اكتب اسم الشاعــر واللي بعـدك يجيب لــه قصــيده

بسم الله الرحمن الرحيم

السلام عليكم ورحمة الله وبركاته

هذى فكرة وليست جديده وانما نحن نجددها بارتقاءنا الى كل مامن

شانه زيادة ثقافتنا الادبيه بشكل عام


(الفكــرة )
كل عضــــو يكتب اســم شــاعر واللي بعـــدهـ يكتـب مقــطــع من

قصيــدة لــهذا الشاعر
سأبدأ بقصيدة رائعة وعزيزة على قلبي للشاعر محمد جار الله السهلي’’اصْعــِب ســِؤآل ’’
’
’

( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :

البارحه يومه سأل : ( وش ذكـرك ذيـك الليـال ؟ )
كان الجواب بكل بساطه : ( من متى اصلا نسيـت ؟ )

ادري بان جمع ( الصعوبه والبساطه ) شي محـال !!
لكنها صارت كذا ! واللي (( اهـم )) انـي دريـت :

ان الحيـآة فبـعـد احبـابـك اذا جــف الـوصـال
اتعيشها لو تقتنع انك خـلااص اصبحـت ( ميـت !!)

يـا صاحبـي لـو كـل شـي يمـر بالخاطـر يقـال
مـا كانـت العبـره تولجنـي اليامنـك طـريـت ؟!
شفني قدرت احبس دموعي بس ( دمع القـاف ) سـال
ويا كبرها ساكـت ولكـن داخـل اوراقـي بكيـت !!

عمر الحكي مـا كـان دافـي لاابتـدى بقولـة تعـال
لجل اتجاهـل رجفـة حروفـي اليامنـي حكيـت ..

الحـال فـي بعـدك قسـم بالله مـا اسميـه حــال
انوي على الضحكه واحس كلي خطا لانـي نويـت ؟!

اتصور انك مـن رحلـت اشوفـك لجسمـي ظـلال
لا شفته امشي ببتعد واثـره معـي مهمـا مشيـت !!

مـدام يعنـي فـي بحـرك لفرحتـي مليـون جـال
وش فيه موجك ما ركد ؟ قربت اموووت وما رسيت ..

يرضيك مـا عـادت معـي تفـرق اذا جالـك مجـال
لاني اقتنعت انك نهايـه وانـي ببطـي مـا بديـت !!

صرت ( اعقد حجاجي ) اذا جابوك باطراف الجـدال
وانا قبل لاقالوا اسمـك كنـي : ميـت ثـم حييـت!؟

تعبـت اعيـش الـدور وافتـح للمعـاذيـر الخـيـال
واتخيل انـي جيـت فـي بالـك وبانـك استحيـت!!

وتردلي كلك (( وله )) وتقول : ( كن البعد طـال ؟ )
ومن الفرح ما عاتبك واقول : ( ياخـي مابغيـت !! )

حتـى وانـا تخيـل حشمتـك ! لـن قلبـي لا يـزال
يكرر اسمـك داخـل اعماقـي بنبضـه لا سهيـت..

قلي شسـوي فيـك ؟ وانـت بداخلـي اصـدق مثـال
للحب واحساس القصيد ان عانـق الليـل وسريـت..

ربـي يصبرنـي علـى الفرقـا مـدام الحـظ مـال
وانت بيجيلك يوم تعرف ليـه فـي بعـدك شكيـت !!

واذا بـلاك الله وعذبـك اشتياقـك (( بـس تعـال ))
واقرى القصايد فـي غيابـك كلبوهـا بيـت ... بيـت

بتدرى ان ( اصعب سؤال ) اللي يجي رده ( سـؤال )
لا قلتلي ( وش ذكرك ؟ ) ثم قلتلك ( متى نسيـت ؟ )


ألي بعدي قصيدة للشاعر سطام بن شلفان

ملاذ الروح...

