مجالس الرويضة لكل العرب - تخيلوا لو نعيش كلنا في بيت واحـــد .. وناااااااااسه ..

خخخخخخخخخخخخخ

والله اني اضحك لين هالحين..

رحت العصر للمزرعة مودي اغراض لبوي فيها , ويوم طلعت الا فية راعي ابل وااااااااااجد قدام مزرعتنا , قلت بروح اشرب حليب من عندة , واجي والقى السوداني قلت احلب , قال اجلس وشوي واحلب لك , واجلس يوم تميت شوي الا يوم جا كفيلة عاد مانيب اعرفة ولا يعرفني , الا الكميرة معي , قلت بصرفه وبقول انا جاي اصور عادي؟ يوم جى قلت بصور الابل الزينة ماشاء الله ممكن؟ قال خذ راحتك المحل محلك , قلت في نفسي توكل بس , قلت الله يسلمكم , قال تعال صور البعير علية سوم 250,000 وابيك تعطيني صورتة بوريها ناس بيشترونة , قلت تم , ونقعد ساعة نحد البعير ياما راح ياما جى لين طلعناه من الشبك , يوم الرجال وقف جنبة قال صور ياولدي , واطلع الكميرة كنه من زينها , يوم جيت بصور وهي تطفا مافيها بطارية ههههههههههههههه ه قلت ياليل النشبة , هالحين وش اقوول ميدة؟؟ اخاف اعلمة ويكسرها فوق راسي
قلت ابشرك صورتك , قال بعدي اجل تعال بنصور البكار الزينة بعد << والله الناشب قلت يالله والكميرة مافيها بطارية , واوجهها يمة ولا صورت قلت هذي ثانية , قال طيب ورنيها.!!! خخخخخخخخخ
قلت ماتجي الا في الكنبيوتر < بلهجتة , قال ابيك تجيني يوم ثاني ونصورهن كلهن قلت ولا يهمك , قال عطني رقمك عشان ادق عليك قلت في نفسي والله لو تدري عني انا وكميرتي ماتدق علي خخخخخخخ

قلت سجل واسدح له الرقم اشرب حليب حل بطني بعد واجي للبيت ميت من الضحك