مجالس الرويضة لكل العرب - يالليل يالي جذبني نور براقة

ياليل ياللـي جذبنـي نـور براقـه
ابروقه السامرة ممسيـت اطلعهـا
من مقدم الليل حتى حـزة اشراقـه
الناس في غفلة منهـا وأنـا معهـا
السيل من زود وبلـه كثـر دفاقـه
المجحـرة مـن مساكنهـا يطلعهـا
احيا هشيم الشجر سبحانـه خلاقـه
اصناعة ما حدن غيـره بصانعهـا
ليكن لون النبات وخضرة اوراقـه
ازهور راعي الورود اللي يجمعها
فيه ام سالم تجر الصـوت مشتاقـة
اتهيضك باللحون اللـي تروجعهـا
يرحل على الذكوراعي الشاه والناقة
اللي له سنيـن واشهـور يتابعهـا
لول نزل فيه والثاني على الساقـة
من شاف له فيضة خضرا يربعهـا
بيت الشعر فيه مزين مدة ارواقـه
وادلال راعيـة فالمجلـس يلمعهـا
فنجالها العذب يقعد راس من ذاقـه
يسحب لها الجمر وان فاحت يونعها
يا حلو فنجالها الأشقر على الفاقـة
من كل الأشكال راعيهـا منوعهـا
ناس على الطيب والمعروف سباقه
فعالة الطيب مـا تخلـف طبايعهـا
عيني لشوف الفياض الخضر عشاقه
مع كل شيء خضر ربـي مولعهـا
لا روح الجيب حدرك كن تصلفاته
شيهانة فرعت من عقـب برقعهـا
يطوي بعيد الريادي حـدر سواقـه
البيـد كنـه ينزلـهـا ويرفعـهـا
مضـواه ملهوفـة للقلـب سراقـه
اللي كما مدمع العفـري مدامعهـا
اللي تصون العهد ما هيـب بواقـه
ادموعها وادعتنـي قبـل اوادعهـا
سبعة شهور وانا اشكي لوعة افراقه
الستة اللي مضت والفطر سابعهـا
من شانها جاتـك الامثـال مناسقـة
اسمانها جات والهـزلات ارجعهـا
يقول اللي يعرف الشعر واسواقـه
اللي ليا مـن بغاهـا مـا يضيعهـا