|
زفاف بريالين .. اتفاقية قبلية جنوبية ..! http://www.samysoft.net/forumim/slambasmla/110ru7.gif زواج خال من المقدم والمؤخر وحتى الذهب والفضة وبدون حفلة زفاف أيضا، كل ذلك بسبب ظروف الزوج أحيانا والتي يتقبلها والد العروس بصدر رحب، قبل طلب الأخير من الزوج مبلغ ريالين فقط كمهر لابنته العروس، هذا ما يحدث في إحدى قبائل بني ثابت شمال أبها. ظروف الزوج القاهرة لم تكن السبب الوحيد وراء تدني المهر، ولكن الأمر يعود إلى العادات والتقاليد التي تسير عليها القبيلة هناك، وهو ما أكده شيوخ وأعيان قبيلة بني ثابت والذين أوضحوا بأن هذا النظام متبع منذ القدم حيث توارثوه عن الآباء والأجداد لأكثر من ثلاثة قرون. الغريب في الأمر أن أفراد تلك القبيلة ابتكروا طريقة لضمان عدم عقد اتفاقات سرية بين أهل العريس والعروس لأخذ مبالغ مالية تخالف ما تنص عليه اتفاقيتهم، وذلك عن طريق أداء القسم بين طرفي الزوجين بعدم مخالفة الاتفاقية، وبعد مرور عام من الزواج يقوم طرفا الزواج أيضا بالمرور على منازل القبيلة والقسم مجددا بأن زواجهم تم دون أي مخالفة لبنود الاتفاقية. http://www.samysoft.net/forumim/nehaya/fsdggdfg.gif |
رد: زفاف بريالين .. اتفاقية قبلية جنوبية ..! سبحان الله اين هؤلاء من بعض الاسر اللذين يجعلون من بناتهم سلعة بالمتاجرة بهن حتى انه وصل المهر عند بعض القبائل الى 500 الف ريال اخطوة جميله جدا من ابو العروس والله يوفقهم ويجمع بينهم |
رد: زفاف بريالين .. اتفاقية قبلية جنوبية ..! الحمد لله ان هالشروط مهيب عندنا ولا بتجي علوووم.. بعدين ليش ريالين ليش ماحطو خمسه ارحـم..والله فشله طالعه من بيت ابوها بريالين .. ولا بعد يقسمــونها..ههه هههه |
رد: زفاف بريالين .. اتفاقية قبلية جنوبية ..! اقتباس:
لا والله مو فشلة يابنت كول إلا قمة السعادة الزوجية مستقبلاً بدون ديون ومشاكل اسرية بسبب ما أرهق به كاهل أهل العروس العريس من تحمل يودن وأقساط بسبب شروطهم التعجيزية لدرجة أن بعض العرسان أبنائه يوصلون الصف السادس إبتدائي وهو لايزال يدفع مصاريف الزواج المزعوم الرسول عليه الصلاة والسلام قال : ايسرهن مؤنة أكثرهن بركة وغير هالكلام اتحدى أحد يقول شئ ياغاليتي فالرجل الكفؤ يشترى والمثل يقول : أخطب لبنتك ولاتخطب لولدك وهناك الكثير من القصص الواقعية التي ترفع الراس من أباء على قدر عالي من التفكير المنطقي والعقلية الراجحة والذين يتابعون عن كثب الشباب من خلال تواجدهم بالمساجد ومحافظتهم على الصلوات وسماعهم لأخبار برهم بوالديهم ونجاحهم في مجال أعمالهم وفجأة تجد هالأب يمسك يد الشاب بعد نهاية صلاة من الصلوات ويقول له بالحرف الواحد أبني العزيز إش رأيك أنا أحببتك وأرغب في تزوجيك بنتي !!! وأنا فقط شاريك واللي معك حاليا هو مهر بنتي ولا أرغب في كثير أو قليل من شأنه وضعك أنت وهي في قادم الأيام في إحراج مع الديانة وشركات التقسيط وانا واحد من هؤلاء إن شاء الله فلن أطالب عريس بنتي الذي سوف أختارهـ بأي مهر خارج عن طاقته وسوف أجعله يعيش هو وهي بإذن الله أحسن عيشة بعيدًا عن إدمان الديون ..! |
رد: زفاف بريالين .. اتفاقية قبلية جنوبية ..! اسيــــــــــــ ـر الغــربه شـكــ وبارك الله فيك ـــرا لك ... لك مني أجمل تحية . |
رد: زفاف بريالين .. اتفاقية قبلية جنوبية ..! اقتباس:
