شاعر ومرضى غير بالصف الامـام ..؟!

السلام عليكم ورحمة والله وبركاته

مساء الخييير

لايخفى على الجميع مايدور في الساحه الآن خلف الكواليس

من تطبيل وتلميع

لمستشعرين ضيّعوا الشعر وهم ضايعين قبله ؟!

ماطوّل عليكم اترككم مع الابيات


*

*

*

الليـل لاقـرّب وخيـم بالظـلام=قامن جنون الشعر عندي يرقصـن
قامن على معنى ومن عذب الكـلام=جزل البيوت اللي بها فكري يـدن
شاعر ومرضى غير بالصف الامـام=يومن غيري موقعه باآخـر ركـن
شاعر وحرفي مثل ضربات الحسـام=بقلوب حسادن تصافق مـن غبـن
شاعر ولي منهج وموقف واحتكـام=مارحت يم افـلان بشريهـا بثمـن
يشهدلي الشعار من شـرق ٍ وشـام=ماهمني خبل ٍ نقـد حقـدن دفـن
بين الحنايا كل شخص ولـه مقـام=وقدر الخلايق بين حسيـن وحسـن
بعض الشعر نارن على روؤس السهام=يبقى على مر الزمن روعـه وفـن
والبعض الاخرمثل تجميـع الركـام=عمر الكرم ويّا البخـل مايستـون
الشعر هذا الوقت حالـه ياحـرام=تولجوه اضعاف الانفس فـي علـن
في ساحتن تقدير ضايـع وحتـرام=((صارت شلل مثل الحريم اينقنقن))
مصالح ٍ توقف على روؤس الاعلام=لوكان ((خبل ٍ بالرقع يملأ البطـن))
لوهي خرابيطن عكس سير ونظـام=عطوه حجمـن مايقـارن بالـوزن
لوتبتعـد مايلحقـك منهـا مـلام=أخيرلك من قرب مايسوى ((تبـن))

وسلامتكم