الحفل يشعاني على خف وجناح=من يوم ذعذع لي نسيم البرادي
دعوة نشاما والهدف تو مالاح=والشعر سبك وحبك والنور بادي
بسمي وبسم دجين كساب الامداح=ابوعلي بنك السخا والمبادي
يامرحبا ترحيبه ٍ عطرها فاح=بالمسك واليشموم والجو هادي
ترحيبه الغالين والبال منساح = ترحيبه ٍ تنقاد ماهي تقادي
تنصي طويل الشبر ممسى ومصباح = ابن وهق عوق الخصيم المعادي
اللي لبس للمجد تيجان ووشاح = يستاهل التمجيد علم ٍ وكادي
مواقفه تخلد ولا هيب تنزاح = ركن القبيله طول عمره مفادي
يوم المراجل حظ ومزارق رماح = مراجله تنشاف بين العبادي
لاثقلت القاله وهبن الارياح = يرسي مراس طويق والوضع عادي
عنده لصعبات المواضيع مفتاح = صحيح من سماه رجل ٍ قيادي
حكيم رآي ومنهجه درب الاصلاح = جاه وجاه وطيب راس وفوادي
ياما سعى بالخير واعتاق الارواح = معروف عند الناس حضر وبوادي
وجه السعد من قابله راح مرتاح = دين وكرم ماهوب شخص اقتصادي
مايحسب حساب الخساير والارباح = كلمه نعم تزها كريم الايادي
وبسمي وبسم دجين كساب الامداح = ابو علي بنك السخا والمبادي
يامرحبا ترحيبه ٍ عطرها فاح =بابن وهق عوق الخصيم المعادي