|
فــستـــان قـيمـته 1,2 ملـــيون دولار فــستـــان قـيمـته 1,2 ملـــيون دولار السلام عليكم ورحمة الله وبركاته اخر ما توصلت اليه دور الازياء , عبارة عن فستان مكون من 1500 قطعة نقدية ذهبية , وقد تم تصميمه في اليابان . الفستان يبهر الناظر طبعا .. وسعره فقط 1,2 مليون دولار http://files.rooo7i.net/images_cash/...151247u0Ix.jpg http://files.rooo7i.net/images_cash/...151248HZra.jpg http://files.rooo7i.net/images_cash/...151249DDy8.jpg بس الصراحه.. ابد ما اعجبني.. اللي بتلبسه..كنها ممعوطه من فستانها.. |
رد: فــستـــان قـيمـته 1,2 ملـــيون دولار ههههههههههههههه ذكرني بفساتين اللي انتي خابرتها... |
رد: فــستـــان قـيمـته 1,2 ملـــيون دولار تسلمين على المرور الجميل بنت عموووو..ما اقول الا الله يرجك زود..خخخ |
رد: فــستـــان قـيمـته 1,2 ملـــيون دولار هذا من الخيلاء نعوذ بالله منه |
رد: فــستـــان قـيمـته 1,2 ملـــيون دولار هاااااااااااااا اااااااع .. فساتين تحفه .. الله يرج المصمم اللي صممها .. |
رد: فــستـــان قـيمـته 1,2 ملـــيون دولار قراني منهج حياة..مشكوره على مرورك.. خالديه كووول..تسلمين ياعنوني..>>اخاف انه معجبك.. |
رد: فــستـــان قـيمـته 1,2 ملـــيون دولار مزينة ذهبة ولا الفستنان ثوب الدفة احلا منة كل الشكر لك اختي |
رد: فــستـــان قـيمـته 1,2 ملـــيون دولار الفستان روعة في التصميم ولأنه مطرز بعدد 1500قطعة ذهبية من المستحيل أن يكون بغير هذا التصميم ليس قماشا فقط حتى تكيفه على مزاجك . قرابة 4 ملايين ريال سعودي وتنتقدون تصميمه هذا خلوه للي يعرفون قيمته واللي مايعرف للصقر يشويه شكرا خالديه ليتني القاه مرمي في برميل زباله اخذه علطول لاقرب صايغ ذهب . |
رد: فــستـــان قـيمـته 1,2 ملـــيون دولار ياحليك يابو هلا اجل تبي تلقاهـ مرمي ببرميل زبالة ردد عز الله ياليل مطولك خخخخخخخخخخ خالدية مالقيتي غير هالفستان شوفي لنا واحد من الـ 300 ريال وجاي هههههههه يسلموووو يديك ونسأل الله القناعة بس |
رد: فــستـــان قـيمـته 1,2 ملـــيون دولار سمو الاحساس..مشكور اخوي وتسلم على المرور.. محمد السهلي..مشكور..>>حنا ننتقد كل شي... عااادي.. اسير الغربه..مشكور ..بس ابو 300 تلقاه من فتاحات بيبسي مو ذهب..خخخخ |
رد: فــستـــان قـيمـته 1,2 ملـــيون دولار لحظه لحظه .. فيه شي ابي اقوله لخالديه ماتهاب .. لا غلطانه .. مو كل شي ننتقده .. اللي مايعجبنا بس هو اللي ننتقده .. اما غيره لا .. وابي اعلق على كلام الاخ :محمد السهلي .. احنا انتقدناه لاننا شفناه يستحق النقد .. بالله هذا فستان ؟؟ .. وترى مو اي فستان غالي معناه انه حلو .. لا بالعكس .. فيه فساتين غاليه "مثل هذا" وشين .. وفيه فساتين سعرها عادي بــالفين اوثلاثها وخمسه.. وحلوه .. ومقولة " اللي مايعرف الصقر يشويه" ماتنطبق عليه ابدا .. لاننا احنا البنات عموما اخبر بالفساتين والازياء .. مو معناها اننا قلنا مو حلو .. لاننا ماعندنا ذوق .. بالعكس .. انا شايفه ان اي وحده راح يعجبها هالفستان .. نقول على ذوقها السلام .. وكلمة " اي فستان غالي حلو" .. هذي قاعدة اللي ماعندهم ذوق في اللبس .. يشترون اغلى شي .. عشان محد يقول شين .. وهو شين .. خخخخخخخ .. تقبلو مروري .. |
