|
يازين وقت (ن) فات ماهوب هالحين صباحكم /مساكم دفا يازين وقت (ن) فات ماهوب هالحين يوم النوايا كلهن صافياتي والحقد مايوجد ودايم سعيدين ونفوسنا سمحة وسكر نباتي وبيوتنا ونسه ولابه شياطين مايدخله صوره ولامنكراتـــي ويطرد ظلام الليل عنا سراجين واحيان يقضي قازهن طافياتي مشروبنا صافي من الزير ولبين ماهوب مستورد سريع الفواتي ماصنعوه الغرب يافالهم شين مابه مواد الحفظ ومسرطناتي وعيشنا مرقوق بين العشاوين تحطه امي قبل وقت الصلاتي لقمه هنيه طيبه طعمها زيـــن تحوفها بيدينها الطاهراتــي ثمن ننام الى قضينا مصليـــن بعد العشاء كلن يريد المباتي وامي تنومنا بزين السباحيـــن سوالفن من عنـــدها طيباتـــي ننام من بدري ونصحى نشيطين بعد الشروق اشغالنا جاهزاتي مابه كسل لاشغالنا مستعدين ماعندنا سايــق ولا خادماتــي نلبس بيوم العيد ثوب السباهين وام تحنينا نمــــاري البناتـــي مقيـــالنا بمجببــــن بيـن بابيــن فيه الهواء يطرق جميع الجهاتي نشب نارن بالشتاء ومتدفيـــن مافيه دفايات ومكيــفاتــــــ ي يجي المطر وثيابنا تبتلي طين ونلعب جميع عيالنا والبناتـــي يصب مثعبنا ونملى المواعيــن ياحلو ذاك الماء وذيك الحياتي ماهي حياة الحين ياشين هالحين كله غثاء وهمومنا كاثراتـــــي وصلاة ربي عد ماترفع يديـــن على محمد صاحب المعجزاتي منقوووول |
رد: يازين وقت (ن) فات ماهوب هالحين اقتباس:
رائعه كروعتك لاهنت |
رد: يازين وقت (ن) فات ماهوب هالحين اقتباس:
و الله ها الوقت يمكن اغلبنا ما لحق عليه لكن والله انه افضل من وقتنا |
رد: يازين وقت (ن) فات ماهوب هالحين اقتباس:
ابو طارق تعتقد فيه احد عنده مرقوق بالقفر والبيدجان الى الان ؟؟ صح لسانك ولسان قايلها ابو طارق |
رد: يازين وقت (ن) فات ماهوب هالحين ابو طارق يازين ذيك الايام ياحلو المرقوق مع القفر والبيدجان يعطيك العافية |
| الساعة الآن 11:17 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..