يالرويضة جعل يسقيك هتاف المطر=مردف المزن والوبل سيله عمها
عقب مدة مايشاف الخضار من الزهر=والزبيدي مستقل مثل روس المها
ديرتي مابور فيها ولو شان الدهر=لو يشين الوقت اسافر وعود يمها
لو اروح ايام ولا سنة ولا شهر=لازم اقبل نسانيسها واشمها
اسمع الاخبار منها واراسلها الخبر= همها همي وهمي تراه يهمها
ديرتي مابين مقطع سمار من حمر=وصفها بين ومعروف ابوها وامها
من عصيل الى الغزيز اهلها بدو وحضر= حدها الحفنة وجلعوده ومايمها
وحدها التنهات والشعب وجبال الحفر=واستلمها عقب ابوها المخضرم عمها
ديرت سهول اصيلين في بطن وظهر=احتموها في المخاطر وشربو جمها
ماولاها غيرهم زيد ولا ابنه عمر=لحفوها اكمامهم وألحفتهم كمها
نحمد الله و نشكره سادها نور القمر=وبمر رب البيت حكم السعودي لمها