رد: فــستـــان قـيمـته 1,2 ملـــيون دولار ووووووووووووووو ووووووه << اي يعععع بلغة جدتي الله يحوم تسبدتس ذا فستان باللهي !! مستعدة احلف ان فستان مريانا شغالتنا يوم عرسها اطلدز منه اقول ابو هلا يعجبني تفكيرك , هذا التفكير والا فلا << نفس التفكير وش رايك نبيع الفستان وففتي ففتي يامعلم بس ترا شسمه اذواقنا احنا تهبــــــــــــ ــــــــــل وأبشرك عرفنا للصقر وأطلقناه على الحبارى وشوي الصقور اوب للخالديات بنت عمو لا عاد تتعودينها وتسدحين هالموازيع << تسمع برفع المعنويات |
رد: فــستـــان قـيمـته 1,2 ملـــيون دولار ههههـــــــع... يابنيات عمي.. والله انكم قويات.. بعدين ذوقنا الكل يشهد عليه..>>صدز.. |
رد: فــستـــان قـيمـته 1,2 ملـــيون دولار خالديات وبدت الحرب هههههههههههه اما تقولين البنات اعرف بالذوق اقول لو كانت البنت اعرف بالذوق صممت لنفسها وهي اللي تطارد موديلات ايلي صعب وغيره بعدين هاتي لي مصممة عربية نالت شهرة اكثر من المصممين الرجال راحت نعومي كامبل وراحت التصاميم وجمال العروض !!! حتى رابطة المصممات السعوديات فشلت وتبحث عن اعتراف وتمويل (طالعي الرياض لعدد الجمعة غدا 7ربيع الاخر الصفحة الاخيرة ) اما دور الازياء في بيروت ودبي والمنامه شوفوا كيف الدخل وكيف الاقبال على تصاميمهم ان شاء الله نشوف مصممات سعوديات لديهم حرفة في التصميم والاّ الذوق كلّ راض بذوقه . لاحظوا في الاعياد الحرمه عندنا تطوف اسواق الرياض محل محل وكل مارجعت وع وع وع مالقيت شيء يصلح كلها قرونه ههههههههههه فيما هناك من يشترون هالقرونه على قولة بنات الرياض ويكتفون من اول سوق وبكره تطلع اذا شافت هالقطعه على فلانه وين لقيتها وربي درت كل الاسواق مع انها شايفتها في اغلب المحلات بس مااعجبتها لين شافت صديقتها لابستها وتقولون ذوقنا احلى على غرار صيفنا احلى . على طاري الذوق -- هذا احد الاصدقاء وعند ذكر القصة سيعرفه الكثيرون من اهل الرويضة بس بحاول اطامر شوي اهله اسرة متحضرة وبقوه ودارسين بعضهم في الغرب المهم راحت وحده من خواته واشترت قماش من اسواق طيبه على وقت عزها المتر 700ريال ويوم جابته وسدحته في الصاله توريه امها دخل اخوها الكبير وانصدم ويش هاللي معكم لاتكونون مارين محلي حق الستاير وسارقين هالستاره تراها وربي محجوزه لواحد مفصل مجلس عربي وطالب هالستاره انصدمت اخته وقالت انت تستهبل هذا قماش ماخذته المتر 700ريال يقول راعي المحل هاذي اخر قطعه وربي ماكذبت ضحك وابتسم وراح للمحل وجاب معه قماش الستاره اللي شاريه من القثمي للستاير المتر 40 ريال وقال تفضلوا اي ستارتي وقماشكم احسن