الاخ عبدالرحمن اقتراح برق الشمال ينقل المراقبين الصحين في البلدية الاءسكاكا الجوف |
رد: فئران تتجول في أحد المطاعم بالرويضة الله لاجاك فارمربرب مع سلطة مشاوي وش احلى من كذا!!!! |
رد: فئران تتجول في أحد المطاعم بالرويضة آمآ فئرآن آعوذ بـآلله |
رد: فئران تتجول في أحد المطاعم بالرويضة ليش ماتذكر اسم المطعم العمال ولا عليهم قاعدين يشتغلون لحسابهم الخاص والضحية نحن الله يذكرك يابكر الهوسة بالخير المفروض نطالب إنه يرجع لمراقبة المطاعم لأن الرابح في النهاية أنا وأنت ومجتمعنا وينك يالمجلس البلدي عن الي يصير |
رد: فئران تتجول في أحد المطاعم بالرويضة مطاعم الرويضه حدث ولا حرج لانظافه وإهتمام بأي شي بالمطعم الحين عندنا أكل البيت ونعافه مافي أحلى من أكل البيت يعطيك العافيه ياااا الدحملي على نقل الصورة لنا ...بس الله لا يهينك نبي إسم المطعم |
رد: فئران تتجول في أحد المطاعم بالرويضة فئران وصراصير وذبان وحشرات ....ووو ......الخ |
رد: فئران تتجول في أحد المطاعم بالرويضة بلدية الرويضة خارج التغطيه من جميع النواحي والواسطه تلعب دور |
رد: فئران تتجول في أحد المطاعم بالرويضة واضح ان عبد الرحمن ماخذ موقف من البلديه . والافار وشفيها عادي البيوت اغلبها فيها فيران مر من الشارع ولقا الباب مفتوح دخل ، الحق عليك ليش ماصكيت الباب |
رد: فئران تتجول في أحد المطاعم بالرويضة كل المطاعم كذا اذا كليت من اي مطعم على طول بطني يعورني اكلهم كله جراثيم .... |
رد: فئران تتجول في أحد المطاعم بالرويضة السلام عليكم عطني اسم المطعم ايش خسران |
رد: فئران تتجول في أحد المطاعم بالرويضة يووه يوووه الله يعين عاد فيران مره وحده |
رد: فئران تتجول في أحد المطاعم بالرويضة للمعلوميه بعض المطاعم يغسلون ملابسهم في اواني الطبخ ولبعض الاخر يرجع الطلب من الزبون الي قبلك ويعطيكياه |
رد: فئران تتجول في أحد المطاعم بالرويضة 8 8 8 وععععععععععععع حسبي الله عليهم |
رد: فئران تتجول في أحد المطاعم بالرويضة اشين مطعم بوجه الرويضه بــــيــــت الروست |
رد: فئران تتجول في أحد المطاعم بالرويضة الله يستر علينا وحنا ناكل من هالمطاعم لا لازم يكون لها حل والله ماينسكت عليهم |
رد: فئران تتجول في أحد المطاعم بالرويضة الحمدلله مااكل من المطاعم هذي نهايتها |
رد: فئران تتجول في أحد المطاعم بالرويضة يعطيك العافيه تقبل مروري |
رد: فئران تتجول في أحد المطاعم بالرويضة وانا الحظ خدمة التوصيل مجانا في الرويضة في كل المطاعم حتى البوفيات الصغيرة ما يبغون احد يشوف حديقة الفيران والحشرات الي في المطعم الله اكبر عليهم |
| الساعة الآن 03:38 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..