ياراعي الشيهانة للشاعر ناصر بن حمر

ياراعي الشيهانة اللي على الكـف=ياللي مضريها بصيـد الحبـاري
ما شفت لي بنت هدب عينها صف=منها على شيهانـةٍ لـك مـواري
من حققت بعيونهـا فيـه وقـّـف= تكفى يابن نصار عجل المثـاري
وجدي عليها وجـد قـرمٍ مكتـف= نادوا غريمه وازهبوا له اسواري
ثوّر عليه وفرّغ الخمس من كـف= ويقول قم بفلان ذيـب الغـداري
جاء العلم ابوه وقامت امه تلهّـف= طقوا خلا كل من الثوب عـاري
ركبوا خوانه فوق ستـة مـردف= وعدوا علـى ذبّاحتـه بالنهـاري
بانوا عليه وشاف بالعين واختـف= ومسكين ماله عن غثاهم مطـاري
وقعد عليه الطير الابرق يرفـرف= وفي المعركة تذري عليه الذواري