اكتشفوا ان صاحب المحل يشتري قماش ستاير من شارع السويلم ويبيعها علىبناتنا من 40ريال للمتر الى 700ريال وتقولون حنا اعرف بالذوق اي ذوق الله يرحمكم وانتم تلبسون اقمشة الستاير وتقولون هاذي من تصميم دار الازياء في ايطاليا ولا جا منها الا قطعتين مصدقين راعي المحل ههههههههههههههه ههه - الكلام هذا مهوب موجه للخالديات يكرمون كلهم ذوق ولكنه موجه لغالبية السعوديات يدّعون انهم يعرفون في الاذواق وهم من جنبها الله يخلي لهم كاتلوجات التصاميم . وحده عمرها فوق 50سنه جالسه في مركز المرأة بالمملكه وعازمة بناتها صديقاتهن المهم وحده من المعزومات لمحت شنطة الام وصاحت ام ساره وين شريتي هالشنطه ؟ قالت وحده من بناتها وع وع مااعجبك الا شنطة امي هاذي اكيد من ابو ريالين وكهكهت البنات وتماسكت السائلة نفسها قائلة لا تقولون هالكلام هالشنطة حصلت زيها معروضة في المعرض الفلاني في شارع الهايدبارك وبغيت اشتريها وكان سعرها 30ألف ريال سعودي وقال لي صاحب المحل هاذي كان عندي منها ثنتين وهي للمصمم الايطالي الشهير ماعرفت انا اسمه المهم وحده شراها شاب عربي قبل شهرين يقول بهديها لأمي والاخرى اشترتها رجلة اعمال يابانية وابقتها عندي حتى عودتها بعد قليل من جولتها في السوق . البنات تفشلوا وواصلوا ضحكهم اما امي تشتري شنطة بها القيمة مع ان زوجها راتبه الشهري يتجاوز راتب معلمات مدرسات ثانوية العليا ههههههههه قالت الام يابنياتي والله ماادري عن سعرها جابها لي اخوكم من لندن قبل شهرين ولا قال لي كم هي واكيد مايزيد سعرها عن 500ريال تراها وانا امك عادية استايل بسيط وكلاسيكيه ومع ذلك اصرّت البنت على رايها دقــّوا البنات على اخوهن وحطوه على اسبيكر يابو فلان شنطة امي هالخايسه الله يفشلك تقول اختك ساره انك شاريها من ابو ريالين قال ماتخسى ساره انا اشتري لأمي ام ريالين !!! هاذي قيمتها 30 الف ريال شاريها من لندن ولا علمت امي بسعرها علشان تاخذها معها في طلعاتها لو قلت لها عنها حطتها في الخزنه ولا استفادت منها افتحوا الشنطة وبتلقون قطعة جلدية اسم المصنع والمصمم وبلد المنتج والماركه تراها مخفيه ------- هاه ويش قلتوا وين الذوق ياهل الذوق الزين سعره فيه . حبيت اخذكم في جو ممطر واشعللها ووالله واقسم بالله ماقلت الا الصدق مع احترامي لذوق السعوديات الاّ ان عليهن شطحات واللي مو مصدقني يروح لاوروبا وقت الصيف او شرق اسيا ويشوف الهوايل ههههههههههههههه هههه وسلامتكم |
رد: فــستـــان قـيمـته 1,2 ملـــيون دولار اخوي..محمد السهلي..انا معك في بعض كلامك..لكن الى الان البنت اعرف بالذوق بشهادة الجميع حتى في الوقت الحالي.. لكن مو ذنب المصممات السعوديات مندقمين ولا اشتهروا عالميا..وان الزمن انقلب ضدهم وصار التصميم اغلبه اسماء رجاليه وانهم سرقوا مهنه حصريه للنساء فقط.. بعدين قد شفتوا مصمم سعودي يصمم للنساء طبعا مافيه على حسب علمي..