صفحة 1 من 2 1 2 > عرض 40 مشاركات من هذا الموضوع لكل صفحة

ابو طارق 04-05-2009 03:00 PM الا ياطير ماعندك خبر عن عودة الغياب ؟؟   لا ياطير خبرني وش اللـي صـار للأحبـاب ترى قلبي كثر همّه سبايـب غيبـة احبابـي غريبه عنّي يسافر ولا اعرف للسفـر أسبـاب كذا فجأه يودعني ولا أدري أيـش الأسبابـي ترى بعده عن عيوني يهد الحيل والأعصـاب يمر الوقت بغيابه وأنا عايش على اعصابـي الا ياطير ماعندك خبر عن عـودة الغيـاب؟؟ ولا تقدر تطمنـي تجيـب علـوم غيابـي؟؟ ابي ياطير لامر بسماك من الطيـور اسـراب ابيك تعانق اسرابٍ تجي من بعدهـا اسرابـي ابيك تفتّش الدنيا . تدوّرلي عـن الأصحـاب تجيب العلم ياطيري وتطمّني عـن اصحابـي لك الله ليت جنحانك عليّ وماحسبـت حسـاب اطير بصحبـة الغالـي ولا فكـرت بحسابـي اروح اسكن على قربه وأخلي الباب حول الباب اشوفه لافتح بابه وانـا واقـف علـى بابـي ادنّق لابدى حوله من اهلـه لايجيـه عتـاب وهو يرسلّي النظـره بليـا خـوف وعتابـي اخلّي خافقي يدلـه بقربـه ماتجيـه اتعـاب واذا ناظرت في زوله نسيـت الهـم وأتعابـي سقاك الله يايومٍ بـدت بـه نظـرة الأعجـاب حضيت بنظرة اعجابه وهو يستاهل اعجابـي سحرني صوته الدافي حنون ومنطقـه جـذاب وفيت لقلبه الوافي وهـو بالوصـف جذابـي اله الكون لاتفجع خفـوقٍ مـن غلاهـم ذاب تلوّع سبّة الفرقـى وهـو مـن قبلهـا ذابـي الا ياطير خبرني وش اللـي صـار للأحبـاب ترى قلبي كثر همّه سبايـب غيبـة احبابـي

Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
- arab-line : Search Engine Friendly URLs by vBSEO 3.3.0 TranZ By Almuhajir

... جميع الحقوق محفوظه لمجالس رويضة العرض لكل العرب ...

.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..

a.d - i.s.s.w