|
يابوي بنتك إلا منّه عـوى الذّيـب ( ذيبـه) يابـوي جعلـك للبقـا والمكاسيـب عمري بدونك يالذَرا ويش أبـي بـه يابوي تسأل عـن شفـاك المراقيـب طلعـة سواتـك للنّوايـف غريـبـه ليه المرض مايعرف الزّين والعيـب مايـدري انـك للمخاليـق هيبـه !! أبسألك وش به غزا وجهـك الشيـب والقلـب لايـع والنواظـر شحيـبـه وش بك تحاتي لانوى الموت تغريـب تخشـى علينـا بالليّالـي الكئيـبـه خذ دلّتك واركى على مسنـد الجيـب وعطني شماغك بلثمه وأحتمـي بـه ونروّح لأرض ٍ بها العشب والطيـب وتسمع كـلام ٍ يالغـلا تحتفـي بـه يابـوي بنتـك لاانحكـى بالتّجاريـب كل ٍ يشـق لهيبـه الصّيـت جيبـه يابوي ماني من سـوات المخاريـب اللّـي تجيـب لعليَـة القـوم خيبـه وماني من اللّي لامشت حفّها الرّيـب أ نـا مـن اللّـي مايدنّـس حليـبـه مرفوع شاني عـن غـرام المكاتيـب وأكبر من انّنـي أرتضـي بالحبيبـه أنـا غرامـي لاابتـدوا بالتّراحـيـب نفوس الأوادم فـي وجـودي رحيبـه وان كان زينـي فتنـة ٍ للمصاويـب أحـط وجهـي بالحريـق ولهيـبـه زيني أبيعه وأشتري سمعـه الطّيـب اسم ٍ ينومس بالصـروح الـذ ّهيبـه وان كان عندي ( بالحلا) شي ٍ اصعيب عنـدي جـدود ٍ مارضـت بالغليبـه دموع القبايـل فـي لقانـا مساكيـب كـن المقابـر لاحضـرنـا قريـبـه خضّبت لك كفّي من العـز تخضيـب ورفعـت راسـي للنّجـوم الصّعيبـه والله لأسـدّك بالفعـول المصالـيـب والله لأشيلـك بالرخـا والمصيـبـه طلع المعالـي ماانحكـم للشّواريـب بنت ٍ وأناطح فـارس القـوم طيبـه وياشيخي إبشـر لوتـدور الدّواليـب بنتك إلا منّه عـوى الذّيـب ( ذيبـه) |
رد: يابوي بنتك إلا منّه عـوى الذّيـب ( ذيبـه) انشوده ابيات في غاية الجمال وفيها من المعاني الجميله ولي كل البنات كذا سلمت يداك انشودة المطر |
رد: يابوي بنتك إلا منّه عـوى الذّيـب ( ذيبـه) مشكور مرورك رقيق المشاعر |
رد: يابوي بنتك إلا منّه عـوى الذّيـب ( ذيبـه) انشودة اطال الله بعمر ابوك اختيار اكثر من رائع |
رد: يابوي بنتك إلا منّه عـوى الذّيـب ( ذيبـه) ابيات روووووووووووووو ووووووووووووووو ووووووعه ياروووووووووووو ووعه |
رد: يابوي بنتك إلا منّه عـوى الذّيـب ( ذيبـه) مشكور سمو الاحساس مشكورة اسيرة الصمت |
رد: يابوي بنتك إلا منّه عـوى الذّيـب ( ذيبـه) إختيار موفق وابيات قمة في الروعه والاصاله --دمتي بخير |
رد: يابوي بنتك إلا منّه عـوى الذّيـب ( ذيبـه) اهلا اخي محمد اشكر لك حضورك ومرورك العطر الذي شرفني واسعدني واضاف لموضوعي روعة وجمالا دمت بود . |
رد: يابوي بنتك إلا منّه عـوى الذّيـب ( ذيبـه) انشودة المطر كلام جميل جدا 0، كلمة ذيبه لي عليها بعض التحفض لان انثى الذيب معرف اسمها لدى الجميع يعطيك العافيه |
| الساعة الآن 01:31 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..