صفحة 1 من 2 1 2 > عرض 40 مشاركات من هذا الموضوع لكل صفحة

ابو طارق 20-12-2008 02:38 PM برد(ن)عسى رب المخاليق يجليه   برد(ن) عسى رب المخاليـق يجليـه يفغى صليب العظـم والثعـل بكـاه ينزل على الذريان صلفـه مجاريـه يصرد ضعيف الناس لو هـو توقـاه مع بـادي مسيـان بانـت مواريـه عزيل منهـو بالصحـاري تمسـاه لو كـل جسمـك بالفنايـل تغطيـه يشق جلـدك مـن قصيـه لمبـداه نسم جهنـم زمهريـرن بـدا فيـه زفايـرن فيهـا الغثـا والمعـانـاه واللي يشب النـار سمـرن يوقيـه يحس باسدول الدفـا يتـرس حمـاه ومن لا تذرا عـن هبوبـن يوريـه يلقا الكلوفه والتعـب صـار مجنـاه دفايـة الكهـرب عساهـا تدفـيـه مالـك سـوا خمتهـا والا تـلـزاه عليك في عرنن من السوق شاريـه وابغث قشاش الرمث حلون تنشـاه اشعل رفيع النار من غصـن ناقيـه غصنن نشيفن حامي القيض ضمـاه او من غضا عرقن بعيـده مساريـه يصعب على الحطاب يجلب من اقصاه في مشجرن صف الغويلب خطاويـه ونبايث خززها تحـدر مـن اعـلاه متهزع الاهـداب باطـرف حناويـه ما تاصله عنزن ولا جا لـه شيـاه تلقا الدفـا بيـن النبـات ومعاريـه وهميـد حطبانـن تجاثـم حنـايـاه والا انجـع لـدون كثيـره مذاريـه تلقا بجذيبه طامن الجـرف محـلاه تلقا جـروم الرمـث تمـلا مداويـه يابـس هدبهـا والروابـع تلـحـاه لمسى سديل الليـل بادنـا قواصيـه يبين من مسجون الاضلاع شكـواه يصبح كما القرناس صيـده موطيـه ناشب له بشركن والاريـاح تسفـاه يصافق الجنحـان والحـال مرديـه من الضحى واثر القوانيص تنصـاه هذي هي الدنيا مـا عايـش تهنيـه مـن مبتداهـا باينـاتـن ردايــاه ( يوسف الخليفة )

Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
- arab-line : Search Engine Friendly URLs by vBSEO 3.3.0 TranZ By Almuhajir

... جميع الحقوق محفوظه لمجالس رويضة العرض لكل العرب ...

.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..

a.d - i.s.s.w