لاقلت تكفى.. فز لـي ألـف رجًـال=ذيبٍ و ربعـي كـل ابوهـم.. ذيابـه
ادري.. ولكنَـي علـى الحال..أحتـال=مثـل المُسـن اللـي تصنًـع شبابـه
لا من نشدني صاحبي كيف الاحوال؟؟=عقلـي تبرمـج دايمـآ .. بالإجابـه..
أبشَرك مبسـوط.. ويسـرًك الحـال=واحاول اخفـي ضيقتـي.. بالذرابـه
و انا لهـا.. والمتـن للحمـل شيًـال=والقلب .. غيـر الله مـا احـدٍ يهابـه
أضعف.. و امثَل قوتي.. زي تمثـال=شامخ.. ولو هالراس بالجد.. مـا بـه
إلا.. ضغوط.. و زعزعة فكر.. وآمال=وصراع ما بيـن الفـرح.. والكأآبـه
والحين انا.. لياقتي بالصبر .. عـااال=لو كـل مـن حولـي نهشنـي بنابـه
ما اقول تكفى.. بس .. لو قلت!! تنقال=لك.. يا بعـد كـل الاهـل و القرابـه
لك يا شعور العز.. و الجاه.. و المال=والذوق.. و الفكر النقـي.. و الحبابـه
انا اشهد ان ما كـل الازوال... ازوال=و لوها تشابه.. انت مـا لـك مشابِـه
إنت الغلا.. وانت السعد.. وانت الآمال=وانته دعاء امـي.. بوقـت استجابـه
عقلي.. بنا لك داخـل القلـب منـزال=تسكن و ما احدٍ قبل مشيك.. مشى بـه
ملاذ روحي لا بلا الحـال... زلـزال=و إن ضاق وقتي شفت.. فيك الرحابه
بطلبك.. يا عشقي.. و يا رااااحة البال=ارجوك.. و بجاه النبـي و الصحابـه
انك تغاضى... لو بدى منـي اهمـال=و عقلي سرح.. في عزلته.. و ابغيابه
في عزلتي.. ابحث مخارج.. و مدخال=و احاول اكشف حل..!! و انزع نقابه
آسرني الهوجـاس والفـال.. مـا زال=اقشر.. و هالهوجاس.. ينهـب نهابـه
مشغول في نفسي.. و لانيـب محتـال=والله يجعـل كـل ضيـق... ابثوابـه
هذا اعتذاري قول.. وإبشـر بالافعـال=والله.. لاعوًض خافقك ما عنـا بـه

اللي بعدي قصيدة

المرحوم فيصل الرياحي

هذه قصيدة الشاعر الكبير / فيصل الرياحي
بعدما سمع باعتزال الداعية الشيخ / عايض القرني للخطابة
واعتلاء المنابر وتفرغه لكتابته الدينية ...
أطلق صرخته المدوية يطالبه بالعودة إلى الناس والدعوة
////////////////////////////////////////////////////////
اعتكف يا عايض القرني لحالك
وأمعن التفكير في كل القضايا

خل مصحفك المطهر رأس مالك
يوم روس أموالهم حكي وزاريا

اعتكف مدة شهر وأطلق عقالك
ننتظر منك الملاحم والهدايا

يا نهر جاري غرفنا من زلالك
ما يريح النفس ويغسل الخطايا

كل من هلل على الغبرا دعالك
وكل من كبر يبلغك التحايا

قم فانذر واسمع الدنيا مقالك
انشر الدعوة على كل البرايا

سكتة العالم تؤدي للمهالك
ويفرحون الماكرين أهل الغوايا

في غيابه يبرز الشر وكذلك
يخرجون الرابضين من الزوايا

لا تبالي واحتسب فيما ينالك
للنجاح أعداء وللواجب ضحايا

انظر إلى صبر ابن حنبل ومالك
عبرة للصابرين أهل البلايا

الله اكبر يا دهر ماذا بقالك ؟
من تعاجيب الليالي والخفايا

كرر التاريخ نفسه لا أبالك
سوت الدنيا بالأبطال السوايا

يالزمان اللي تكذب من حكالك
الله مابك من دهاليز ولوايا

الله يخرجنا من أفتنك وظلالك
غير مفتونين فيك ولاخزايا


الي بعـدي الشاعـر(حــامـد زيــــــــد)

