اضرب على قوقل و عطني علومه للشاعر ابن وسام ..

بسم الله الرحمن الرحيم


السلام عليكم ورحمة الله وبركاته

هذه القصيده من اروع قصائد الشاعر الكبير سلطان بن محمد بن وسام الهاجري

أضرب على قوقل وعطني علومه
مالك ومـال مجمعيـن الكلامـي
واليا غدى لأسما الرياجيل حومه
فالمعمعه مثل الجـراد التهامـي
أحدن يبيع رخيص وأحدن يسومه
تحصل أسمي مع كبار الأسامـي
بشعر اليا مر الخشوم معرومـه
يطيح من عوج الخشوم العرامي
وقل للمغفل لا يواصـل هجومـه
ترى نضامه يختلف عن نضامي
ما بيني وبينه نقاش وخصومـه
مخاصم الجهال عيـب وحرامـي
لعـل جسمـه يسترنـه هدومـه
ويجوز عن طرد الهوى والغرامي
شعره يغذيه التـرف والنعومـه
أرهف من النسمه وريش النعامي
وشعري بحر ما كل رجل يعومـه
أنشد خلف وأنشد رشيد الزلامي
قل منهو الي ما تثنـى عزومـه
اليا أحتمى الميقاف والشعر حامي
مثل السحاب الي ترادم غيومـه
من يحتمي دوره عداه الملامـي
في موقف محدن يخلـي لزومـه
كلن تلفـت للفشـق والحزامـي
أحدن تفاخر به ربوعـه وقومـه
وأحدن مع الزحمه عليه السلامي
هذي رساله مبهمـه ومختومـه
مع جزيل الشكـر والاحترامـي



اتمنى ان تنال اعجابكم

..

الله الله..


والله الشاعر ياقوم الحتسي..


كل بيت احلى من اللي قبلة..واعتقد انها رساله لمجهوول...

كل الشكريات تكفيني

قصيده في غااااااااية الروعه..

تشكرااااااات تكفيني

	الله الله.. والله الشاعر ياقوم الحتسي.. كل بيت احلى من اللي قبلة..واعتقد انها رساله لمجهوول... كل الشكريات تكفيني

بقايا جروووح

بالتاكيد ابو وسام شاعر مميز والكل يشهد له ..

وعقبال ما نشوفك تنافسه بقصايدك المميزه ..

كل الشكر لك على مرورك

	قصيده في غااااااااية الروعه.. تشكرااااااات تكفيني

بنت كول

مرورك الاروع ..

كل الشكر لك