|
ارقى و اجمل الحروف التي صاغتها قلوب و مشاعر شعرائها قبل اقلامهم فهنيئا لرقي قلمهم بهذا الشرف..... فياقائدنا ان الكلام و البوح قليل من اجلك..... سـنــه مـــرة هذي سنه مرة ولـو مـرة اسنيـن تبقى قلوب الشعب في ذكـر جابـر يبقى له اسم حـي بيـن المحبيـن لو كـان قالـو مسكنـه فالمقابـر طرى علي وهلت دموعهـا العيـن ماهـوب ايـة ذكـر لامـر عابـر شيخٍ من رجـالٍ كـرام ومياميـن فـي حكـم دولتنـا بعزمـه مثابـر لو قلت آبا اكتب عنه وسط الدواوين في ذمتـي لـتجـف كـل المحابـر شيخٍ على الدنيا وشيخٍ على الديـن من دون شعبـه للثقيـلات جابـر كرس حياته فـي قضيـة فلسطيـن وفتـح لهـم داره وكـل المعـابـر ومن دون شعبه موقفه عام تسعيـن حـرر بـلاده مـن عـدوٍ مكابـر من طيب راسه ماحسـب للامريـن شبره على شبر الرياجيـل شابـر فعله منزه عـن حلـوف وبراهيـن وطيبه على روس المراقيب زابـر من يزبنه مضيـوم ماقـال بعديـن ومن ساق له سيات يمهل وصابـر تشهد له الاطفـال قبـل المسنيـن وتشهد لـه الايتـام والكـل خابـر ابٍ كريـم وملتـجـا للضعيفـيـن ولا قلت جابر قالـو النـاس جابـر شعر - بدر العصيمي *************** *************** *************** * الحزن ماهو عابر الحزن ماهو شي عادي و عابـر به حزن يكبر يوم ذكرى مـروره حتى الحزن مستوطنن بالمحابـر بين القصيد وبين باقـي سطـوره عمره سنه والكل عارف وخابـر سيطر على نبض الخفوق وشعوره من يـوم شالـو جثتـه للمقابـر والدمع يعلن في عيونـي عبـوره نسل السلاطين الشيـوخ الأكابـر له سيرتن تحكي على الطيب دوره دام المراجل ساسها الشيخ جابـر تحفظ تواريخ المراجـل حضـوره يالدمع ماقدر فـي فراقـه أكابـر ابكي ويبكيـه القصيـد وبحـوره عقبه غدى هالوقت والكون غابـر وأسدل ظلامه عقب ضيّه ونـوره لكن عزاي الشعب مؤمن وصابـر والله يزيد ايمان نفسـن صبـوره شعر :نــوف الميموني *************** *************** ********* ماتت العروبة لومات جابـر ماتمـوت العروبـة تبقى .. ويبقى المجد بيدين اهلها والعاهل اللي كانت ( اكبر عيوبه ) ان الامور اللي تشـرف عملهـا شيخ ٍ بنى مجد الكويت بصعوبـة حتى غدت دانة يثيـرك خجلهـا طفلة تعيش مع الجميـع محبوبـة وترسم تفاصيل الجمـال بغزلهـا خمسين عام وكنه اليـوم دوبـه من البداوة ... للحضـارة نقلهـا اليوم من اقصى الشمال لجنوبـه يبكي رحيل ابو البـلاد وجملهـا يـادار جابـر يامقـر العـذوبـة يامن مشاعرنا لهـا دووم ولهـى أميرك اللي راح مااحلـى ذنوبـه داااام العروبة باهتمامـه شملهـا ماقـال لـي دار ٍ يكفـي هبوبـه عن باقي البلدان .. لو ضاع املها أمر العروبة صار له مثـل ثوبـه واطماع عدوان العروبـة قتلهـا جابر وكم نجم الليا اقبل غروبـه عم الدمار بكـل عيـن وخذلهـا جابر لمن خان المبـادي عقوبـة ياماااا قلوب ٍ في دهـاءه شغلهـا مامات جابر والشيـوخ محسوبـة والعز باقي .. في بـلاد ٍ حملهـا من عقب ما ودع أميـر ٍ ينوبـه واصل مسيره والشـوارب فتلهـا منصور العميري *************** *************** *************** * يا كويتنا جرحك له سنين وأعوام واليوم طيبي يالجـروح العليلـه بثوا خبر موته بشاشات الأعـلام وبثيت فرحي والقصايـد جزيلـه واللي يقول إنه عظيم ٍ وضرغـام أقول أنا مافيـه خيـر وفضيلـه يكفي سجله حافلـن كلـه إجـرام تاريخه الأسـود بجرمـه دليلـه " يمهل ولا يهمل " على مر الأيام سوى ف"جاره" وأصبحت تستويله *************** *************** *********** أموات حنا أموات وعيال الاموات