السلام عليكم

في يوم من الايام مريت عصريه من عن مدرسه ابتدائيه للبنات
وشفت حريم كبار بالسن شايلات شناط ومتوجهات للمدرسه .
ولا شعورين ارتجلت الابيات هذي

اول الابيات اعتبره مداعبه مع تمنياتي ان يتحقق الاول منها بس:)
وشكر خاص لمعلمات محو الاميه .. :) وعسى الله يعينهن

ارتجاليه عسى ربي كتب لها قبول

ياللي درستي تبين العلم عصريّه = الله ينجحك ليّن أتجين دكتوره
وتشاركين اللوطن بالنهضه الحيّه = ويرشحونك عضوا في مجلس الشوره
عليك امال البلد يابنت مبنيّه = ومن فكرك العلم يشرق بالبلد نوره
العلم نورن ينور جهلنا ضيّه = والجهل يشبه ظلام الليل ديجوره
والحمد للواحد العلام بالنيّه = كل المدن من سحاب العلم ممطوره
بقيادة اللي حكم شعب السعوديه = بالعدل والحب والقران دستوره
هذاك ابو متعب اللي من وجد زيّه = صقر العروبه ذرنا عداه مدحوره
مسرور من حب شعبه حامي الهّيه =والناس من خيره المدرار مسروره
ولانساك ياللي سعيتي لمحو الاميّه = يستاذة العلم والتعليم مشكوره
مني ومن طالبات العلم عصريّه = نهديك عشب الربيع وفوحت ازهوره

الله ينجحك ليّن أتجين دكتوره وتشاركين اللوطن بالنهضه الحيّه

"العلم نورن ينور جهلنا ضيّه = والجهل يشبه ظلام الليل ديجوره"

بالصدق أقول منذ زمن لم اقرأ شعبي بهذه الروعة والجمال

هذا البيت الذي اقتبسته من القصيدة هو بحد ذاته قصيدة بل لحنا رائعا

سلمت يمناك ولا فض فاك