|
يتــبـــع ^ ^ ^ وهآذي قصيده بنـدر بـّن سـروٍر يوصف فنـسـه ماني وانا بندر براعٍ ولد راع ... انا الحصان اللي طوالٍ حباله إبن سلايل خير من شالت القاع ... المصطفى الهادي وديع الرسالة ماني وانا بندر ببيّاع دمه ... يقطعك يا بياع دمه و مهفيه اللي يبيّع لابسات الأزمه .. ثورن يبي بيض العماهيج تغنيه ماني وانا بندر بهيسن ولد هيس ... هيسٍ يدنع عند حرمة قصيره ليا بغيت اجلس ترى لي مجاليس ... وليا بغيت انهج دروبي عسيرة ماني وانا بندر بهيتٍ ولد هيت ... هيت مقابل خمّةٍ يكرهونه من كثر ما جرّبت وأقبلت و أقفيت ... قولة هلا من لا يودّك مهونة ماني وانا بندر على درب الأنجاس ... اللي قريبٍ تفلها من لحاها أنا بدرب الصيرمي عدم الأجناس ... زيزوم روق ليا تنصّت عداها ماني وانا بندر بنصّاي جابان ... شوخ الجموس مناقرين الحليلة ليا صار لي لازم نصيت ابو فيحان ... شيخ الشيوخ مكمّلين الجميلة وقـآل صوتي وانا بندر طويل ليا بان ... إن ما خشيت الرب ويش اختشي له ما ينرمي قولن على غير نيشان ... و من لا يثبّت حجته ويش هي له وٍإترٍككم مـَع بـعض المقـآ‘طـّع لي بنـدرٍ بـن سـروٍر مقطع " الله من عين " تكرر في بداية ثلاث قصايد : الله من عينٍ ليا عسعس الليل ... عافت لذيذ النوم ما تهتني به يا وين انا القى من يحب التعاليل ... يبدى بزين القول والا ابتدي به الله من عينٍ تزايد صلفها ... بيّن كداها بالعروق الصخيفة كم واحد له حاجة ما صرفها ... يصد عن صرّافها لا يظيفه الله من عينٍ طرقها صواديف ... عميت و يبسن العروق الصخافي شفت الوزا بالعين من عرض ما شيف ... شفته و غيري ما فطن له و شافي أما مقطع " يا مل قلبن " تكرر في بداية قصيدتين الأولى في الحكمة و الثانية في الغزل يا مل قلبن كل ما مات همه ... دارت دواليب الدهر لين تحييه فرّاق شمل الناس عيّا يلمه ... وقتن يشيب الراس من شاية فيه يا مل قلبن تلّه الود تلّي ... تل الرشا من فوق ملحا جلاله في غربها تسعين فري و مشلّي ... تجفل ليا سمعت ظريس المحالة من واحدن طرق عليّه يهلّي .. لحق بواقِ القلب مع ما جرى له و اما " انا اللذي شفت الوزا " تكرر كثيرا , و أشهر المقاطع كانت في الحكمة أنا اللذي شفت الوزا ياسماعيل ... طاوعت نفسي لين شفت الغليبة النفس طير و الخطايا محابيل .. و الناس روّاي الحديث تحكي به وانا الذي شفت الوزا يا سليمان ... برد الشتا و القيظ اكلني لهيبه مانيب اهين النفس لو كنت جيعان ... ما يدنع الا الكلب عقب انزي به و لعل من اشهر الجمل , هي " يا سهيّف الذرعان " اللي مع " ماني و انا بندر " تكرروا بشكل أوضح من غيرها يقول بندر في سهيف الذرعان متغزلا و واصفا فرته |
