|
معلومه توني عارفتها بسم الله الرحمن الرحيم السلام عليكم ورحمة الله وبركاته الموضوع مو منقول ولا المعلومه من راسي تعرفون انا اي شي اسمعه من برا احب اكتبه بنفسي مهو ادخل قوقل والطش المووضوع...وما اقولكم ما استعمله بالعكي انا استعمل قوقل عشان اتأكد من صحة المعلومه طبعاً إنا يالمبتدئين في عالم الحاسب مانعرف شي سوا انا نركب برامج نحمل ندخل مواقع ونسوي ايميلات ندخل صور نقصها نرفعها بأي مركز تحميل واشياء بسيطه زي كذا واحسن واحد فينا اللي يطقطق بالفوتوشوب... وطبعاً انا سبق اني حطيت بأحد مواضيعي.... "تدري ان ابليس هكر ملعون...يخترق ايمانك" وهذا يدل اني مثل كثير من الاعضاء ماادري وش معنى هكر.. واللي خلاني انزل الموضوع هو اني مالاقيت احد صحح لي الكلمه فقلت بما اني عرفت المعلومه من احدى معلمات الحاسب حبيت انزلها هينا الهكر مهو زي ما إنا متصورين الهكر مايطلق على اللي يخربون المواقع..واللي يخترقون الاجهزه للتجسس.. مثل ماسمعت انو كلمة هكر اطلقوها على الماهرين اللي يقدرون يتعاملون مع الكمبيوتر وكل مايتعلق فيه من مشاكل وغيرها بدقه .. وسمعت انو الهكرز اللي كنا نتوقع انو انذل الاشخص..انهم كانوا اكبر مساعدين للشركات والبنوك يعني يخدمون الناس بتقديم كل شي يتعلق بالحاسب من حلول للمشاكل..! واللي عرفته بعد انو هالاسم اطلقوه عليهم في الستينيات..وطبع اً في ذاك الوقت ماكان فيه ويندوز على حسب مافهمت ولا فيه الـ Graphical User Interface او GUI على حسب فهمي للسالفه انها مابعد طلعت.. وكان كل اهتمامهم في ذاك الوقت بالفيجول بيسك وغيره ماذكر ايش. وبعدها سمومهم هكرز..ومعناها: الملمين بالبرمجة ومقدمي خدماتهم للأخرين يعني الهكرز يطلق على الشرفاء والمحترمين... +++++++++++++++ +++++++++++++++ ++++++++++++ طيب نجي للي استخدموا مهارات الهكرز في اشياء تنرفز وخارجه عن الادب هذولا يسوون سطو على اجهزة الناس وعلى البرامج والسبب انهم يمتلكون مهارات الهكرز وبسبب افعالهم اللي يسوونها واللي تعاكس افعال الهكرز.. حبوا يطلقون عليهم اسم كراكرز Crackers وهم: المخربين لأنظمة الكمبيوتر ... فيهم هواة مثل اللي لهم رغبه قويه في التعلم او اللي يجيدون اللغات.. وفيهم محترفين..وهذولا متخرجين من جامعات بشهادات عليها تخصص الحاسب وتلاقيهم مايتعاملون الا بالرموز اللي مستحيل نفهمها إنا اكثرهم تلاقيهم بأروبا وامريكا وللأسف صاروا متواجدين بالدول العربيه ومهو كل من حمل هالشهاده معناتها انو كراكر لا يس يطلق على اللي يتعنون عشان يخربون او يتجسسون ويمكن هالمعلومه مهي غريبه عليكم بس قلت بما انها غريبه علي اكيد بتكون غريبه على الكثير وبس |
رد: معلومه توني عارفتها ثاااااااااااانك ـــــــــــــــ ـس |
رد: معلومه توني عارفتها معلومة رائعة ومفيدة جداً ..صحيح ليست بالجديدة لكن مُفيدة جداً .. ومهمة في توضيح الفرق بين الهكرز المُصلحين والهكرز المُدمرين أو ( الكراكز ) .. وأنا من ضمن اللي قد عانوا منهم بسب إختراقهم جهازي قبل كم سنة بس ربك ستر كنت حريصة جداً ومو مخزنة أي شي مهم فية يعني راح تعبهم على فشووووووووووش .. * وفقتي عزيزتي في طرح معلومتك وألف شُكر لموضوعك المتميز .. http://www.mbc66.net/up/uploads/e0569bd6f5.gif وِدِيّ .. وَ .. وُرُدِيّ |
رد: معلومه توني عارفتها الكراكرز ماطلع هالمسمى في النت العربي الا قبل سنوات وهم المخربون والمهكرون للمنتديات والمواقع بشكل عام - اما الهكرز فهم مثل ماقلتي وضعوهم في قائمة الشرفاء الذين يفيدون ولا يخربون ويفزعون لك اذا هكر منتداك او سرق ايميلك وبهذا تحول المسمى اللي تعودنا عليه وكنا نكره شيء اسمه هكرز والان نفرح بالهكرز ونكره الكراكرز -----تسلمين في الستينات كان الكمبيوتر موجود وقد يكون التراسل بالنت موجود ولكن من يستخدمه ؟ الاستخبارات الامريكية للتعامل مابينها وبين السفارات التابعة لها للتجسس وحماية معلوماتها التجسسية من الفضح وبعدما طوروا اجهزة التجسس سمحوا للشركة المصنعة بالبيع وفتحوا مجال النت عالميا وبهذا ربحت امريكا مليارات المليارات من الضرائب على المبيعات وغطت خسائرها واستفادت من تطوير اجهزة تجسسية جديدة سياتي اليوم الذي يتم تداولها عوضا عن النت بعد ان تنتهي صلاحيتها لديهم ويخترعون اشياء جديدة وسلامتك |
رد: معلومه توني عارفتها بنت كول الشكر مو لي الشكر لله ثم لمرورك العطر |
| الساعة الآن 02:25 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..