والموت حق ولا جزعنا من الموت والشيخ جابر حي وإن مات ما مات ذكره ومثله يا هل العرف مبخوت واللي بخص شيخ العلوم الجزيلات ما قال فات الفوت ما ينفع الصوت لا والله الا ينفعه عشر مرات لا صار لا طاغي ولا هادم بيوت شيخ ٍ طبع له داخل قلبونا ذات لا والله الا داخل القلب منحوت إسمه وذكره مع رفيع العبارات الشيخ جابر حي ما غيبه موت ويالله يا خالق عظيم السماوات ويا مخرج ٍ عبدك نبيك من الحوت يا قايل إدعوني أجيب الدعوات منا الدعا في ساعة ٍ كلها قنوت ترحم لنا شيخ ٍ مع حساب الاموات وتحط قبره روضة أعناب مع توت وتجزيه عنا كل خير ومسرات حيثه رجل خيّر ولاهو بطاغوت *************** *************** ********** قصيده سالم سيار شفتك على كتاف الرجاجيل نايم وشفتك مغطى بالعلم قلت بردان يبه هو حزني داخل القلب حايم قلت أشعل دموعي وأخليك دفيان صوتي يبه من بين الأحزان عايم لو أصرخه تهتز من حولي جدران أخاف تقعد يا يبه وانت صايم وإنت قلت قعدني على صوت الآذان تعبان ؟؟ تعبان أدري والتعب فيك دايم تفرش ضلوعك حب وتكون تعبان للحين جسمك فوق الأكتاف نايم ؟ وانت الذي قامت على أكتافك أوطان إنت العزيمه لي حكوا بالعزايم يا ما شعلت النور في ليل الأحزان حتى الرمل في دفنتك صار هايم من كثر ما وجهك يشع نور وإيمان تنزل في قبرك والدعاء فوق قايم كل الاوادم صاروا قلوب ولسان يالله يالله ترحم منو طفا الظلايم اللي شعل عمره وسط عمر الإنسان *************** *************** ****** |
جابر الخير لو كتبا و كتبنا و لن ولن نوفيك حقك فأنت الاب و انت الوطن انت الاب الحاني الذي تربعنا في كنفه رحمك الله ياامير القلوب.... ابي مهما قلت و قلت في حقك فأنه قليل قليل .... نعم هل سميناك امير القلوب من قليل ...فأنت من كنت تشعر بألامنا و احزاننا كنت سباقا لنا قبل نفسك و روحك الطاهره ......... لم تفقدك الكويت فقط و لكن العالم كله بكاك يا امير القلوب فلا شيخ قبل و لا بعدك و لا امير قبل و لا بعدك ......... هبت رياح الحزن في ديار الصباح دولة الكويت من عقب ما سمعنا خبر العزاء في اخر الأخبار هلت دموع وساد الهم بعبارات الحزن في كل بيت في وفاة اعز شيوخنا امير القلوب حاكم الأنوار جابرضاق الصدر في غيابك وسالت دموعي وبكيت ورددت افكاري مشاعر قلب شاف حزن الأنهيار يا امير القلوب ياشيخ الشيوخ وعز ذايعين الصيت يارحمة من رب العالمين سكنت بوضح النهار من ديرة اخوى نورة ابو متعب ارسلت العزاء وجيت كلي حزن في وفاتك يا قلب كل الناس الأحرار عسى مثواك الجنه ومنزلتك جنان الخلد مثل ما عطيت احسن الله عزاكم في جابر الخير شيخ الأخيار امير للقلوب ومجد من امجاد العز لديرة الفخرالكويت كيف تموت مشاعري ولا اعزي اخواني الأقدار من يقول مات جابر...؟! لا والله يخسى... ماتموت الرجال ... ما يموت إلا الخسيس وجابر الفارس الشهم الكريم لو رحل ... يبقى فينا الف جابر ... وروح جابر ... وكلنا جابر ...!! اول الدم / الدمع جابر ... عمود الدار ...!! غلا الدنيا...!! سندنا يوم مالت ليالينا ...!! ولدنا... وابونا... وجدنا...!! ودمٍ مشى بعروقنا...!! من عمر عرفناك ابوي ( ما مات ...!!) بس خلانا ... ورحل ...!! وهذا طبع الفوارس ... يجي يوم ويترجلون ...!! بيوم الاحد ماعاد باقي لي أحد راح الابو...