يا سهيف الذرعان انا منك مخطور ... مثلي و مثل اللي غدى له بديرة فرتن مخيف و حدّه الحمل و الجور ... زاع أسود الما لين ولع انبيره سهيف الذرعان متغزلا فيه و واصفا طيره: يا سهيف الذرعان زين الدلالي ... قلبي تغير ما سمعتي صريره صرير فرخٍ حده اقطم كحالي ... طقه مقافي ريش و اخلف مطيره يا سهيف الذرعان ويلك من العار ... حتى أيش لو لعنت ماني بملعون يستاهل اللعنات ثارٍ ولد ثار ... اللي ليا جا باخر الوقت ممهون يا سهيّف الذرعان مافي وسواس ... لي حاجة بالعرش و أسعى وراها اسجد لقادرها على غفلة الناس ... أساله الجنة و نكمل عطاها و للابيات هذي قصة سنتطرق اليها ان كان المقص ما ناشها: يا سهيّف الذرعان مانيب مرجوج ... رجتني الايام غدرٍ و حيلة يا بنت لولا الذي على تاسع الفوج ... لاترك نجد و عزوة بالقبيلة يا سهيّف الذرعان لو قلت لا باس ... مانيب من يجري الخبيث بوريده كم فرجةٍ من خوفها الراي ينحاس ... على عيال البوم عسرٍ مديده و الكلام عن سهيف الذرعان , يقودنا الى شعر بندر بن سرور الغزلي , اللي يتضمن بعض الاشارات الى الفرت و الوانيت. اللي أظنهم من متلازمات القصيدة لدى بندر بن سرور , كما كان الشعراء القدامى يبدأون قصائدهم بوصف مركوبهم , من جمال أو خيول , فإن بندر قد ابدع في هذا السياق. ذكر بندر بن سرور رحمه الله في شعره الكثير من الأسماء , فـ من منيرة , و سارة , إلى ميثا و حصة . فهل شاعرنا حب كل هذولي ؟ و هو اللي تزوج مرة واحدة و فشل زواجه ؟؟ أم ان الأسامي هذي تمويه , لتغطي على الاسم الحقيقي كما هي عادة الشعراء؟؟؟ ان كان ابو نورة قال لعيون سارة تشرق الشمس و تغيب , فـ بندر قال فيها: عز الله اني عن هوى البيض تايب ... لكن ردتني على القول سارة لا وا هني من لا طرت له عجايب ... و عيونها اللي للمهاوين إشارة أما منيرة , قال فيها : يا راكبين أكوار شيبن محاقيب ... اللي عليهنّه من البعد غيره ضد السلاح و ضد كل المناصيب ... ودّوا سلامي فوقهنّه منيرة و ضيحة لها حقها بعد: عز الله اني جزت عن كل ما اقول .. لا شك ردتني على القول ضيحة يا شيخة الخفرات من زين و دلول .. من مات من سبّتك ربه يبيحه واذا كان محمد عبده جا ببنت النور , فإن بندر بن سرور سبقه بأمها :!! يا بنت ياللي صوتوا لك بام النور ... نادوك يا ام النور و اسمك منيرة لولا الجديل اللي على المتن منثور ... والا لريم الصيد صرتي خشيرة و برضه منيرة : اخذ القلم و اكتب يمين و شمالي ... ثم أطول التاريخ و اكتب منيرة و اكتب ترى بالشرق مابه رجالي ... الا الحسد و مغامزن بالقصيرة ^ ^ ^ يتبــع |
حصة: على شان " حصّة " جعل يسقيهم الوبّال ... ليا عوّدت مالي و مال الحبردية ميثا و الغرابي : ياليتني سيّرت يم الغرابي ... من شان " ميثا " شوفها رحمة لي ابو جديلٍ ماشطه بالخضابي ... زوده على حد الردوف متدلّي والعين عين اللي يويق الهضابي ... حرّ على كل الحرار متعلّي و الخد بارق مستهل السحابي ... و كلامه أحلى من حليب المتلّي يا زينه : يا زين فنجال على نومة الناس ... زرع اليمن و اللي مسوّيه عيده يبري العماس اللي فضى خوتة الراس ... روابع يقفي و يقبل بريده أما في هالبيت الغزلي , يلاحظ تأثر الشاعر في بيئته , و يبدو انه قاله يوم كان بالكويت , " ثاني إعدادي " : يا بجاد لو صادفت وِرعٍ صدفناه ,,, على طلوع صفوف ثاني