واستفردوا الرجال اللبنانين والجنسيات الاخرى بالتصميم للنساء بسبب المكان اللي عايشين فيه والطبيعه الملونه والنساء الكاشخات اللي يناظرونهم في كل مكان.. لكن ارجع واقول مو غلطتها هذي المصممه السعوديه انها ما نالت على حجم يناسبها.. ولا تمويل يساعدها .. وما اقول الا انهم والله مساكين المصممات.. اما على الحوسه اللي تصير لأغلبية البنات اللي في السعويه ايام المناسبات والاعياد..هذي تصير مولانها ما تعجبنا كذا بس..لا لأن فيه اسباب للحوسه هذي:بعضها ان القطع تكون اغلبها حلوه لكن ماتخلو من العيوب ..مثل ان لونها مايناسب او المقاس يجي محيوس..في مثل الماركات المعروفه يجي بعضها المقاس المديم ما يدخل في معصقله حتى.. اجل ليه مسمينه مديم شي غير طبيعي.. ولا يجي لبس حلو بس حاطين لك فيه شك وتطريز و الوان خاته ماتليق معه ..و ما خفي اعظم .. لهذا احنا نقول ما فيه شي زين.. الا ما ندر واكيد راح من اول يوم نزل.. وانا ضد كلمة ان كل غالي زين ..لان بعض اللي شعارها هذي الكلمه تلقاها من لفه وحده في السوق شرت وخلصت ويمكن تعشت بعد..ويكون لبسها غالبا ((شــــــيـــــ ـن))ولا قرب الذوق ابدا.. واذا ابديت رايك عليها بان لبسها عادي قالت ترى قيمته كذا..طيب اللي يشوفك من بعيد مايقولك تعالي هو بكم؟؟ بعدين باحكم حلو ولا لأ.. وفيه بعض اللي يقول كل غالي زين.. تلقاهم لاخر يوم يحوسون في السوق..على شان يدورون غالي يستحق من يشتريه..يعني يكون شكله حلو ويستحق قيمته.. اما عن سالفة الشناط الماركه.. الشنطه غالبا مايكون الذوق فيها مايمشي في وقتنا هذا ابدا..لان اغلب البنات الأن تبحث عن الغرابه والتميز في الشنطه والشنطه اذا جت غاليه وشينه عاااادي بتكرفها الاخت المشتريه.. اما اذا كان لبس بيكون حبيس الخزانه وسعره اللي بازتبه محد درى به وبذرت فلوسها ..وكل هذا سببه ذوقها الشين والتعيجز من البحث والدوران عن الزين.. وفي الاخير انا قلت لكم هي ليه تدور موب على شان ما عندها ذوق بل العكس صحيح.. |
رد: فــستـــان قـيمـته 1,2 ملـــيون دولار - الكلام هذا مهوب موجه للخالديات يكرمون كلهم ذوق اخوي محمد السهلي .. اولا مافيه حرب ولاشي .. ههههههههه ومشكووووووور على المجامله ..<< هذا اولا .. وثانيا .. مو ذنب المصممه السعوديه انهاما وصلت شهرة ايلي صعب.. وبعدين .. من قال ان البنات ماعندهم ذوق ؟؟ اجل الرجال هم اللي عندهم ذوق ؟؟ << ايه طيب .. انت الحين قارنت بين البنت السعوديه والمصمم الاوروبي والمصمم اللبناني .. بالعربي قارنت بين البنت السعوديه والمصممين العالميين << وهذا اكبر دليل على ان فيه مجال للمقارنه بينهم .. طيب .. ليش ماتقارن بين ذوق البنت السعوديه والرجال السعودي؟ << ادري مافيه مجال للمقارنه بينهم لان البنت السعوديه راح تتفوق عليه .. وهذا الكلام مو من باب التحيز والعنصريه لجنسي ولكن هذا هو المعروف .. وبعدين من قال ان مافيه مصممات سعوديات ؟؟ بالعكس فيه مصممات سعوديات مشهورات محليا وليس عالميا .. وانا معك في هالنقطه بان المصممات شهرتهم ماوصلت للعالميه .. وهالمصممات صغار في السن بعد تقريبا اعمارهم ماتتجاوز ال40 سنه.. اما ايلي صعب شكله صاك ال60 والا بيصكها قريب .. انا ما اقول تصاميمه مو حلوه.. بالعكس وتعجبني.. وخاصه تصاميمه لفساتين العرايس .. والمصممات السعوديات مشهورات شهره كبيره في السعوديه خاصه لكن مو ذنبهم ان شهرتهم ماكانت عالميه .. يمكن بحكم الظروف ماقدرت توسع شهرتها .. وانت تقول : ان البنات قبل العيد يفرون كل الاسواق محل محل ولا يعجبهم شي.. وانت هالشي ما اعجبك .. وانا اقول بالعكس .. هذا اكبر دليل على ان البنت السعوديه ذوّيـــــقه.. لدرجة ان البضاعه ما اعجبتها .. وهذا مو عيب ولا ذنب ان ذوقها صعب .. بالعكس هذا دليل على ان البنت السعوديه تحب التفرد بذوقها والتميز في لبسها .. بعدين انتم يالرجال .. اكبرهمكم اذا جا العيد : شماغ وثوب وطاقيه وعقال وجزمه هذا اذا ماكانت زبيريه << تكرمون .. اما البنات الله يعينهم بس ..لازم لهم فستان +اكسسوار+شنطه+س اعه+عطر+ميك اب <مع انه مو لازم بالحيل بس اهم مافيه الروج +جزمه <تكرمون .. ولاااااااا .. وزياده على كذا .. مايكفي لهم فستان واحد .. لازم 2 او 3 على الاقل ..<< لزوم الكشخه .. اما الرجال .. لبسهم مو غثا ابد .. لبسهم معروف .. ولو كانوا يبون يتميزون عن غيرهم غيروا لون الثوب .. وحطوه لون مدري وش يبي .. والا حطوا جهدتهم في الشماغ .. وفي الاخير .. يطلعون كلهم لابسين مثل بعض .. خخخخخ واحب اعلق على كلامك لما تكلمت عن الماركات .. ترى مو اي ماركه تنلبس << من وجهة نظري .. فيه ماركات لويبيعونها بريال والله ما اشتريها .. وفيه ماركات حلوه ونادره .. وسعرها مو خساره فيها .. وتستاهل ان احد يشتريها وخااااااصه اللي مايكون فيه منها تقليد .. وانا اشوف من وجهة نظري .. انو مو حلو يكون لبسي كله ماركه .. مافيه مشكله لو كان اللبس عادي ..بس تكون الشنطه والبوك والنظاره والساعه ماركه بس ماركه صح .. واحيانا بعد الجزمه ماركه مافيه اشكاليه .. واحب اضيف .. ان المقوله اللي مفروض تنقال هنا:الغالي سعره فيه مو مقولة :اللي مايعرف الصقر يشويه !!! مع ان عندي تحفظات على مقولة الغالي سعره فيه .. لان بعض الغالي مايستاهل سعره .. << مصررررره على رايها .. خخخخ وارجع واقول : ان المصممات السعوديات اشهر من نار على علم ,, واسأل اي بنت تعرفها وراح تقول لك .. ويبقى للمرأه السعوديه <<خااااااصه ,, ذوقها الرفيع والمتميز والمنفرد والراقي .. وانا اتحدى ايلي صعب هنا .. ههههههههههه.. تقبل مروري .. |
رد: فــستـــان قـيمـته 1,2 ملـــيون دولار فستان بايخ في وجهة نظري لان لونه اصفر ((هلالي متعصب |
رد: فــستـــان قـيمـته 1,2 ملـــيون دولار مايستاهل قيمته |
رد: فــستـــان قـيمـته 1,2 ملـــيون دولار ههههههههههههههه ههههههههههههههه ههههه والله لازمها حراسات 24 ساعة العقل زيينة |
| الساعة الآن 05:58 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..