|
حلمي القتيل ( مصافحة أولى ) السلام عليكم هذه أولى مشاركاتي معكم في هذا الصرح المبارك أرجو أن تنال رضاكم وأتوجه بالشكر للأخت الشاعرة / تقى المرسي التي شرفتني بالدعوة لأكون بينكم هنا ***** جوايا حلم اتقتل وامال كتير بتموت وكلام ف حلقى اتسجن ولسان بداء السكوت ولحد امتى انتظر على نصية امارح فى حجرى هم الزمن وف صدرى مليون صوت انبش فى جرحى الاديم بضوافر الذكرى والف حلمى القتيل وادحرجه لبكره واحفن دموع غربتى وانا بين دراعاتك يطوينى خوفى واحس بالف ايد بره فارده المخالب لتار بايت وغل قديم عايزين ولادك فى دارهم يبقم المعازيم و مص دم الضحايا اللى ادفع لك مهر ايام ماكنتى العروسة ونا لسه طفل يتيم انا دم ابويا اتفرشلك فى الصحارى نجيل ودا دم عمى اللى جلنا فى هواكى قتيل مغسول به توبك فى ليلة الحنه م الانجاس وروحهم اتعلقت ليلة الفرح قناديل ماتوربى بير رحمتك وسبينا نملا الكاس قفلاه فى عز احتياجنا لفرفطة انفاس دول اللى شقوا طريق السعى لرحابك وملكوك عرشهم وحكموك ع الناس لو ضاق خناق رهبتك من شدة الآحكام عقد الوداد ينفرط والحبه تبقى بكام ويبلى توب التسامح على جتة المظاليم يتهتك الصبر م الصبر اللى طال أعوام على بابك اللى اتقفل كام ألف ايد بتدب منهم غريمى اللى زاحم فى الصفوف بيسب وقبل بابك فتحتيله دراعاتك وطردتى من رحمتك ابنى اللى لسه بشب ساعتها شوفى اتعتر فى الحاضر المد بوح وشفت دوس القدم على خدنا مسموح ودموع بتنزف ندم فى كل أركانك تغسل دروب اتروت بد منا المسفوح فشيلت حلمى القتيل كفنته ف أحضانى بتاريخ طويل انكتب على صفحة قلقانى ومليت كفوفى بمرارة ودنا المبتور برهان ليوم أكرهك وأ جهربعصيانى أحمد راضي |
رد: حلمي القتيل ( مصافحة أولى ) فشيلت حلمى القتيل كفنته ف أحضانى بتاريخ طويل انكتب على صفحة قلقانى ومليت كفوفى بمرارة ودنا المبتور برهان ليوم أكرهك وأ جهربعصيانى جميلة جداُ لك الشكر., |
رد: حلمي القتيل ( مصافحة أولى ) بوح رائع ومصافحه جميله ننتظر المزيد وكل الشكر للاخت تقى ع دعودتك |
رد: حلمي القتيل ( مصافحة أولى ) شاعرنا القدير أحمد راضي هاهي سحائب إبداعك تهطل غيثا من ألق لترتوي به صفحاتنا حلمي القتيل قصيدة تحمل همومنا جميعا تتكئ على لغة الشاعر الخاصة التي تصل للقلوب والذائقة بلا استئذان كل الشكر لإمتاعنا بهذه الرائعة دمتَ بكل الخير والإبداع تحيتي وتقديري |
رد: حلمي القتيل ( مصافحة أولى ) شاعرنا واديبنا الكبير الاستاذ احمد راضي حييت بعدد ما خطيت واكثر نرحب بك ايما ترحيب كيف لا وكلماتك تهطل كالمطر على مسامعنا ونتلقها كسيمفونيات بتهوفن تخالجنا فنشعر بقربك منا حييت استاذي والمكان يتسع لك في اي وقت والشكر للاخت تقى على الدعوة الكريمة |
| الساعة الآن 04:01 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..