مجالس الرويضة لكل العرب - برنامج دعوي بمنجم الامار

http://www.rwwwr.com/upload//uploads...7ca5fac2fa.jpg

ابو نواف تبي سالفتي مع هالخواجة استلم

كنت قبل سنتين بمنطقة قريبة من منجم الذهب مشرف على مشورع توصيل التيار الكهربائي لابار جوفية تضخ الماء الى النجم على بعد حوالي 17 كلم

المهم وانا هناك هاك اليوم قاعد اشيك على المشرووع ماعندي للشيطان طاري جو على كيفك ربيعي غيم وفله والله مادريت الا بهالسيارة البليزر اللي جت تمشي بسرعة مع البر متجة لاحد المواقع اللي انا اشيك عليها يوم شفتة رايح لها وانا اروح يمه قلت باشوف وش هذا ووش عندة هنا واول ماشاف سيارتي متجهه يمه وهو يحط رجله ويهج ونا اللي اللحقة شوي ويلاه رايح قلت تدري وش ابي فيه خله يولي المهم كملت شغلي وشوي الا السيارة جاية ومتجهه لي وانا اللي اتجه يمه وهو يشر لي بالانوار يوم قرب الا السيارة فيها ناس واجد وانا خابر اول مابها الا واحد ياولد وش السوات انحاش اهج ولا اوقف معهم

اخاف ارهابيين ولا اخاف قطاع طرق وماحولي احد بها البر

المهم وقف قبل ماوصل له وينزل منها اثنين عسكر ( شرطة ) ول ول ول وش العلم قلت خلاص اكيد ارهابيين منتحلين شخصية عسكر ابنحاش ماعاد يمديني قلت انصهم وخل السيارة معشقة ان شفت ماعفت ادعسهم وهج شوي يوم قربت وينزل هالشايب الحمر العطر اللي بالصورة فوق انا شفت هالحمر دريت ان الوضع يطمن مادام فيها خواجة هانت المهم واوقف وابو الشباب ينطلق علي بالكلام اللي مافهمت منه شئ يرطن بالانجليزي وانا واقف مادري وش السالفة ولا وش اقول له هو يهاوش ولا يسلم ولا وش قصته شوي نزل واحد من السيارة بعد ماوقف ونزلت من السيارة وسلمت على الشرطة نزل واحد مترجم من جنسية عربية قالوا لي الشرطة وش سالفك مع الخواجة قلت الا وش سالفته معي وش جايبة هنا في هذا الموقع قلت ارقعها واسوي نفسي ماعرف هم من وين هذا الموقع تبعي وانا المشرف على تنفيذة المهم المترجم ترجم له وقاله السالفه جاء وسلم علي وقال نقلن عن المترجم انا اسف بس هذه الابار تبع المنجم وانا تبع النجم وجاي اقيس ملوحة الماء بالابار ومن هذا الكلام قلت طيب ليش يهرب من الموقع قال المترجم هو فكر انك ارهابي وتبي تقتله وراح يطلب المساعدة من شرطة المنجم قلت والله اجل لو يدري اني انا الخايف مو هو المهم قعدنا نسولف مع الشرطة والمترجم والامريكي راح يقيس ماء وحدة من الابار قلت الرجال هالحمر لاتخلونة يروح الحاله

وهذي سالفتي معه

ودمتم