مابقى الا سود الايام تحرمك الرقاد=كيف الاوهام اتجرأ اتسريك مغبون
من متى تجزع من الدمع وتخاف البعاد؟=من متى تقفي بك ظنون وتجيبك ظنون؟
صرت تاخذ كذبتي صدق، ومزاحي وكاد=لو بقول اني بخونك تحسب اني بخون
اتعرف ان كل شاعر يهيم بكل واد؟=وانهم دايم يقولون مالا يفعلون؟
ابك انا لاقلت ابنساك وانكرت الوداد=والله اني مانسيتك وولاهم يحزنون
من جزع من صفعة الشمس يطمع بالبراد=ومن فقد وجهاته الخمس يلقى بك ركون
اعتبرها هفوة انسان او كبوة جواد=لو بتسمح فانت غالي ولو تجرح تمون
عد صداتك مروة وطعناتك ضماد=خلهن لاراحن طعون ولا ردن طعون
خنجرك يستاهل الطعن ومتوني شداد=ومنك يازين الخناجر ويا بخت المتون
ردلي حنية المزح باحساس الجماد=خلنا واحد يجي صلب والثاني حنون
موت فيني واندفن فيك بثياب الحداد=وان حييت أموت لرضاك واحيا بك بهون
مره ارقد بالكفن وانت ترقد بالمهاد=ومرة ارقد بالمهد وانت ترقد بالكفون
ادري ان شجونك شجون واعنادك عناد=والبلا ان عنادك عناد وشجونك شجون
ربك اللي سخرك لي تقود وما تقاد=والله الخالق ولله في خلقه شؤون
ازرع ضلوعي من رضاك وابشر بالحصاد=لعنبو من جيت ترضيه وترد امحزون
بس تسوالك بلد ؟ قول تسوالك بلاد=انت كل العالم بكون ولحالك بكون
مابعد محبتك حب ومرادك مراد=غير كونك سيد حشاي تدري من تكون ؟
نعمتين اختصوا الخلق من جود الجواد=كافل الأرزاق من حيث مالا تعلمون
البنون ونعمة المال بعيون العباد=زينة الدنيا بلا شك في كل العيون
مثل زينة دنيتي بس عندي شي زاد=من عرفتك صاروا المال وانت والبنون
انتشي بك نشوة التيه لعناق الرشاد=وافزع الك فزعة القرم لشهاب الزبون
واحصنك تحصين الأرزاق عن درب الفساد=واعشقك عشق المظاليم لفراق السجون
لو تزيد الشوق جمرة تحولني رماد=لو يزيد العشق شعرة بوصل للجنون
خل هقواتك كبيرة ونظراتك بعاد=كانك انت بكبرك تهون من اللي ما يهون ؟
ازعلك وارهن حياتي تحت رحمة زناد=تهبى لا والله الا انت والموت تهبون
عاد اذا ما ارضاك هرجي ولا اللي قلت فاد=اننا لله وانا اليه راجعون
وانت باكر بتعرف على ناس جداد=والكلام يجيك من كل شكل وكل لون
لاتحسب ان كل كلمة بتسمعها وكاد=ولا تصدق هرج شاعر وتخدعك الظنون
دايم اعرف كل شاعر يهيم بكل واد=وان هم دايم يقولون ما لا يفعلون
حتى انا اللي قلت اعشقك وما اطيق البعاد=يمكن اطلع ماعشقتك ولاهم يحزنون

الي بعدي الشاعر / سعد بن شفلوت

الطيب فرصه والجمايـل توافيـق *** ومن لا توفق ماكتـب لـه جمالـه
ومن لارقى للطيب روس الشواهيق *** مازان لـه وقتـه علـى مابدالـه
ومادام لفعول الجمايـل عشاشيـق *** كسب الجمايل مايجـي بالسهالـه
[ولو انها تشرب مع فكـة الريـق *** كلن خذاله كل مـا أصبـح بيالـه
والطيب منوه للقلـوب المشافيـق *** كلن يتـوق ومنوتـه راس مالـه
والمدح مايزهي على الرجل ويليـق *** الا لا صـارت وافيـات خصـالـه
يستاهلـه رجلـن يفـك المزانيـق *** اللي يقـال ونعـم لا جـا مجالـه
ومن ساقته نفسه وهو مابعد سيق *** لأجـل الجميـل يزيـن الله فالـه
والمرجله ماهي بتحتـاج تنسيـق *** من بين قلب اللي عشقهـا وبالـه
[ومن عادة الدنيا تخون المواثيـق *** تفتـر مكرتهـا سـوات المحالـه
ولولا اللوازم ماعرفنـا المخاليـق *** مانعـرف الرجـال ليـن انعنالـه
والكفو تظهر فزعته حزة الضيـق *** وينشاف في الشده بعيـن العدالـه
نسل الرجـال متعبيـن الملاحيـق *** متوسطن من بيـن عمـه وخالـه
والهينه تكبر على اللاش والهيـق *** له في الرخا قاله وفي الضيق قالـه
والطيب شاره والضماير صناديـق *** واللاش طيبه مـا تعـدى ظلالـه
وأنا أصبر قلوب الرجال المغاليـق *** والصامت أقطع غايته مـن مقالـه
ومادام في الدنيا رجـال ومطاليـق *** نصيتهـم والـلاش مالـي ومالـه

الي بعــــــدي الشاعر ((يـــاسـر التـــــويجــــ ــري))