|
يُمَه يقولون عشق البنت "مو عادي" يُمَه ذبحني بغلاه ... وطبعه الهادي هو صاحب الفضل في هالعشق ... والمنة مدري انا البادية ... والا هو البادي بس المهم الهوى فينا غرز سِنه والله يا حضنه حضن ... وشفاهه تنادي وجوارحي كلهن يُمَه يلَبِنه يُمَه وربي انا مالوم حسادي ادري بهن حاولن بالكيد يغونه (وهو يتحمل غثاي ... ويعشق عنادي) يموت بي موت وغيري ما درى عنه يُمَه تماديت به والقلب متمادي ومشاعري ضيعن قلبي ... وذلنه من قبل اعرفه وقلبي بالهوى غادي وعقبه عرفت النعيم وريحة الجنة انفاس صدره اذا فاحت زهر كادي اقرُب من شفاهه الحلوات وآكنه ادري الهوى شين ... لكن ربي الهادي يمكن يجي يوم وانسى ... بس ما اضنه شابت عيونه على فرقاي وبعادي (وذابت حوايف خصر سلمى من الحنة) اقول خذني " من الوادي ... الى الوادي " ويقول بس اركدي واجيك بالسنة وركدت يُمَه ... ولكن طَوّل ركادي متى البشاير يجن قلبي يهزنه ...؟! اقلق مزاجي هواه ... وعكر رقادي وعروق قلبي من النشوة يحزنه افز من عز نومي بحلمي انادي اوِن بإسمه ... وترجع لإذني الونة اللي عشق غير خلي ... بالهوى غادي (واللي عشق غير خصري ... بايخٍ فنه) يُمَه يقولون عشق البنت "مو عادي" والا الولد لو عشق يمكن يجي منه ...؟! |
رد: يُمَه يقولون عشق البنت "مو عادي" يموت بي موت وغير مادرى عنه الـــغـــلا ما هذا الابداع شي جميل أبيات في غاية الروعه ذائقه راقيه ورقيقه تعرف ما تنتقي وبالفعل لم تنتقي الا ما هو رائع سلمت يداك يالــغـــلا على ما سطرت ودامت هذه الذائقه الرائعه الحساسه تقبلي احتراماتي |
رد: يُمَه يقولون عشق البنت "مو عادي" مساء الحُب / غلاي ذائقة مُرهفة ومُمطرة بالعذوبة والجمال دامتّ ذائِقتكِ حسّاسة وجياشة وراقية للأبد.. http://www.qflora.com/ProdImages/b%5Cred_rose6.jpg |
رد: يُمَه يقولون عشق البنت "مو عادي" كلمات رائعه يالغلا تسلمين على الاختيار |
رد: يُمَه يقولون عشق البنت "مو عادي" لاهنتي يالغلا ع الذائقه .. كلمات في قمه الروعه .. |
| الساعة الآن 09:59 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..