قصيدة ديار سبيع والسهول قصيدة ديار سبيع والسهول.. الله على اللي لا نوينـا المطاليـع ** مشيه يونس مع خضار الربيعــي امرفعا بديه على الكيـف ترفيـع ** شد الوكالـه ماهـواه الـــــــرجيعــ ي جيباً يقطع نـازح الـدو تقطيـع ** سبق من الشيهان مشيه سريعــي ابي عليه اشوف هـاك المرابيـع ** شوف البداوه والجمال الطبيعـــــي سج القدم مع لابسـات الدراريـع ** سخاف البطون مهلكات الرضيعي نجل العيون منقشـات الأصابيـع ** بنـات بـدو يتبعـون القطيعـــــــــ ــي بنات بـدون يبعـدون المشاليـع ** يتلـون قطعانـاً تلامـع لميعـــــــــــ ــي قطعانهم هفت على مبلـج الريـع ** صفر البكار وكل شقحاء قريعـــــي على الرحول تروج من غير تطبيع ** والهرش معها غاديناً له قضيعــــي منزالهم فيـه الــزبـــيـــدي مصاليـع ** قفر له البـدوان شـدو نجيعــــــي امنوعه ربي من النبـت تنويـع ** لطرش وسطه والحباري جميعـــــــي هاذا هواي وفي هواء القلب ماطيع ** ياخبـل ناسـاً للبـداوه تبيعـــــي ابا الديار اللي بها سهول وسبيـع ** دارٍ اهلهـا يشبعـون الجويعــــــي دارٍ اهلهـا ينطحـون المداريـع ** دون العشاير يذبحون الشجيعـــــــــ ي قومٍ تطوع دايخ الـراس تطويـع ** واليا زبنهم خايفـاً مـا يضيعـــــــــــ ـي ربعي هل العارض قروم بواتيـع ** أهل السلوم اللي تفـك المنيعــــي أهل السلـوم الطيبـه والمنافيـع ** سى لهم فـي ذمـة الله شفيعــي بيوتهم مثل الهضـاب المقاطيـع ** ونجورهم تضبح بصوتـاً رفيعــــــــي الشاعر /شايع بن فراج السهلي |
رد: قصيدة ديار سبيع والسهول هاذا هواي وفي هواء القلب ماطيع ** ياخبـل ناسـاً للبـداوه تبيعـــــي ابا الديار اللي بها سهول وسبيـع ** دارٍ اهلهـا يشبعـون الجويعــــــي يسلمو ابيات جنااااااااااااا ااااااااااان |
رد: قصيدة ديار سبيع والسهول تسلم روحك يالغلا كل الشكر على مرورك |
رد: قصيدة ديار سبيع والسهول يسلمو ابيات اكثر من رائعه |
رد: قصيدة ديار سبيع والسهول مشكوور اخوي النصر على مرورك |
الساعة الآن 12:37 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..