أحبك ماأبي غيرك ولو غيرك ترجاني ( أحبـك ) قلتهـا بقلبـي .. وباحساسـي وبلسانـي كثير قلـوب ترجيهـا .. ولكـن لا يهمّونـك (أحبك) ما أبي غيرك .. ولـو غيـرك ترجّانـي أنا شاريك ما بيعـك إذا غيـري يسومونـك أموت اشتاق لك كلي .. أبيـك تـزور أعيانـي خفوقي يا غلا ينزف وله واشواق مـن دونـك أطير من الفرح لا من لفـى صوتـك وحيّانـي أحس اني أهم الناس لا من قلت : شلونـك ؟ ألوم النفس لا قلت : بكيت ومـا أحـد جانـي أنا وش عاد يضحكنـي اذا العالـم يبكّونـك ؟ إلى منّك تضايقت .. أنا المسـؤول والجانـي أنا المفروض ما أرضـى أخلّيهـم يزعلونـك (أحبك) زود عن روحي عن اعمامي عن اخواني وباقي الناس يا عمري .. تـرى والله يفدونـك عليم الله لا قلت : ( أحبك ) .. زالت احزانـي واذا قلت : ( أحبك موت ) صحت وقلت : مجنونك غدير الحب في قلبك .. حنان ولهفـة اروانـي أذوب بهمسة ٍ عذرا .. وأثبت إني مفتونك أنا في دنيتي تايه .. ولا ادري ويـن عنوانـي ويوم اني عرفتك صار عنواني هو : عيونك أغار من امك وعمك .. وهذا وذاك .. والثاني أغار من اصغر اخوانك ولا ودّي يشوفونك متى عيني تشوفك يا بعد روحي وخلاني ترى روحي مع عيوني مناهم بس .. يرضونك |
رد: أحبك ماأبي غيرك ولو غيرك ترجاني احسنت الاختيآر ) لآهنت))) |
رد: أحبك ماأبي غيرك ولو غيرك ترجاني أسعدني تواجدك في متصفحي وشرفني مرورك أخي : إنـــتـــــر |
رد: أحبك ماأبي غيرك ولو غيرك ترجاني رقيق دائما تبدع شكلك عاشق للشعر بقووة اكيد عندك محاولات شعريه ياليت نقرأ لك |
رد: أحبك ماأبي غيرك ولو غيرك ترجاني يسلمووووووووووو ســمـــو على الأطراء الله يخليك لا عدمتك وان شاء الله تقرالي في القريب العاجل دمـــت بـــخـــيـــر |
الساعة الآن 05:01 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..