مجالس الرويضة لكل العرب - ودي أمـــــــــــــ ـوت اليــــــــــوم .. وأرتــاح منـــي ..

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

ودي أمـــــــــــــ ـوت اليــــــــــوم .. وأرتــاح منـــي ..

مراااااااااحب ..

اسعد الله اوقاتكم بكل خير وصحه ونعمه وعافيه ..

حبايبي ..

اعجبتني هالقصيده .. وحبيت انكم تشاركوني في الاستمتاع ..

لكن .. ما ادري من هالمبدع اللي كاتبها ..

يقولون .. انه احمد الصانع ..

ودي اموت اليوم واعيش باكر ..

واشوف منهو بعد موتي فقدني ..

ومنهو حملني لين ذيك المقابر ..

واشكر انا كل من كرمني ودفني ..

وبشوف يرثيني انا كم شاعر ..

ومنهو تركني وماكتب شي عني ..

شخصن تعنا لي مع انه مسافر ..

وشخصن قريب وانا ميت طعني ..

وشخصن يمثل دمعته ماهو قادر ..

وشخصن تطيح دموعه كلما ذكرني ..

ومنهو من اهلي فالعزا كان حاضر ..

ومنهو دعا لي في صلاته ورحمني ..

ومنهو بنا باسمي سبيل ومنابر ..

ومنهو يفز قلبه الا من لمحني ..

ومنهو عشاني طول الايام ساهر ..

ومنهو ثلاث ايام راحو تركني ..

ومنهو يرتب غرفتي والدفاتر ..

وان شاف صوره لي مات وحضني ..

يالله عسى ماتخفى كل المشاعر ..

ويالله عسى ماينصدم يوم ظني ..

خايف يروح العمر واكون خاسر ..

وان طار طيري مايفيد التمني ..

وخايف يجي وقت أكسر خواطر ..

ان دارت الدنيا وزماني كسرني ..

ومادام هذي الدنيا صارت مظاهر ..

وكل من على كيفه وجوّه يغني ..

صحيح مسلم .. لكن الهم كافر ..

كلما بغيت اضحك .. يهددني حزني ..

الضيق وافي .. والحزن حيل وافر ..

والجرح اكثر شي شفته يحبني ..

عايش وميت بين ماضي وحاضر ..

والصبر مفتاح الفرج ضاع مني ..

قل وش تبي وتتركني ياحزني .. آمر ..

مسكين فرحي .. تصدق انه وحشني ..

شاعر .. ولكني مانيب شاعر ..

ودي اموت اليوم .. وارتاح مني ..

وسلامتكــــــــ ــــــــــــم ..

دمتم بعافيه..