|
بعض الحركات اللي ترفع ضغطك في السواقه بسم الله الرحمن الرحيم السلام عليكم ورحمة الله وبركاته هاذي اصناف للسائقين ومن جد ماتعرف ايش ودك تسوي فيهم يعني بعضهم ( حرام ) فيهم الضرب وانا راح اضرب أمثلة منهم والباقي عليكم انتم الصنف الاول - يكون سائق المركبة ماسك الخط الايسر وماشي ( 90 ) ياخي استحي على وجهك تعطل كل الخط عشان خاطر عيونك يعني اموت اعرف هو ( عبط ولا غشامة ) المشكلة تحصل انه معطي الدنيا طنااااااش ومو معبر لأي احــد روح ياعمي امسك المسار الايمن وامشي 20 والله ماحد يقولك شي بس اترك الانانية الزايده الصنف الثاني - يلحم فيك من ورى وشغال يكبس بالنور وخاصة لمن يكون الخط زحمة وماتقدر تلف يمين او تبعد عنه المشكلة انه شايف انك ماتقدر تزحف له ليش العبط و التلحيم و التكبيس بالنور والزحمة الفاضية يعني وين اروح ( اطيــــــــــــ ـــــر ) الصنف الثالث - يكون ماشي صح ( 120 ) وكل شي زي الحلاوه وانت بعده وماشي بنفس السرعه ( 120 ) وفجأة وبدون مقدمات يهدي الى 90 او 100 وبشكل مفاجئ ليش ؟ ؟ عشان سيارة ( امن الطرق ) طيب ليش تهدي وانت ماشي صح والله النوعية هاذي ( تفقع مرارتي ) ليش كل هذا الخوف وانت ماشي صــــــــــــــ ـــــــح الصنف الرابع - هاذي النوعية تطلب حرش ماني عارف ايش القصد منها تكون في حالك وفي امان الله ويجيك واحد ماشي ضعف سرعتك اللي ماشي عليها ويتجاوزك بس لاحظ لمن يتجاوزك يلصق فيك مع الجنب يسمونها ( شطف ) طيب ليش الغلط ( سويت لك شي انا ) ولا تعلمني انه سيارتك سريعة و تتحداني في المطارحة وراح تحصل انوااااااع كثيـــر بس نبغى نتفاعل ونشوف الانواع الاخرى اللي ( تفقع مرارتكم ) |
ابو سيف(049) القيادة .. أخلاق ... ذوق وفن وعن اللي يرفعون الضغط .. يا كثرهم :(4): بعض الحركات اللي تقهر ماهو ترفع الضغط بس توقف عند اشارة المرور .. تشتغل الاشارة خضراء حمراء .. خضراء حمراء ... إلخ والأمر كله هذا يجي من اليمين والثاني شمال ووين تقدر تتحرك وقف محلك وإلا رحت فيها .. وتاخرنا عن الجامعات والأشغال .. الحركات كثييرة الله يلزمنا الصبر بس كل الشكر لك .. |
ابوسيف ياماارواح ناس بريئة ازهقت والسبب واضح الأستهتار في قيادة المركبة وتسليم ولاة الامور ابنائهم من صغار السن السياره حتى انه يمــر عليك وتفكر ان السياره تمشي بدون سائق من صغره . بعض الصغار الملكعين يحط تحته مخده. :36_1_21: ابوسيف طرح مميز الله لايهينك. بحرالوفا |
يعطيك العافيه ابو سيف على الموضوع الجميل |
الموضوع مهم جدا واشكرك على طرح الموضوع وعندي بعض الحركات الى تغثك منها حركاتك في الشارع العام في الرويضه وهي انواع شطف المرايات وانواع الحد والعباطة والتهور في قيادت ابو دقسسسسسسسسسسسس تحياتي يابو سيف049 |
ابو سيف 1000 شكر عالموضوع والله ياكثرهم لي يرفع الظغط ناس متهوووره ماهمها غير نفسها:) مشكوور عالطرح الرائع دمت بود جنونـ http://www.kaanz.com/vb/up/uploads/6c0e778185.gif |
ايه و الله صدقت اخوي ياما نشوف من بلاوي.... مع ان السياقة فن و ادب يعني يكل واحد يحترم الي جدامه و الي معاه بالشارع لان الشارع مو له بروحه..... تسلم على الموضوع الجميل..... |
ابو سيف والله من الحركات اللي ترفع الضغط خذ عندك مره جايك من الرياض الا ثلاث سيارات يمشون في المسارات الثلاثه على خط واحد ويمشون بسرعه 100 والخط فاضي ولا واحد منهم فكر يفتح الخط والمشكله تكبس مايفتحون الخط وانا وراهم لاهم الي فتحوا الخط ولاهم اسرعوا اذا حاولت تتجاوز يحدون وما افتكيت منهم الى عند دوريه امن الطرق والله يبيلهم واحد معه كابرس شفر موديل 79 ويدفهم بالصدام |