ههههههههههههههه ههههههههههههههه ه والله ضحكت على خمسة يا بنت كول يابون يعرسون بلاش :) نرجع للمهم هي مومسائلة خمسة وريالين خير الامور اوسطها بالله المهر مو حق للبنت ليش نسوي خصومات ..البنت تبي تلبس وتكشخ وش ريالين ولا خمسة اللى مهوب قد العرس لايعرس مهر بس بشي معقول ويدخل العقل . |
رد: زفاف بريالين .. اتفاقية قبلية جنوبية ..! وفيك سورا ومقدر لك تواجدك المميز |
رد: زفاف بريالين .. اتفاقية قبلية جنوبية ..! اقتباس:
|
رد: زفاف بريالين .. اتفاقية قبلية جنوبية ..! والله فشيلة... اروح اجوز بنتي بريالين.؟؟ والله لو انها بهيمة ولا ارنب...!! والله لو تعنس عندي اني ما اجوزها بريالين.., على الاقل الواحد بيستحي على وجهة ويطلب اقل شي عشرة الاّف ريال.. ولا دون من ابو البنت الا المعرس جاي من زين الوجه بريالينة , وييييييييين والله لونة طالع فسحة قصيرة ورايح يشتري شكشوكة... الحمد لله على كل حال بس.. |
رد: زفاف بريالين .. اتفاقية قبلية جنوبية ..! مهر برياااااااااااا الين ؟؟ وين احنا في اليمن ؟؟ اولا اكثر المهور مهور بنات الجنوب لاو لازم هدايا لاخوات العروس واخوانها وامها وجداتها وابوها مابقى الا الشغاله صديقتي جنوبيه وتزوجت على ها الشكل.. الا كانهم بحلو بناتهم وقالوا ياللاه على اريالين ... والله المهر شي اساسي وحق من حقوق المرأة اذا ماطالبت فيه قبل العرس متى بتطلبه .. الله لايهينه (((( يحشي جيبه دراهم ،، والله يحيه والا يقلب وجهه ))))))) اللي مو قد العرس السنع لايعرس واللي يدور الرخيص ياكثررررررررررر ررررررره على افا من يشيل . |
رد: زفاف بريالين .. اتفاقية قبلية جنوبية ..! أنا في الحقيقة ضد غلاء المهور وضد وجهات نظر البعض منكم وحصل عندنا لا يقل عن 4 زواجات وتم البعض منها والبعض خلال الشهرين القادمين وعلماً بإن المهر ريال فقط وكنت حاظر الملكة حينما أتيت كشاهد قال أبو البنت سجل ياشيخ ريال وشيم رجال وكلما تقل التكلفة تكثر البركة وبالطبع العلاقة هنا عكسية تماماً وبشكل عام لا يعني هذا الكلام أن بناتنا رخيصات!! ولكن من باب تحفيز الشباب على الإقدام نحو القفص الذهبي وهن آمانه بآيادي آمينة إن شاء الله |
رد: زفاف بريالين .. اتفاقية قبلية جنوبية ..! عسالله يوفقهم وبس .. اوما مسئله بريال بريالين ..والله شي غريب في هالزمن .. ::لاهنت اسير الغربه :: |
رد: زفاف بريالين .. اتفاقية قبلية جنوبية ..! والله مالقاها الاذا الخال |
رد: زفاف بريالين .. اتفاقية قبلية جنوبية ..! اقتباس:
هذا والله الكلام اللي يعز النفس ويبشر بوجود رجال تحرص على مستقبل بناتها وبالنسبة للي يقولون لازم دراهم مادري كم ؟ والله لو تطلبون مليون غير ينفد وتبقى بنتكم وزوجها عالة عليكم بعدين بسبب الديون اللي انتم سبب فيها والرجال الكفؤ أنا مستعد أشترية بأخلاقه زوج لبنتي واللي معه يكفيني منه ولو كان ريال واحد والله وإن عاش راسي غير أزوج بناتي زواج بسيط وبعيد عن كل التكاليف التي ما أنزل الله بها من سلطان واللي يبون مهور غالية وكلام ثاني يشدون حيلهم والعنوسة بعد على قفا من يشيل بهالزمن !! |
رد: زفاف بريالين .. اتفاقية قبلية جنوبية ..! تسلم وتدوم يا أستاذي القدير أسير الغربة كيانك فولاذي ولكن من يفهك |
رد: زفاف بريالين .. اتفاقية قبلية جنوبية ..! الله يسلم قلبك أخوي ذيبان أسعدني تواجدك وتعليقك الراقي |
| الساعة الآن 01:22 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..