![]() |
|
| |||||||||
![]() السلام عليكم لاتشغلك حرمةٍ منت امتجوّزها تطرد وراها وغيرك يهتني فيها أعجبني هذا البيت كثيراً .. وبعد البحث والتدقيق التمحيص والتقحيص وجدت القصيدة كاملة فوددت أن أضعها بين أياديكم قصيدة رائعة .. فيها من الحكمة .. وطيب النظم والجزالة الكثير لكن لو صار العكس !! يعني لاتنشغلين برجال منتٍ بماخذتهـ !! << انواع التفكيررر ![]() ... أرجوك بعض المشاعر لاتهزهزهـا ترى المشاعر تألم عنـد راعيهـا وترى النفوس العزاز الها حواجزها وحواجز النفس سترٍ من خوافيهـا لا تقول لك كلمةٍ تحسبك تحرزهـا وتطيح لاقمت منها منـت قاويهـا وان قلت لك كلمةٍ حـاول تركزهـا ولا ترى الصمت خيرٍ من حكاويها ودعواك لاصار ما تقـدر تنجزهـا ازبن على واحدٍ ساعـه وينهيهـا ولا تجـود علـى صبـرٍ يعجزهـا وتجيك في وسط بيتك مـا تناديهـا وكم واحدٍ حاجتها بالصدر يكنزهـا من قل من يستمعله يـوم يبديهـا يخشى من اللي يهمزهـا يلمزهـا يضحك بعض ناس لاكن ناس يبكيها وشكواك لابن الردي حذرٍ تعنزهـا يفضحك وتروح فيها وانت كاميهـا وعليك تكبـر ولا تقـدر تميزهـا وتضيع في طوشةٍ تبلـش بتاليهـا والسالفـه يقـدر الواحـد يلفزهـا ويقدر على ناس من شكله يمشيها ولاتشغلك حرمةٍ منـت متجوزهـا تطرد وراها وغيرك يهتنـي فيهـا ولا يفرحك شوف الارنب لو تنقزها مادام ما شفتهـا بالنـار شاويهـا ولاتحسب إن الذهب باية يدٍ يزهـا ترى الذهب ما يغير لـون اياديهـا والنفس حاول بحد اقصى تعززهـا نفسٍ بلا عزهـا مانـي مداريهـا والناس لاتقوم بعيونـك تخززهـا احمد على العافيه واسلك مماشيهـا ومن طاوع النفس تشقيه بغرايزها ومن طاوع العقل يسلم من بلاويها والمرجله ماتحـب اللـي يهاوزهـا تبي لهـا واحـدٍ دايـم يحاضيهـا واللي عيونه مع الظلمـا يغمزهـا ماحدٍ درى عن عيونه لـو يعنيهـا ونفيستك وانت فانـي لاتغزغزهـا المقبره بأنتظارك وانـت ناسيهـا والناس دورات قادرهـا بعاجزهـا ماخلق جنه ونـار وزعـوا فيهـا وناسٍ مع الله وناس ابليس ناغزها سبحان من ظل ناس وناس هاديها ونـاسٍ تعلـت وعلتهـا مراكزهـا وناسٍ تبي الطيب مير الطيب فاحيها وناسٍ تحفـز ومعـروفٍ تحفزهـا وناسٍ تبي من يشيمهـا ويعطيهـا وناسٍ تلعوز وتسلم مـن تلعوزهـا وناسٍ مع اللعوزه تبطـي لياليهـا وناسٍ تبي نبز ناس وناس تنبزهـا نابز ومنبوز لين المـوت يفنيهـا وناسٍ عجز رزقها يكمل عوايزهـا لاهي فقـارا وهـي مالله مغنيهـا حتى العجايز تبـي نـاسٍ تهمزهـا العافيـه والظنـا ماهـو مكفيـهـا وان قمت اعاند تفاكيري وابارزهـا صارت حجاوي وانا ماني محجيهـا الشاعر / عبدالله الباتـل الرشيدي دمتم بعز
|
| ||||||||||||
![]() |
| |||||||||||
![]() |
![]() |
مواقع النشر (المفضلة) |
|
|
![]() | ||||
الموضوع | كاتب الموضوع | المنتدى | مشاركات | آخر مشاركة |
شوفو اطول حرمه بالعالم | الماسة وحساسة | لُغَة الصور .. والكاريكاتير الساخِر | 9 | 31-01-2008 03:35 AM |
![]() | ![]() |