هي قولـة: نسيتـه رقـم جوالـك ؟؟!!

على كثر اتصالات الخلايـق فـي صبـاح العيـد=انـا والله مـا كنـت آتحـرّى غـيـر جـوّالـك
تحريـت إتصالـك إنـت يالغـالـي وبالتحـديـد=لأن العيد ما اظنه يجـي ومـا جيـت فـي بالـك
تصور كيف مـر العيـد مـن تنكيـد فـي تنكيـد=وانا ما غيـر اهوجـس بـك وانـادي وآتحرّالـك
وجوّالـي غـدا مثلـي تنهّـد واكـثـر التنهـيـد=يقول: ابطى عليك.. وقلت: اكيـد العلـة ارسالـك
وقمت اكذب على نفسي واقـول بصيغـة التأكيـد=اكيـد الحيـن بتكلـم وانـا ادري مـا طرينالـك
على ما يبدو اني كنـت عـن بالـك بعيـد ابعيـد=حرام ارجوك صدقني انـا مـا استاهـل افعالـك
أنا ملْكك .. وانا والله علـى مـا تشتهـي وتريـد=أنـا ويـاك تعرفنـا كمـا الممـلـوك والمـالـك
كأنـي منخلـق بعـد العبـادة وغايـة التوحـيـد=عشان اعيش من شانك وشان ارضـاك واحيالـك
انا رهن اصبعك .. أشّر .. ومن هاالإيد الى هاالإيد=علـى كـل اعتباراتـي انـا طفلـك ورجّـالـك
وإذا غايتْك تذبحني .. فـلا أنـت بحـروة التأييـد=توكّـل وإنـت تلقانـي متـى مـا تنـوي اقبالـك
ولكـن لا تعوّدنـي علـى الفرقـا ونـار البـيـد=انا عايش علـى خبـرك نعيـم وجنـة وْصالـك
جفـاك اليـوم قيّدنـي تعـال وفـكّ هـذا القيـد=كلّمنـي وعايدنـي وقلّـي.. إنـت وش حـالـك
ياليت العـذر (فاتـورة) عليـك بحاجـة التسديـد=أخاف العذر هي قولـة: نسيتـه رقـم جوالـك !!

مـخـرج /

اذكرك .. والناس كل ٍ ينتظر عيـده .
وعيد ٍ بلياك.. وش هي بس فايدته..؟ .
عيدك مبارك .. لو أنك عني بعيـده .
يا اعز من جاء على بالي .. وعايدتـه