درب الغياب احببت اول حضور لي هنا فأنا صاحب محل ولا احتاج للترحيب
على أمرك يابعد نبض الخفوق وهاجسي ومناي = مدامك ماتبي وصلي أنا وش عاد يبقينـي أبحفظ مابقى لي من كرامه وأستحـث خطـاي =على درب الغياب ووين مـاودى يودينـي واذا هفهف على صدري هواك وحدني لاقصاي = دعيت الله يطمن في بعادي قلبي وعينـي وطلبته مثل مامكـن غـلاك وثبتـه بحشـاي = يشيله من معاليقي قبل لا الوجـد ينهينـي ولعلمك لو عرفت إني أبثني عزمك برجـاوي = أموت ولا ترجيتك وقلبـك بايـرٍ فينـي لو انك قلتها تبغـى تشـوف معزتـك جـواي = أو انك قلتها ساعه زعل والذنب كاسينـي لاجيك بكل حيلاتي من ايـام الصبـا لا تـلاي =.وأشري رضاك لو كان المقابل باقي سنيني ولكن مالمسته بك قتل حتـى العتـب بشفـاي = غرام ٍ مات في عينك على فرقاك يغريني حسافة كنت احسب انك تقدر طيبتـي ووفـاي =وعلى اقل احتمال تراعي اللي بينك وبيني توقعت إنك أخلص من عرفت وشفت في دنياي = أشك بكل من حولي ووحـدك ماتخلينـي طلبت البعد في وقتٍ أبيك تكـون بـه يمناي = بعد ماجارت ايامي علي وحارت يدينـي ولايخفاك صكات الزمان وماحصـل ويـاي = ولو مافي يدك حاجة وجودك كان يكفيني توفي لو بعض دينك إلين آقف علـى ماطـاي = لعل يكون لي صبر ٍ على الفرقا يقدينـي على كل حال ماينفع كلامي لـك ولا شكـواي = عن اذنك برحل لدرب الغياب اللي يناديني بالصوت |
صح لسانك عبدالله التركي على الابيات الجميله والف شكر وبنتظار جديدك |
حسافة كنت احسب انك تقدر طيبتـي ووفـاي وعلى اقل احتمال تراعي اللي بينـك وبينـي توقعت إنك أخلص من عرفت وشفت في دنياي أشك بكـل مـن حولـي ووحـدك ماتخلينـي روعه هالبيتين يعطيك العافيه يأبو تركي ومأقصرت وصـح لســانك ولاهنت علـي عفـيشّ |
على كل حال ماينفع كلامي لـك ولا شكـواي عن اذنك برحل لدرب الغيـاب اللـي ينادينـي ابو تركي مشكوووووووور على القيصيده لمن هذي القصيده لك انت مشكور يالحبيب |
طلبت البعد في وقتٍ أبيك تكـون بـه يمنـاي بعد ماجارت ايامـي علـي وحـارت يدينـي ولايخفاك صكات الزمـان وماحصـل ويـاي ولو مافي يدك حاجة وجـودك كـان يكفينـي الله الله ابوتركي صح لسانك وثق ان كل ما خشيت المنتدى على طول اسمع القصيده على طول وننتضر جديدك ودمت بود اخوك الصغير خ ... حمر |
الساعة الآن 04:28 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..