|
لعبه اللهجات ؟؟؟ بسم الله الرحمن الرحيم في الحقيقه والواقع دائما ما اقع بالفشايل بحكم عدم معرفتي ببعض الكلمات من لهجات بنات خالتي الي من الشرقيه والي من جده اذكر خالتي الله يرحمها قالت لي زمان وانا صغيره :هاتي لنا براد شاي يا بنتي . انا اخبر (البراد) هي =الثلاجه ؟؟؟؟؟؟ افكر وشلون ابملا هالثلاجه شاهي ؟؟؟؟؟؟؟؟؟ قمه في الذكاء بعيد عنكم . فكرت اننا نخليها لعبه هنا كل واحد يجيب كلمه وحنا نحاول نفكها - حتى لو اسماء حيوانات مثل حنا نسمي الثعبان المعمر = ابو طويله ههههههههه وش معنى كلمه : ( الميخف ) |
رد: لعبه اللهجات ؟؟؟ أمل ومافيه أمل فكرة ولا أروع \ الميخف//الظاهر هو النجر الخشبي!! \ وسويت بحث في قوقل وطلع: اقتباس:
فلان وفلان حِنْجهم واحد وش يعني حنج؟ |
رد: لعبه اللهجات ؟؟؟ تسلمين يا قمر الحنج يمكن (الحلق) او شكل الوجه عامه صح علي او لا؟؟؟ |
رد: لعبه اللهجات ؟؟؟ صح عليك يا الغلا فلان وفلان حِنْجهم واحد أي متشابهين لأن أصلهم واحد \ هاتي لهجتك ^ ^ |
رد: لعبه اللهجات ؟؟؟ موضوع شيق امل ومافيه امل : ويش معنى ( القوطي - الحق ّ وليس الحق من الابل - مدرهم )؟ |
رد: لعبه اللهجات ؟؟؟ القوطي= العلبة الله يخلي المسلسلات مدرهم= الشعر الأسود الكثير اقتباس:
^ ما عرفتها......., أخوي محمّد وش ذي اللهجة يا ليت تعرّفنا عليها؟؟ |
رد: لعبه اللهجات ؟؟؟ فكرة حلوة بس ماحصلت شيء اجاوب عليه اوراق هذي لهجه اهل الرويضة هههههههه ترى استهبل مدري \ \ |
رد: لعبه اللهجات ؟؟؟ الحق = تعال مدرهم = يعني داخل بقوه على مجلس الحريم القوطي = العقل الفارغ صح على او لا ؟؟؟ طيب وش معنى ( انكس ) |
رد: لعبه اللهجات ؟؟؟ وقف هبل ؟ اجلس؟؟ |
رد: لعبه اللهجات ؟؟؟ انكس = أرجع = ديور :) : الحقه = مصيادة الطيور قديماً أي ( فخ ) للعصافير ,, الحق ّ = القوطي ( علبة) مثل علبة الطيب او الزعفران :) وقيل فيها بيت هذا ذكره لي الوالد لكن ناسي لمن هذا البيت ريحة نسمها حق عاجٍ من الطيب إلا نشدك وقال هو ويش حاله قلّه ذليلن في ديار الأجانيب يطوح الونّه من اللّي جراله الميخف = مهراس /// طيب شنووو معنى التالي : الخَبَط ْ ؟؟؟ : ناقة عريمان أن ثارت نارت وأن بركت ما قامت ؟؟؟ مثل مشهور عند العرب شنو معناهـ ,, : فكرة حلوه اموله ,, :nabd: |
رد: لعبه اللهجات ؟؟؟ تراني عليميه بس بقول توقعاتي... الخبط: اتوقع انه مثل الضرب.. اي خبطك مثل ضربك.. لفعك ..كفخك..صمخك..>>مسويه فاهمه خخخخخ.. والمثل معناه يدل على العناد والراس اليابس.. واللي بعدي نفس هذا لاني ما جبت شي...خخخخخخخخخ |
رد: لعبه اللهجات ؟؟؟ لا مو هذا المعنى .. نبي ااحد يعرف لنا شنووو ؟؟ .. المثل يجي بالمعنى هذا بس نبي معنى اقوى ,, منورتنا بردك والله http://www.rwwwr.com/upload//uploads...6db7c1111d.gif |
رد: لعبه اللهجات ؟؟؟ الخبط = الضرب بقوه من شخص يده كبيره جدا ناقه عريمان = هذا الشخص الي يقوم مره وحده بالعمر ويصير حار نار يعني يراكم شغله الي مره وحده يروح ويخلصه - يا ملا الفرقا واذا قعد ما يتحرك ولا شبر |
رد: لعبه اللهجات ؟؟؟ وش معنى ( كفف ) ( مقلع ) |
رد: لعبه اللهجات ؟؟؟ ياجماااعة استروا فضايحنااا صرنا في التوضيح مثل ناااقة عريمااان تسلم افكااارك |
| الساعة الآن 08:56 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..