ذي عـادت الدنيـا وذي دورت الافـلاك

بهالقصيدة ينتهي مشواري معاكم بمجالس الرويضه
وتعتبر هالقصيده تسجيل خروج دائم
والمعذره ان حصل خطاء او حصل قصور


\

*

/


انا كـل ماسجيـت جـا بالفكـر طريـاك
واغنـي واصـوغ القـاف لوماهوبـودي

واراقب نجوم الليل واسهر علـى ذكـراك
وتسري بي اشواقـي مصمـم ومتحـدي

وانا ياوليفـي ويـل قلبـي علـى لامـاك
وويلي على ضمـت يدينـك علـى يـدي

جبرني هواك العف والطيب فـي مجنـاك
وسحرني سواد عيونـك وبـارق الخـدي

وتولعت في حبك وسقـت القـدم لرضـاك
وعن غيرك من البيض قلبي اعلن الصدي

فنا ادري تنشّدّ عـن علومـي ومايخفـاك
وانا ادري متابع يالغـلا جـزري ومـدي

وانا ادري العواذل نبتهم في الطريق اشواك
يجي نبتها من بيـن الازهـار والـوردي

فلا تحسبّ انـي بسـج منـك ولاانسـاك
ولاياخـذك قولـت حسـودن ومـتـردي

حدتني الليالي العوج من شوفـك ولقيـاك
وصكات بقعـا والزمـن واقفـن ضـدي

وذي عـادت الدنيـا وذي دورت الافـلاك
تومـي بنـا الايـام والـكـل مسـتـدي

ويبقي الامل شمعـه تنـور بهـا دنيـاك
ولـولا امـل لقيـاك لاابـيّـح الـسـدي

فلابد ماتصفـى المشـارب وانـا عينـاك
وتارد ركاب الشوق مـن صافـي العـدي

وان طالت المـده وشـح الزمـن بلقـاك
فخذ العهد منـي وعهـدك علـى عهـدي

اني ما لاحي الورقّ من فوق غصن الراك
ولانيـب قايـل يابـري حالـي ووجـدي

وتذكر كلامـي ذا ان كـان ربـي احيـاك
على شاشة الذكـرى ابيـض ومسـودي

عهد لااصلك واحط يمينـي وسـط يمنـاك
واقول هذا الشـوق طايـش ومتحـدي!!!


وســلامــتـــكـ ــم
للشاعر/علي بن سران اليامي

فمان الله