|
رحله اعضاء المنتدى بالفضاء صباحكم ومساكم ورد وعدناكم امس بتقرير عن طلعة شباب من المنتدى للبر غير واكيد غير في كل شئ برمابعد احد جاه منكم هذا الله يسلمكم طلعه خاصة الاعضاء بالرحله هم اسير الغربة ابو نواف ابو طارق وسمو الاحساس و حفيد مجمش قررنا انا نطلع بمكان مايقدر يجينا فية كنق عشان مايغبر علينا اذا قام يطعس وعزمنا على طلعة بسطح القمر ورحنا وطقينا الخيمة طبعا على طيارة ابو نواف الله يسلمة اول ماوصلنا طقينا الخيمة وابو طارق ذبح الذبيحة وعلقها وقام يصلخ ابو نواف قعد يشيك على زيت الطيارة عقب المشوار وسمو بحكم تخصصة قاعد يوصل التوصيلاة الكهربائية واسير شب النار وضبط الشاهي وشب على قدر الكاتم ويصلح الغدا ماخذين معنا لحمة حاشي للغدا والتيس طبعا عشاء مشوي واللي قاهرني حفيد ماخذ فروته معة ولابسها بسطح القمر مادري ليش المهم حفيد طق الفروة وراح يدور لنا ضبان ورجع يقول الضبان اللي هنا ماتصلح مهيب سمينه وجلسنا يومين كلها فله وضحك وناسة مبسوطين ويوم جاء الليل تقينا المشوي اللي يجيه قلبكم وحنا نتعشا مادرينا الا بالبرق والرعد شوي الا وهي تمطر علينا ونزبن الخيمة شوي الا الوديان كلها تسيل ونرقد والصباح قمنا وافطرنا ورحنا نتمشى على رجولنا شوي وانبسطنى لين جاء ثاني يوم وقرب يخلص اوكسجين ابو نواف وقررنا نرجع ورحنا وجينا بالسلامة مختصرها جدا الرحله 7 7 7 7 7 7 7 7 http://2x1x.com/up/uploads/aa051e3cf9.jpg |
رد: رحله اعضاء المنتدى بالفضاء ههههههههههههههه هه الله يقطع شيطانك سوسو اخبر طيارتي ما ينشد بها الظهر تروح للقمر المريخ ويخب عليها <<<< مضيع اقتباس:
ههههههههههههههه هه اجل ماكثرنا الاسطوانات تخيل لو ما اشتغلت الطيارة وش نسوي وبعدين ما قلت وش اللي طب علينا في الخيمة بعد ما نمنا |
رد: رحله اعضاء المنتدى بالفضاء اسعدني تواجدك معي بمتصفحي عشان مايقولون سمو يكذب علينا ويعطينا من الرخيص اللي طب علينا مشفر فية اشياء خاصة مشفرة مانعلم بها احد |
رد: رحله اعضاء المنتدى بالفضاء الحمد لله على سلامتنا ههههههه أهم شئ ابو نواف ماخلص الأوكسجين تبعه وبعدين نبلش فيه بس ماقلت لي من وين جبت هالمركبة ياسمو لايكون تبع المووودير خخخخخخخخخ |
رد: رحله اعضاء المنتدى بالفضاء الحين من الي لابسه بشت مدري فروه ؟؟ ومين الي يشرب شاهي ومين الي يصلخ << ضحيه هذاا ومين الميكانيكي رحلة حلوة بس ضفوا حوستكم |
رد: رحله اعضاء المنتدى بالفضاء اسير المركة حقت ابو نواف |
رد: رحله اعضاء المنتدى بالفضاء همس اللي يذبح الذبيحة او طارق والمكانيكي ابو نواف يشيك على المركبة وابو فروه هذا حفيد والكهربائي انا سمو واللي يشرب شاهي اسير هو اللي ماقصر الطبخ علية |
رد: رحله اعضاء المنتدى بالفضاء هههههههههههاي :) تصدق عاد احلى رحلة طلعتهااا الظبان ماش مهيب سمينه ,, يالبيه يالفروووه والله اتحالا لها في النووومه بس ليتك علمتهم باللي طب علينا تالي الليل ياسمووووو يالبى قررررررررروب الرحله كلهم المره الجاية وين رحلتنا له ؟؟ دمت بخير |
رد: رحله اعضاء المنتدى بالفضاء ههههههههههههههه ه عليكم اشكااااال مهيب صاحيه .. اما عاد شكل حفيد يفطس من الضحك هو وفروتــه..مدري ليش الله يصلحه ساحب الفروه معه بعدين ثاني مره لايروح معكم ابو نواف قطع عليك الرحله المتعوب عليها ..خخخخخ |
رد: رحله اعضاء المنتدى بالفضاء ســــــــــــــ ــــــؤآل يبـــطـــــح نفـــــــــــــ ـــســـــــــــ ـــه ؟؟؟؟ ليــــــــــش تكشتون بآلقمـــــــــر ومآخذتوآ مني آذن ؟؟؟؟؟ لآ بعـــد قشآشكـــم و قمآيمكم مآشلتوهــآ معكــــم ؟؟ |
رد: رحله اعضاء المنتدى بالفضاء يسلمو حفيدوا بس انت عارف فية اشياء تكون مشفرة عن الناس مثل اللي طب علينا اخر الليل مانعلم به بنت كوول هلابك حفيد هو حفلة الطلعة هو وفروته جار القمر قلنا نغير ونطلع بمكان جديد مايجينا فية كنق يطعص عندنا ويغبر علينا الجاااااااااي احلا ان شاء الله |
رد: رحله اعضاء المنتدى بالفضاء مسوين رحلات بعد من وراي هههههههههههه مالقيتوا الا هني |
رد: رحله اعضاء المنتدى بالفضاء مشكوورة السنيورة على مرورك |
رد: رحله اعضاء المنتدى بالفضاء واي واااااااااااااا اي ياسمو بدينا بالخيانه طلعه للقمر وساحب على امير السهول قوييييه |
رد: رحله اعضاء المنتدى بالفضاء ماعليك يامير السهول قاعد ارتب لك طلعة احلا من سطح القمر لا تستعجل |
رد: رحله اعضاء المنتدى بالفضاء ماني مستعجل لاني واثق انك راح تعوضني فديتك انت وطلعاتك اللي تنشرى وفديتت وجهك الاسمر بعد |
رد: رحله اعضاء المنتدى بالفضاء ابشر بعزك عقب هالمدح لو تبي نروح للمريخ اركب ياذيبان |
رد: رحله اعضاء المنتدى بالفضاء ترى اصدق هاه صامل |
رد: رحله اعضاء المنتدى بالفضاء هم جوني ..بس والله ياهم قلق من جد ..:) |
رد: رحله اعضاء المنتدى بالفضاء مشكورين على مروركم |
رد: رحله اعضاء المنتدى بالفضاء ههههههههههههههه ههههههههههههههه ههههههههههه عليكم اشكال |
رد: رحله اعضاء المنتدى بالفضاء اكيد ترا كاشحين بالقمر ماحد قدنا كل الشكر لك صمت |
| الساعة الآن 01:35 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..