من روائع ضيدان فمان الله يا اول من سكن بين الضلوع العوج = عسى دربك سفير ويا عسى الله ما يخليني توكل لاتوادع رح عسى درب الجفاء المسهوج = يصادف درب فرقا عقبها ما تلمحك عيني سمحت من الهوى ومن القصيد ومن زراق الموج = ورميت اغلى مجاديف الغرام وجيت بيديني اباغرق في عذابك لا رحلت ويصبح المنتوج = قصيدٍ في حياتي سلوتي وان مت يرثيني واذا هبن بنات الريح للذكرى بدون سروج = ابسرج مهرة النسيان وارحل من عناويني وابنسى لين اسج وارسل الونات فوج وفوج = وابنسى دمع عيني ينتثر وانساك من حيني صبور? اي والله اني ما ثنيت العزم قبل ادوج = بريضان الجفاء واضما لوصلك لين تسقيني شجاع? اي والله اني ما عرفت الذل قبل اسوج = قدم رجلي على دربٍ لبيت اهلك يوديني كريم? اي والله اني ما عرفت الشح قبل تروج = دموعي في عيوني ثم اشح بحسرتي فيني احبك? حسبي الله ليت مالك في سماي بروج = ولا لك في البسيطه كود شي بينك وبيني دخيلك لا تلفت رح بفالك واترك المرجوج = تغانم ما بقالك ولاّ انا ماعاد يمديني فمان الله سق ركبك على درب السنين العوج = ولكن طالبك لـ اقفيت عني لا تخليني |
رد: من روائع ضيدان بديعة عباراتك جميلة كلماتك نسجت من جميل الحرف ما ابهرني أحاسيس مرهفة لقلوب العاشقين بإنتظار نبض قلبك القادم |
رد: من روائع ضيدان عفاك ربي سمو الأحساس أحسنت الأختيار يالغالي وتقبل مروري |
رد: من روائع ضيدان صح الله لسانه .. كلمات في قمه الروعه .. لاهنت سمو ع الاختيار الجميل .. |
رد: من روائع ضيدان سمو الاحساس دائما ساميا بأحساسك وذائقتك سلمت اناملك وسلمت ذائقتك الجميله تقبل مروري وسجل اعجابي بذوقك الرفيع |
الساعة الآن 01:24 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..