مجالس الرويضة لكل العرب - تنبيه نـــصـــائـــح مـــجــــرب

:b12:

اخـــــــــــوا ني حبيت اعرض لكم بعض النصائح وإن شاء الله تلتمسون الفائدة منها.

نصائح مجرب حاول تركز وتقرأها مرتين في اليوم قبل النوم وبعده:

1- لاتحاول إنك تخسر احد قدر الإمكان

مستحيل إنك تعيش وماتحتاج الناس والزمن ماله أمــــان.

2- الطيبه

الطيبه مطلوبه لكن لها حدود وتدري إن الطيب بهالوقت مجنون يعنى مو مع كل واحد تكون طيب إسألني انا عن الموضوع ذا بالذات والله فيه ناس حرام حتى ان الواحد يبتسم لهم لكن خلها على الله

3- الثقه

ويانار قلبي من الثقه. لاتثق في اي شخص مهما كان قريب وإلا بعيد إلى بعد ماتجربه مرتين ولا ثلاث وتتأكد من نواياه. وإذا بتاثق في كل شخص فتحمل اللي يجيك وبروح رياضيه

4- العاطفه

وياويلي من العاطفه أحكم قلبك. لا تسمح لقلبك في يوم يحكمك إذا سيطر عليك قلبك فتراها كارثه مهما ارتحت دايم أصدق مع نفسك ومع الناس واحكم بعقلك ولاتحكم بقلبك أبد. لاتخسر عقلك عشان ترضي قلبك.

5- المصلحه

لاتظن فيه احد بالدنيا بيفضلك على نفسه وبيضحي بمصلحته عشانك مهما قال ترانا في زمن نفسي نفسي وما أدراك مانفسي وانت فاهم وش أقصد.

6-التكدر (الزعل)

لاتزعل نفسك أبد الدنيا فانيه ومافيه شخص بهالدنيا يستاهل إنك تزعل عشانه مهما كان غالي واي مصيبه قابلها بأبتسامه ويفرجها الله

7- الكرامه

تجنب انك تجرح كرامة احد مهما كان مخطى كل جرح يطيب إلا جرح الكرامه وجرح الإحساس.
افرض على الناس إحترامك , احترم الناس يحترمونك

8- المجامله

لاتجامل قد ماتقدر خلك صريح وخلك راعي كلمه واللي يزعل من صراحتك فتأكد انه مو صادق معك.
خلك صريح بس صراحتك لاتجرح احد. يعني بأسلوب وبأدب وانت اخبر مني وابخص بهالشغله.

9- الأحتقار

العالم النفسي ( كلودبرنار) يقول :
لا تحتقر اي شخص لا بأفعالك ولابالتلميح ولاحتى النظر فأنت لاتدري هذا الشخص من يكون بالغد ولاترضى لغيرك مالا ترضاه لنفسك وإلا فسوف تخسر!...طبعآ واضح كلامه

10- الكذب

دايم مشكلة الكذاب إنه مايخاف أن الناس يكذبوه وهو مايصدق الناس وذي بحد ذاتها مصيبه.

والكذب له اسباب منها /

أ- عدم الثقه بالنفس واللي مو واثق بنفسه ليه عايش أصلآ.
ب- الخوف واللي يغطي بالكذب خوفه مسكين
ج- الضعف واللي نفسه ضعيفه الله يعينه(مريض نفسي)

11- مدح النفس

لاتمدح نفسك ابدآ خل افعالك هي اللي تتكلم عنك وأدري إنك اكبر من هالأسلوب لانه اسلوب إنسان جاهل. يظلم نفسه وهومايدري يــــــــــاحرا م.

12- الختام
اخر شي خلك مثل البحر اكتم بقلبك كل شي مثل ما اعرفك. والله الواحد إذا كان بس كلامه يقولون وفلان قال وماعنده غير قيل وقال فوالله مرة ثانيه مافيه خير ابد لا لنفسه ولا لغيره ويكفي أن هالأسلوب أسلوب عجايز.

ولكم مني جزيل الشكر

:atibtmniat:

:hum_line:

_______________ ___