|
أخر كلام []اخر كلام كان نفسى اقولك ع الورق أخر كلام ماكتبتهوش وارسم مشاعرى صور صور بالمفردات من غير رتوش وابعت مع الآشواق رسالة تفكرك باالذكريات تجمع مابين قلبى وقلبك جوه حضن الأمنيات اتجمدالحرف اللى بنزف م القلم فوق السطور واتبعترت كل المعانى فى قلب غاب عنه السرور ولقتنى بصرخ جوه نفسى وروحى منى بتتسرق بركان فى صدرى بزلزله والآه فى حلقى بتتخنق وقفت بينى وبين خيالك قبل ما امسح دمعتى شايل فؤادى اللى اتجرح وكاس مرارة لوعتى مطعون جريح والجرح بيسرسب فى دمى ولسانى يعتر فى الكلام أترجى فيه مااقدرش أسمى بصيتى وانتى مسبله وقلتى فيا كلام كتير أصعب من اللعنه وأشد من لوم الضمير ليه الأ سيه والعناد وانتى اللى كانت مقسومالى كان نفسى لما أشتاق اليك تشتاقى لو حتى ف خيالى لو لسه فاضل ف الفؤاد ركن لغرامك متملاش ضاق لماهانت عشرتى وهان عليك بعتى بلاش ونسيتى عهدى اللى انكتب بشوق فؤادى وحبك انتى أنا صونته كان له فى قلبى دار معرفش ليه انتى اللى خنتى نفذت سهام الغدر منك وانشرخ حصن الوداد واتفرفط العقد اللى لاضم حبنا بكتر العناد ما لقتش حضن يضمنى وسط الهموم غير حضن يأسى فكرهت يومى وبكره واماالجرح زاد فكرهت نفسى أنبش فى صدر الماضى بضوافر أنين قلبى اللى حبك وقللبه فى حجر اليالى وبدده كان قصدى أسامحك واستعطف الجرح اللى بنزف م الفؤاد واكتم عذابى يمكن يسامحك يوم ماتيجى وتندمى وتدقى بابى احمدراضى |
رد: أخر كلام اقتباس:
لاتحرمنا من جديدك يا ابو راضي |
رد: أخر كلام بقاياجرووح شكرا جزيلا ياأول زبون عاوز كام جلون ههههههههههههه تقبل تحياتى ومتحرمش من مرورك ودائما ابدا تنورصفحتى المتواضعة احمدراضى |
رد: أخر كلام آخر كلام رغم الوجع .. ينساب من سطوره أنات ناي ينتحب مشاعر دفاقة وحس رهيف وإبداع آسر شاعرنا القدير أحمد راضي دائما يأسرني هذه الصدق وتلك الانسيابية في قصائدك فتعيدني إلى قراءتها مرارا دمتَ بكل الخير والتألق تحيتي وتقديري |
رد: أخر كلام الشاعرة الجميلة خالقا وابداعا تقى المرسى اشكرك جدا على مرورك وقراءتك صفحتى المتواضعة وارجوا الا تحرمينى من هذا الشرف العظيم لكى كل الود والأحترام احمدراضى |
| الساعة الآن 10:45 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..