إعدادي ابو جديل يوم تدلج زواياه ... سبّاح غبّات مع الموج غادي يمكن يصبّون الذهب من شفاياه .. والا بخده يزرعون الزبادي هذي اللي اعجبته ولا يعرفها : يا بنت ياللي عينها عين شيهان ... حرّ قطامي فعوله عطيبه والقرن ذيل اللي تشعشع للاكوان ... بنت الاصيل اللي طويلٍ سبيبه و الردف يطوي الثوب و العود ريّان ... و الخد بارق مزنةٍ مستجيبة أسايلك بالله خلاق الانسان ... الله عليتس انتي من أيّا عتيبة ؟؟؟ وقآل هآذي يا بنت ياللي عمرها صدر و ردوف ... بيض محاجرها و حلو نباها ودي بشوفك مير يوم اقصر الشوف ... عيني بعد هاك الرمد قل ماها الفزعة: يا علي صوت بالقلم و اشعل الليت ... افزع لقلبن كاثراتن شطونه أما بالنسبة للسيارات في شعر بندر رحمه الله , فإنه قد وصف في الفرت ما لم يصفه غيره , في مناسبات عديدة و في أبيات متنوعة نتركه مع معشوقته الفرت من فوق فرت يوم يرخي المتوني ... جول القطا اللي واردن عقب مرواس من مارده يا عبيت شابت عيوني ... و من مصدره يا عبيد شاب أسود الراس قصيدة يتوجد فيها على معشوقته بفرت الا وا وجودي وجد من صك دونه باب ... بقفل اعجمي مغلقات مساميره عَدَو به على اللي كنه النسر بالمرقاب ... على الجمس الأصفر كاملات شراشيره معه فرت خمسة طن ياخذ مية ركاب ... من المال عيّن ينقلنّه تغاييره دخل هو و حِمله للحكومة بغير حساب ... و راعيه عشر سنين و يعاد تقريره على اللي كواني كيّة العظم بالمشهاب ... على أقصى عراوِ القلب محمي مناشيره عشيري ورا الكوده وانا من ورا مشعاب ... بعيد قريب تعيب يا هون تيسيره ولا يوصله كود " فرت " عليه اسطاب ... ليا حاسب السوّاق تقدح مواخيره صنايع بياطير الكفر لابسين الكاب ... عصاة اليهود اللي مشاريبها البيرة وقــآل هـآذي ألا يا نديبي فوق فرتٍ ورد من شرق ... على راس قيره للعليمي تعاشيقه من الوارد اللي جمركه عند راعي عرق ... على المطرق مجبور ياخذ قماريقه اما في هذا البيت , فكما أسلفت , تأثر الشاعر في بيئته عندما سافر للكويت , و واضح أختلاطه بالغرب و تأثره باللغة الانقليزية هناك .. فالمقصود في كلمة " ويله " هي " كفراته " , حيث أن ويل بالانقليزي تعني كفر راكب اللي يوم طب مع النفودي ... كن صلفات الهبايب عج ويله صوت سيره يوم غنّى بالعمودي ... صوت ذيبن وايق براس الطويلة من فوق فرت ما يشيل الصقاقير ... من زود فنّه صافيات بلوفه بعريبيا ما رهّموا له مسامير ... من دولة النجمة مبادي حروفة يا هل الونيت اللي على مدقره ميم ... نقل الرياض الخط ما توصلونه صنّاعته مخطين ملّة ابراهيم ... حمران رومٍ لونهم مثل لونه والله لو أمسك طارته يا مغانيم ... ما عاد أقلّد دولةٍ يصنعونه راكب اللي يعجب اللي يوم حافه ... زين صوته بالسيور المعدنية زيّن الصناع شغله بالكيافة .... ناسجٍ حوضه على ذوق الحنيّة يوصل اللي بان بالقلب أختلافه ... عيّت الأيام تسمح لي مجيّه الله على اللي يوم يفتل عموده ... يطلع ثرى ارضٍ بعّد القيظ ماها ليا أونس ثقيل الترس يرخي عضوده ... شيهانة ترخي المتون لعشاها في مدح الشيخ سعيد بن مبارك السالمين المنصوري من العين يا اهل الونيت اللي تزايد عويله ... مكينته ذيب النصارى شغلها حدّه وقود النار و أبعد مقيله ... شرقٍ يريد العين و أدنى جبلها راكب اللي من حفيزه للحدودي ... عَقّب العشرين طبلون اميتينه فرت نوع كلاسيكي ماله طرودي ... أبيضٍ في البيت الأبيض فارقينه يرفعنّه نايماتٍ بالعمودي ... و الهوى و النار يرخنّ المكينة يوم مرّ خريص مع عرق النفودي .. قاومه صوت القيامة في المدينة يا منير دوك الفرت و اخذ الفواتير ... افحص عليه و دخله بالكراجي اللي يبى البنزين ركّب مواصير ... و اللي تبيه النار ركّب بواجي وبآقي كثـير بـس شكلكم تقولون وٍش هآذي إلقـلق ههههههههآإي وهـآذي قصيده فـي دخـآ‘ن إبوٍ بس<_ قديم هههههههههآإي اشرب من ابو بس و أنسها نـس نس المهرب مع خطوط الجزيرة ليا من عطى له ثالث قام يضرس خفر السواحل في طريقه خطيـرة شدة قصير ولا يمـر المهنـدس توّه جديد و عالـمٍ بـه خبيـرة يسري من الحدّين و يصابح الرس عليه بندر مـا يخونـه ضميـرة جاب البضاعة من مغانيه بالـدس ماهوب شاةٍ ميتة فـي حظيـرة يالله يا منشي السحاب المطمّـس تفرج لمن مثلي عيونـه سهيـرة وهـآ‘ذي إلقصيده إلآ طلبهآ إخـٌوي عبد إلرحمـن ][ يآمنير عمرلي مـن التتن معمآ‘ر][ يا منير عمرلي من التتن معمار.......يبر ي الغليل الي على القلب تالي ولا صرخت باعلى الصوت وابديت ماصار.....من شان تدري وش ولا بحالي أركض مع الدنيا كم راس دوار.......ياما كسب زين بعلوم الغزالي الله على الي عايروها بلأمتار......ال طراز بنز شغلت بالعدالي زادو هواها وأطعموها من النار....حتى الانمبير المنضجع عبد صالي يجدي على الي في طرف نجد سنجار......يجدي الجبل سنجار بين الجبالي يوم قل لبو بندر ترى الوقت غدار......يبطن تراني ما أنفع أحد شكالي ان زان وقت صار بالسلك يدار.....وان شان قصو مروعات الحبالي يوم ان عتيبه شيوخهم مابهم خير......انصور حوم يتبعن النوالي والله يالولا الخوف من باب الاشرار.....لعد شي شفته اول وتالي كم واحد بين العما عيش هزار......مغترت ه نفسه بكبر الظلالي يدنس على ربعه ويدرع بالاسوار ...ويعد نفسه من حسوب الرجالي كفه بخيل وقلب انجس من الفار.....اسود طرف وادغم من السيم دلالي هذاك بعته خير ماكنت مختار...الجزا بالصدات وابعد مجالي ابعد مجال الرجل عن كل عثار...واصبر على الصكات والعمر فاني واليوم وطني غبر الايام مجبور ..غير الجماعه ماوطني لحالي حرام للفنجال شربه اذا فار.....اللا على الي يرخصون الرجالي وانا الذي ماقول في نجد شعار......ويذل بالشعار محد حكالي تقبلوٍ تحيـآ‘تي وفـيه كثـير كثـير بس مآبي إطول عليكم وتقلون وٍش هآذي إلنشبه هههههههآإي:10: |
تسلم فهد واختيار موفق لشاعر كبير |
فهد سيف العفيش يكون الانسان دوما مميز يالنقل الراقي والذائقة الادبية المميزة مودتي لك |
| الساعة الآن 01:41 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..