|
تعالوا نبحر مع الشاعر سيف بن عفيش (محاورة شعريه) السلام عليكم ورحمة اللة وبركاتة. محاورة شعرية جرت بين شاعرين كبيرين : سيف بن عفيش وصالح العويسي من اهل الرويضة بالعرض "جعلها السيل" . سيف سلامي عليكم يارجال الحمية= من الهاجس اللي يفهم النقص والزود على من حضر مني سلام وتحية= اقوله جواب مايجي فيه منقود صالح -- هلا والبقا بك عد برق العشية= وابلعب بصافي يوم ذعذع لي النود ريالك ليا جانا صرفته بميه= ترى اللي تبي يا صاحب العرف موجود سيف--- احب السوالف والعلوم الطريه = حلاة السوالف بين ناشد ومنشود معك نيه وانا معي كم نيه= تهرج ما دام الحبل يالخصم ممدود صالح-- سوالفك يارجال عندي شليه= ولانيب لاطارد ولا نيب مطرود ترى العرف زامي مثل هضبة طميه= ومن راح عن دربك فلا هوب مفقود سيف--- ياليت العويسي مايعجب خويه= ابيكم عليه من الخطا صيروا شهود تري ذمتي من ما يقوله بريه= ما احب الظلايم فوقنا رب معبود صالح--- لاياك تلحق صاحبك مقصويه= خصيمك مشي فالدرب نار وبارود وانا ويش أسوي يوم خصيمي بليه= معه حبل واعراص وحاس لي قيود سيف-- ياليتك نهار الحرب قايد سريه= تهزمه ليا من حكوا العود بالعود مابعد رمضان وقبل شهر الضحيه= يبا الصيد واصبح ريس القوم مصيود صالح--- ودنياك يالصا حب تراها صبيه= ولاني موكل عن مساعد ومسعود ولاجا الضحيه صارت النار حيه= شهودك نبيهم لالفاينا بن عبود سيف-- ماوكلك عني نايب فالقضيه= أسد اللزوم ان صار حاوي ومردود تصبر تري الايام دايم مديه= الايام بيض والليالي تجي سود صالح---- أنا بيك يالصاحب صبور عليه= واجيب الخبر من عند حامد وصاهود وكيل عليك أن جبت صاحب عليه= احده على ماطاب والدرب مسدود سيف--- ترى نيتك فالدرب دايم مطيه= تصبر يا بو شباب والوقت محدود ياويله ليا منه وقع في يديه= اقوده على ما اريد ياصاحبي قود صالح--- أنا عقب ماشفته كتبت الوصيه= عسى الموت بالسنه ولانيب مقرود واعرف الليالي والليالي فضيه= تحب البحر والاتبا تارث عقود سيف--- عيوني تخيل الخنجر الحضرميه= مانا خايف منها ترى العلم ماكود على مايقول إلي المهندس عطيه= وانا لي مع اهل العرف غاية ومقصود صالح---- انا فارضكم مانيب فارض خليه= ولا احد يدور للخطا والخطا كود واشوف الشويه مير خل الشويه= وانا ماشيا في ديار وافين الجدود سيف--------- الوي عليك الحبل عشرين ليه= واخليه طول الوقت والعلم مريود ابهدي عليك من النصايح هديه= تري من غدا فالدرب ما هوب مفقود صالح----- ولانيب مجنون يثني عليه= انا معك ماني راضي لطم خدود وياقشر حظك لارمتك المنيه= تجيب الخبر والاتجي مثله قهود سيف-------- انا لو أبا اركز للجمل زود خيه= يصبرعلى كيفي ولا ينكر القود سوالفك فيها غش ماهي صريه= وأنا في غيابك باذل كل مجهول صالح----------- عداك الهدف ولا عرفت الهويه= وهدهود جاب العلم يم ابن داود انا خبر انك حاملن تابعيه= تبي درب يارجال والدرب بسنود 000000000 صح لسان الشاعرين وان شاء احاول اجيبكم عدد من القصايد وتمتعوا مع المحاورة الشعريه |
تركي -- هذه الصفحة تخصص للشاعر (سيف بن عفيش ) وبدون ردود (مقفل ) وعند اضافة قصيدة عليك بفتح الصفحة وإضافة القصيدة سواء التي تحصل عليها او يزودك بها احد الاعضاء وتعاود اقفال الصفحة لطفا -- |
صح لسانك تركي وصح لسان الشاعرين ماقصرت يالغالي |
صح بدنكم ان شاء الله ابو عبدالله احاول انزل من قصايده وياليت اللي حافظ قصيدة لسيف يرسله لي على الخاص وانا انزله بسم اللي ا رسل رساله لي ومشكورين على مروركم الكريم |
عيوني تخيل الخنجر الحضرميه= مانا خايف منها ترى العلم ماكود على مايقول إلي المهندس عطيه= وانا لي مع اهل العرف غاية ومقصود ابو عقارب صح لسانك ولسان الشاعرين القهوه القهوه يا شباب ما قصرتوا وانت بعد ما قصرت تركي |
| الساعة الآن 04:09 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..