مجالس الرويضة لكل العرب - رثــــــــاء (ابوهايل)

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

- - رثــــــــاء (ابوهايل) (http://www.rwwwr.com/vb/t26445.html)

رثــــــــاء (ابوهايل)

قال الشاعر إبراهيم بن عبدالرحمن بن سليمان المحسن (أبو هايل ) :-

جانا الخبر صبح الثلاثاء من الخال ***** بجماد الأول يوم سبعة عشر فيه
قالوا وفي يومه وتمن الآجال ***** واللي بسط عمره هو اليوم طاويه
وبكيت أنا والدمع من ناظري سال ***** وربعي بكوا والحضر والبدو تبكيه
لا والله الا راح للربع رجال ***** مجالهم مثله ولا احد يحاليه
راح الهريش عبيد اللي ليا قال ***** سمعت له الدنيا ولبي مناديه
ماله وصيف ولا شبيه على حال ***** سبحان من بالخير خصه ومعطيه
راع الكرم والجود والجاه والمال ***** واحد زمانه رافع المجد بانيه
رجال يشيل أحمال عسرات وثقال ***** كم واحد عنها تقاصر هقاويه
لا جاله المقهور وسع له البال ***** وفتح له الابواب من فضل اياديه
واليوم راح من الوطن طيب الفال ***** واقفى وذكره باقي عند طاريه
وهذا قضا ربي على كل الاحوال ***** مكتوب والمكتوب ما احد جزع فيه
وعسى الولي يجعل له الخلد منزال ***** ويثبته لاقام في الحشر داعيه

ومع أطيب تحية ....

رد: رثــــــــاء (ابوهايل)

الله يرحمه
ومشكور على القصيدة
تقبل مروري

رد: رثــــــــاء (ابوهايل)

قصيدة جميله ومؤثرة الله يرحمة ويسكنه فسيح جناته وهذي الدنيا لاتدوم لاحد

كل الشكر لك

رد: رثــــــــاء (ابوهايل)

شـكــ البرااق ـــرا لك ... لك مني أجمل تحية . قصيده مميزه وجميله

رد: رثــــــــاء (ابوهايل)

ان كان تسال يافهد كيف حالي @@@ فانا بعد فارقت خالي بلا طيب
من يوم راح الخال شيخ الرجال @@@ راع الكرم ومكملات المواجيب
وانا على كبدي من الهم قالي @@@ وروحي من اقصى القلب جت بالتلابيب
وقلبي تقل فوقه سواة الجبالي @@@ ولاتقل به مثل حد المناسيب
مالي جدا الا ابكي وافكر لحالي@@@ فيما مضى لي وافتكر بالعواقيب
اي والله ابكي يوم فارقت خالي @@@ ودمعي علىالخدين سيله تصابيب
اي والله ابكي عصبتي راسمالي@@@ اللي مقامه عاليات المراقيب
اي والله ابكي مسندي فالليالي @@@ اليا اظلمت لاجات عندي معاصيب
ويابوي راح اللي على القلب غالي@@@ اللي يهون لي جميع المصاعيب
واليوم لو سجيت مانيب سالي @@@ من عقب فاخت الليال المطاريب