|
الشاعر والاعلامي محمد العتيبي وقصيدة في حفل تكريمي هذه القصيدة نظمها الشاعر الاعلامي محمد بن فهد العتيبي في ليلة تكريمي بجائزة (الصحفي الرحال ) . الشعر أمانة والقلم معه أمانه = وأمانة الكاتب وقوّ اجتهاده . تطلع به النايف وتترك طمانه = وتلبسه تاج الشرف والسياده . وتحميه من لطم الوجه والخيانه = ولا يزعزعه صفق الهوى عن شداده. (والناس كل (ن ) رغبته في زمانه ) = الطايلة ! لكن صريح الإفادة . أحد (ن) رقا واحد(ن) بقا في مكانه = والفرق بين الناس قوّ الإرادة . والاّ انت يا مجنب دروب المهانه = يا سيف شعب المملكة يا عتاده. يا من عطاه الله واعزه واعانه = (شرف بلاده يوم مثل بلاده ). كم حاكم ؟وكم دوله ؟ وكم ديانه ؟ = لو ماشهدنا لك عطوك الشهادة . حييت من فكر(ن ) يترجم لسانه = يقدح فتايل فكرته من زناده . ترحيبة فيها الوفا والميانه = باسمي وباسم الملتقى والسيادة. ومن بعدها (باقة وفله ودانه = على السلامة وافتراق الوساده . ومن بعدها لله كل امتنانه = على العوافي والهناء والسعادة . ومصافح أسياد الفكر والفطانه = اللي لهم في صفحه رياده وختامها لو إن عندي حصانه ! = من نقد نقـّاد(ن) يهم إنتقاده سقت القلم وارخيت له في عنانه = واموت وما قصرت له في قياده. بس العقل له في ظميري مكانه = تشبه مكانة دولتي والقيادة |
رد: الشاعر والاعلامي محمد العتيبي وقصيدة في حفل تكريمي صح لسان شاعرنا الرائع وبالطبع هو كريم وأنت تستاهل أبو هلا ولك واجب على كل مواطن أن يقدم لك ولو شئ بسيط نظير ماتقدمه انت للكثير فلك كل التحية والتقدير |
رد: الشاعر والاعلامي محمد العتيبي وقصيدة في حفل تكريمي تستاهل يابو هلا كل خير ..{ |
رد: الشاعر والاعلامي محمد العتيبي وقصيدة في حفل تكريمي اقتباس:
السبق أنت انت السبق اول الفرسان وصولا كعادتك دمت فارسا يموت ويحي بالمركز الاول |
رد: الشاعر والاعلامي محمد العتيبي وقصيدة في حفل تكريمي اقتباس:
** حموووووودي ** إبني الرائع بحضورك متألق كما عهدتك بذرة عطاء لا تذبل |
| الساعة الآن 03:43 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..