|
الغرب وصل القمر ونحن وراء مكينة سنجر ؟؟ مكينه خياطه مكينة لحام مكينه حلاقه مكينة تنظيف ملابس ماطور مغربي كان يعمل في على احد الابار عام حرب 67 يوجد به الزيبق الاحمر الاصفر البرتقالي بسعر خيالي 150 الف للمعرفه ومليون للغريب تعال وشوف تفرج الحراج على العقول وعلى المكاين تتعجب تصاب بقهر وحسره للعقول جهله الغرب وصل القمر ونحن وراء بطاقات سواء ومساهمات البيض ومكاين الخياطه بعد بكره دوافير القاز زمان وحنفيت الماء والفوانيس لا تفرطون بها ياتي يوم الدافورالقديم ينفعك في المستقبل مع الجهله والعقول الناقصه والله انني اكتب وانا متعجب من هولاء الناس البشر لم يتوبوا من المساهمات الوهميه حسبي الله ونعم الوكيل والله ان بعض العجايز تتحدث ان مكينتها توصل الى المليون وهي لا تعرف المليون كم اذا ضاع العقل وزاغ البصر وتبع الهوى قولوا على الدنيا السلام مع خالص تحياااتي للجميع جميع الحقوق محفوظة ( لأبو مهند ) |
رد: الغرب وصل القمر ونحن وراء مكينة سنجر ؟؟ البلا مهو هينا البلا بالسرقات اللي صارت صاروا الشباب العاقلين يسرقون المكاين يفكرون فيها يبيع مكينه خرده ويشتري سياره فللللللله والله عندنا 2 ومافكرنا نحركها يعني شينه واحد عاقل يروح يشيل مكينه ويحرج عليها انا شخصياً فكرت فيها ياليت صح وابيع مكاينا بس مافكرت اروح اجرب الجوال لاني عارفه مهما صار خواني عقولهم كبيره مستحيل يبيعون مكينه لاتضحكون عليهم فعلاً السعر مغري فيه سيارات بقراطيسها ماتنباع بهالثمن بس كيف فكروا فيها ههههههههه اشكر طرحك الرائع |
رد: الغرب وصل القمر ونحن وراء مكينة سنجر ؟؟ كل الشكر لك اسير وهذا هو الحال كل من بغا يمشي سلعتة طلع اشاعة وحنا وراهها اقول اسير ماعندكم ماكينة سنجر للبيع |
رد: الغرب وصل القمر ونحن وراء مكينة سنجر ؟؟ اي والله انك صادق انواع التخلف والجهل الله يهديهم بس ونزعل لما يقلون دول العالم الثالث مو قصدهم فقر الفلوس انما نقص العقول يعطيك العافية اخوي على الموضوع |
رد: الغرب وصل القمر ونحن وراء مكينة سنجر ؟؟ والله انك صادق اسير لكن وش نقول ووش مانقول |
رد: الغرب وصل القمر ونحن وراء مكينة سنجر ؟؟ شكرًا لكل من عطر موضوعي بتواجده ورده وابشر بالخير سمو عندي حتى الآن عشرين مجمعهم وناوي فيهم اضرب ضربة العمر وبعدين ماعاد احد يشوف خشتي هههههههه |
رد: الغرب وصل القمر ونحن وراء مكينة سنجر ؟؟ هذه مشكلتنا يالعرب اذا فتحت عندنا بقالة شف الزحمة عليها حتى ولو ما فيها الا ميرندا وبسكويت اولكر وكم يوم وما احد يمرها كذلك الكثير مثل المساهمات التي استنزفت جيوب خلق الله وغيرت مسار حياتهم وقبل ثلاثة اعوام اتذكر الاسعار الفلكية للعملات القديمة الواحد بمئات الريالات اين هي الان ؟ ؟ ؟ والان يا اس اس تعال شف مكاين الخياطة وما عليك الا تردد ياليل شاكر ومقدر لك طرحك استاذي |