وراح الأخو ... وراح السند ...!! تبكي القلوب... وتبكي العيون ...!! والدمع من حرة غداء مثل الزبد ...!! وربي كريم ... يرحم شيبته ... ويقبل دعانا ويعطيه من غير تقتير وعدد ياجابر الخير حتي الحروف ماتت ومشاعري ذابت وتاهت ضحكتي والدمع غطى وجنتي...!! راحت معك يا بوي ... ومات الجهد...!! نعزي بعضنا بالفراق ... وأي عزي بعدك ابونا الكويت الحين من دونك يتيمه الشوارع/المباني/حتى العلم وكل العرب ... والمسلمين والقدس تبكي شيخها اللي بذل ماله ... وفكره ... وسنين عمرة ما جحد ...!! في القلب غصه تشق الصدر من وعيت علي الدنيه وانت راعينا والراعي الله انت حامينا والحامي الله منهو بعدك يداوي جروحنا من لنا غيرك يمسح دموعنا والله كريم... كراستي كان فيها صورتك بفصلي أذكر صورتك هناك معلقه وبساحه المدرسه قدام العلم كنا نردد عاش الامير عاش الامير عاش الامير يوم التخرج اسالوني مين تهدين نجاحك؟ قلت الكويت وابوي جابر قلت الكويت وابوي جابر الكويت نبضي وجابر دمي كبرت وكبرت وانا اردد جابر جعلك دوم ذخر لنا كنت أشوف الناس فيك وكل يوم اتحمد ربي واقول الحمدالله جابر ابونا رحيلك يبا بعثرني اليوم بس عرفت وش معنى الفراق... اليوم بس عرفت وش معنى الألم اليوم بس عرفت وش معنى يتيمة اليوم بس عرفت الدمع نار...!! وربي كريم بس اوعدك نبقى مثل ماعلمتنا... نبقى جسد واحد وقلوبنا في صدر واحد واحلامنا لراس الوطن وتبقى معانا ذكراك ضحكتنا وطاريك فرحتنا وآخر سوالفنا ..." عسى الله يرحمك " وآخر امانينا نموت وتحيا الكويت ...!! ابوي ابشرك ... ماضاع جهدك حنا عيالك...حنا بناتك ... ذرى الكويت وللدين حراس ... وعيالنا وبناتنا في دربنا... منك تعلمنا الوفاء منك تعلمنا الكرم منك درسنا الدين... ولليوم يابوي وربي لليوم نتعلم بعد وربي كريم |
رحم الله الفقيد واسكنه نعيم جناته اللهم اغفر له وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الخطايا كما ينقى الثوب الابيض من الدنس اللهم ان هذا عبدك خرج من روح الدنيا وسعتها اللهم انه كان يشهد ان لا اله الا انت وان محمدا عبدك ورسولك وانت اعلم به اللهم ابدله دارا خيرا من داره واهلا خيرا من اهله وزوجا خيرا من زوجه واعذه من عذاب القبر ومن عذاب النار اللهم ثبته عند السؤال ولقنه حجته اللهم نزل بك وانت خير منزول به واصبيح فقيرا الى رحمتك وانت غنى عن عذابه وقد جئناك راغبين اليك شفعاء له اللهم انه كان محسنا فزد فى احسانه وتجاوز عنه اللهم جازه بالحسنات احسانا وبالسيئات غفرانا اللهم ان الشيخ جابر فى ذمتك فقه فتنة القبر وادخله الجنة وارفع درجته فى المهديين اللهم افسح له فى قبره واجعل قبره مد البصر واجعل قبره روضة من رياض الجنة اللهم جاف الارض عن جنبيه ولقه برحمتك رضاك ولقه برحمتك الامن من عذابك حتى تبعثه امنا الى جنتك برحمتك يا ارحم الراحمين اللهم لاتحرمنا اجره ولا تضلنا بعده برحمتك يا ارحم الراحمين امين اللهم يا سامع الصوت ، ويا سابق الفوت ، ويا كاسي العظام لحم بعد الموت يا من علت له الوجوه ، وخشعت له الاصوات ، ووجلت له القلوب اغفر اللهم لإمامنا وأمير دولتنا جابر اللهم اغفر له وارحمه ، وعافه وأعفو عنه ، وأكرم نزله ، ووسع مدخله واغسله بالماء والثلج والبرد ، ونقه من الذنوب والخطايا كما ينقى الثوب الأبيض من الدنس اللهم وجازهـ بالحسنات إحسانا وبالسيئات عفوا وغفرانا يا رب العالمين اللهم واجعل قبره روضة من رياض الجنة يا ذا الجلال والإكرام جابر كبير .. جابر بقلوبنا .. جابر يبقى أبونا .. إنا لله وإنا إليه راجعون .. |
|
السنيورة رحمة الله عليه قائد واب حنون لشعبه |
| الساعة الآن 02:47 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..