السلام عليكم ورحمة الله وبركاته الاخت حبة كرز اسعدتني مشاركتك لي في الموضوع بما كتبتيه شكر على مرورك وردك الاخ بحر الوفا شرفني مرورك وتعليقك الظريف ياكثرهم اللي تقول تركي شكرا على الرد المتعوب عليه سلطان نجد خل عنك الفضايح واسكت تراني تغيرت على فكره ما عاد اشطف مرايات بس اشطف البدي يعني انتبه شاكر لك على مرورك وردك جنون الليل والله انك صادقه دمتي بود ايضاً يسعدني مرورك وردك السنيوره يامرحبا بك كلام سليم شاكر ومقدر مرورك وردك نبض الحياة يامرحبا بك ياخي ركب صدام شاص وارتح من الاستهبالات أسعدني ردك شكراًجزيلاً لك |
الاصناف التي ذكرت كلهم مع الاسف موجودين في شوارعنا وكل يوم نشوف هذا النوعيات الله يهديهم وتتعدل سواقتهم |
يا رجل احمد ربك ما عندكم حريم يسوقون السيارات مثل اللي عندنا المراة بطبعها رقيقه ولطيفه وهادئه عندنا في الكويت نتمنى أن تسرع المرأة أثناء قيادتها للسياره إذا كانت السرعة المحدده 120 كم فاعلم انها ستقود بسرعة 60 كم ، وعاد تعال قول لها افتحي الطريق ، ما تترك سكان سيارتها تقول وقد التصقت يداها بالسكان أما عند مواقف السيارات فحدّث ولا حرج ضغط وسكري وقولون وتساقط الشعر كل هذا يحدث في مواقف السيارات اذا دخلتها حرمه على ما تصفط سيارتها يبيلها ربع ساعه والعالم اللي وراها بالطقاق اتحداك تلقى سيارة حرمه ما فيها دعمه :) طبعاً هالكلام ما ينطبق على الكل <<< خاف لا تطلع معنا وحده تسوق سياره :) |
ابـــو سيـــف الي يرفع ضغط والله بصـات خط البلده لا تقدر تقولهم شي ولا يسقطون الا من الايمــن يعني ابن امه واحد يقول شي . والا الثـاني الي يجي وراك ومولع النور العــالي يعني يبي يقولنـأ نوره زين وربي يعمينـأ ولا يخلني نشوف المهم مابي اطول ابو سيــف تقبل مروري وكل الشكر على موضوعك الجميــل اخوك العـود الازرقـ |
الصنف الثاني - يلحم فيك من ورى وشغال يكبس بالنور وخاصة لمن يكون الخط زحمة وماتقدر تلف يمين او تبعد عنه المشكلة انه شايف انك ماتقدر تزحف له ليش العبط و التلحيم و التكبيس بالنور والزحمة الفاضية يعني وين اروح ( اطيــــــــــــ ـــــر والله مايرفع ضغطي غير الحركه هذي !!! والصراحه يابو سيف ماقصرت وفيت وكفيت ماخليت لنا شي ههههههه |
فعلا والله ترفع الضغط مشكور اخوي ابو سيف |
اللي يرفع ضغطي اللي يكبس بسرعه وبكثره والخط زحمه واللي يتجاوز من يمين وانا في المسار الوسط = ومواضيعك فالصمــــــــــ ـــيم يابو سيف |
و انت الصادق ياخوك يانها هالحركات تجيب الضغط و ترفعه مرة انا ماسك خط الكويت و عاد كان في زحمه ما اشوف الا واحد من وراي يطقها هرن مدري وش سالفته يعني وش اسوي اطير بالسيارة مثلاُ الا يوم عداني مدري وش سوى ضغط بريك مدري شي الي الحجر الي بالأرض قام يتحذف على سيارتي و الله لو اني مو رايح لشغله و كنت مستعجل كان علمته بس ياكثر ذول الي يرفعون ضغوطنا |
إبـوٍ سيـف <_ ههههههههههآإي ][ خل الطآبق مستور يآعمي][<_ إفضحك <_ إنطق مـن ابو سيـف ههههههههآإي وآللـه مـدرٍي وش اقول يآبو سيف بـس تدري وإنـت تمشي خل مـَعك نبيطه وخل مـّعك مصآقيل عرفتهآ وٍجب الكبـير فيهم ومسـه بنبيطه علـي جبهته عشآن مآيتعودهآ لـووووووووووووو ووووووووووووووو وووول تقبل تحيآتي |
السلام عليكم ورحمة الله وبركاته محمد بن تركي اكيد جميعهم موجودين المهند حنا عندنا بدل الحريم وسياقتهم الغثيثه بعض كبار السن من اهل الباديه العود الازرق اما باصات خط البلده وش تقول ووش تخلي عبدالرحمن سيف متأكد انك ما تسوي الحركه هذي بس ولو شكلها معجبتك هههههههه ايمان السعيد الا ترفع الظغط ونص جبرني الوقت خلها على الله ردك هو اللي في الصميم الخنجر اولا الحمد لله على السلامه ثانياً لو اني محلك كان ادفه بالصدام شوي عشان يتأدب فهد سيف العفيش من تقصد يعني عباس مثلاهههههههههه والله لو يدري اني اقول كذا ان يزعل هههههههههه سلامي عليك انت وياه الجميع شرفني مروركم وأسعدني قراءة ردودكم |
| الساعة الآن 04:35 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..