مجالس الرويضة لكل العرب - فات العجاج وقلت بالخير متبــــوع = واثر العجاجة مقتفيها عجاجه

فات العجاج وقلت بالخيـر متبـوع000واثر العجاجـة مقتفيهـا عجاجـه
بالعين شفنا الحيف والعدل مرفـوع000وبدا يغَاب النـور عقـب انبلاجـه
وابعد علينا العدل من حبـة الكـوع000وصار الخطر من راكبين الحداجـه
وعن الوطا غيث السما صار ممنوع000الله يعـجـل لمـتـه بانفـراجـه
قولو لبو فيصل ترى الشر مز روع000ويصعب عليه الي تعظـم علاجـه
لا يترك الدنيا بلا شبـوح وطلـوع000نخاف من سيـل يزيـد ارتهاجـه
لازم يحط الحبـل مثنـى ومربـوع000ويخط درب مايجـي بـه عواجـه
والقصر لوانه من الصلب مصنـوع000ان عاب ساسه ما تفيـدك براجـه
والرأس ما يفزع إلى صار مقطوع000وللحي ماقالوشـف الميـت ناجـه
والبيض مالبسن من الطاس ودروع000والصبح بين ينعرف بـا نفجاجـه
ولاحى ألأ يعرف الشبـع والجـوع000ونفسه لها في كـل الايـام حاجـه
اشوف ناس زادو الخبـث بطبـوع000والكل منهـم قـام يرفـع حجاجـه
ماجربو غـارات طامـع ومطمـوع000ولا دوجو بالحرب يـوم المواجـه
في ساعة فيها الصعب يهتدى طوع000ان صار لافـواه المدافـع لجاجـه
كم واحدٍ في ماقف الطيب مشلـوع000ينقص مقامه عقب فعـل السماجـه
كم واحدٍ يصعـد للافـلاك بطلـوع000بعزم حديد الصلـب ذابـه وعاجـه
لقيت ناس ما لقى لاصلهـا قـوع000وشفنا الفهد والذيب يتلـى نعاجـه
عـزاه ياقلـبً معـذب وملـقـوع000خيل عليـه وضيقـت بـه فجاجـه
ناس على نوع وقلبي علـى نـوع000وبينى وبين الناس مثـل الزراجـه
قلبي صعب حرف الوفا فيه مطبوع000لاشك من ربعه يشـوف الحراجـه
من ما نشوف بناظر العين مفجـوع000وللطيـ ب والله فزتـه وابتهـاجـه

الشاعر المرحوم محمد الأحمد السديري منقول