رد: الغرب وصل القمر ونحن وراء مكينة سنجر ؟؟ ياهلا والله بالغالي أبو نواف اهم شئ أي شئ عندك قديم حطه بمستودع وحط عليه اربعة اقفال بكرة يجيك إشاعة جديدة وتبيع بأغلى الأثمان وقول أس اس نصحني هههههههه شعب اللهم ياكافي مايتوبون من الدعايات والأكاذيب والإحتيالات التي ماتكاد سنة تمر وإلا ولها ضحايا وبشكل مختلف تمامًا عن سابقة |
رد: الغرب وصل القمر ونحن وراء مكينة سنجر ؟؟ اهل العقول في راحة صح يا اس اس .. للأسف اصبح ترويج الاشاعه عندنا اسرع من ؛ فتحة العين وتسكيرتها ؛ يروي لي أحد الشباب يدرس في أحدى المدارس بالرياض لم يتجاوز عمره 13 سنه بالمرحلة المتوسطه ,, بان إحدى أصدقاءه لمن سمع صدق بكذبة ابريل واتجه الى امه حيث يوجد لديها مكينة لا يعرف نوعها وقال لوالده انها تباع بأسعار غالية الثمن واريد أبيعها رزقنا جاء يا يمه ,, ووالدته لم تصدق .. ورفضت إعطاءه للولد لانها تجزم وتفهم وتعقل بانها مجرد كلام أطفال وان حصل فهي مجرد اشاعة .. الولد استغل نوم والدته وذهب وفتح مستودعها وسرررق وسرررق مكينة أمه هههههههههه واتجه بها الى أحد الاسواق الشعبيه بالرياض وباعهااا بمبلغ 20000 ألف ريال .. وجاي لامه بالفلوس والفاتوره هههههههههه مبسوووووووووووط ويبحث عن اخرى ,, الام قالت ليت عندي 20 مكينه كان طنختك ياولدي ,, وتقاسم الولد ووالدته المبلغ وأصبحوا في امنيات ليت فيه اخرى عندنا ......... وجاء الى الطلبه باليوم التالي يخبرهم بالحقيقه انهااا صدق وفاز بها من فاز ,, الجدير بالذكر اصبح الشعب والناس يعرفون الان وأظافوا معلومات جديده عن مكينة الخياطة وانواعها .. ويوجد منها : السنجررر < <يالبيه هههههه والاسد والفراشه ,, : أس أس لاهنت ع هذا الموضوع الجميل ماعندك مكينه :) :nabd: |
رد: الغرب وصل القمر ونحن وراء مكينة سنجر ؟؟ وآلله عندنآ مكينة سنجر آم آسد يوم حطيت آلجوآلـ عندهآ آلآرسآلـ آنقطع وطفى آلجوآل بس مآفكرنآ نبيعهآ وشوفوهآ طآيحه بألمستودع مآحد عطهآ وجــه .. خوفي آحد يطب في آلبيت ويسرقهآ لآن طلعت آشآعة تقولـ آن آخوي شرآ مكآين بعشر آلآفــ ؟؟؟؟ ومن يومهآ ونآس ينشدون عن آخوي؟؟ لآ ويقولـ آحد قرآيبنآ آنه آتفق مع آمه على بيع مكينتهآ بـ5000 وآلنص بآلنص يوم جآهآ بآليل يقول تغيرت آلوآلدة >> يقولـ سمعت آن آختهآ سيمت مكينتهآ بـ 100.000 ريآلـ سعودي ؟؟؟؟؟؟؟ قيمة فكسآر مــو مكينــــــــــة ؟؟!!!!! |
رد: الغرب وصل القمر ونحن وراء مكينة سنجر ؟؟ ياحياك الله اخوي حفيد وشاكر لك تواجدك واضافتك الراقية اهلين وسهلين جار القمر وتكفى وصف لي بيتكم وينه ههههههههه |
رد: الغرب وصل القمر ونحن وراء مكينة سنجر ؟؟ انا قررت سرقة مكاين اسير الغربه في تالي الليل مين يشترك مع وله النص احس ابو نواف بيكون شريك معي |
رد: الغرب وصل القمر ونحن وراء مكينة سنجر ؟؟ والله يا امير انت تدور التمر عند مصاص العجم هههههههه لاهنت يالغالي على التواجد بس انتبه لاتجي تسرق ومن ثم تنسرق انت خخخخخخخخخ |
| الساعة الآن 08:46 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..