يابنت جيتـك والثمـن عمـري ابـي ليلـةٍ لقـا . . .

[color=#330066][size=5]هـذه الـرائـعـه للـشـاعـر ضـيـدان بـن قـضـعـان

اخـتـرتـهـا لـكـم . .

وان شـاءاللـه تـلـقـى اسـتـحـسـانـكـم

( * ; * )

يلي على وجهي قريتـي كـل صفحـات الشقـى
اقري وأنا باكتب قصيدة واشعل الساحـة حريـق


باقي كثر ما راح واللي راح نصـف اللـي بقـى
وان ماوصلت لغايتي باموت في نصـف الطريـق


يابنت يوم امطر غـلاك بقلـب ضيـدان وسقـى
تدرين وش سبة شقاه وسبـة الجـرح العميـق ؟


شقاه من يمناه واسـم الشيـخ والنفـس امحقـى
والجرح منك ياأعذب العذبـات يالمـوت الرقيـق


يا بنت ما دام البدو تخلـف هقـاوي مـن هقـى
وانا بدوي مني يشيل من الزمـن مـا لا يطيـق


ابفتخر حنـا بـدو نعشـق علـى وضـح النقـا
حنـا بـدو فينـا الولـد للقمـة العليـا عشيـق


حنا بدو فينا الولـد لـو شـاف موتـه ماأتقـى
حنا بدو فينـا الولـد يرقـا ولـو مالـه رفيـق


حنا بـدو فينـا الولـد لا مـن رقـا رقـا رقـا
الين يوصل غايته لـو كـان فـي قمـة طويـق


يابنت جيتـك والثمـن عمـري ابـي ليلـةٍ لقـا
يما كـذا والا بـلاش مـن الصداقـة والصديـق


وساعة تبسمتي وشفت الجمـر والثلـج اصدقـا
قلت أشهد أن الموت حق وصحت لك صيحة غريق


واعتقت دمعي والزعل والحـزن لرضـاك أعتقـا
وأغفت عيوني في عيونك ياعساهـا مـا تفيـق


وامنت باللي سخـرك تقريـن صفحـات الشقـا
واشعلت بردي في دفاك وشبـت الساحـة حريـق
* * * *

ولـكـم كـل الـود مـن اخـوكـم

TURKE