مجالس الرويضة لكل العرب - عـــــــلى الله يامشاوير الضيــاع .. ادخلوا واقروها .. ولاتنسون الردود

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

عـــــــلى الله يامشاوير الضيــاع .. ادخلوا واقروها .. ولاتنسون الردود

هذي القصيده عجبتني وحبيت انكم تقرونها ..

بس ابي ردووووودكم ..
______________
علــى الله يامشاوير الضياع وعثرة الأقدام
يعين الله على عوج الدروب وباقي أيامي
على الله كلما شان الزمن ,, وخانت الأيام
على الله كلما أشوف الطريق يضيق قدامي
على الله كلما صدري يضيق,, وخاطري ينظام
على الله كل ليله حزنها يعزف على انغامي
ماأقدر ياشقا عمري أسير برحلة الإعدام
وأضم بداخلي نار الخفوق وجمرها حامي
حزين.. ولامعي غير الجروح,, ولوعة الأعوام
على وجهي تقاسيم الضياع ونكبة أعوامي
حياتي كلها رحلة غموض ونقطة إستفهام
طلاسم خطها كف الزمن لعثرة أقدامي
بقا لي من مسافات السنين المقفيات حطام
بقايا أمنيات وحسرتين بسلة حطامي
بقايا طفل رافقه الشقا من يوم عمره عام
تحدته الليالي والظروف وعاش منظامي
غريٍٍر لاكسى الكون الظلام اطفى السراج ونام
وصحى يحلم متى أكبر كبرأبوي وباقي أعمامي
عنيد إليا زعل.. شق الكتاب وكسّر المرسام
وجلس يصرخ عبث وين الكتاب ووين مرسامي
شجاع مارضى يصبح ذليل ولارضى ينظام
رغم كبر الظروف وصغر سنه موقفه سامي
يمر العمر وتمر السنين برحلة الآلام
وجروحي تشرب أوجاع العذاب وخافقي ظامي
كبرت وكبر همي والجروح وكبرت الأحلام
وطموحي هو طموحي يازمن وأوهامي أوهامي
نسف كف القدر رجم الطموح وبعثر الأوهام
وتلاشت.. مابقى غير القصيد وجرة أقلامي ..
_______________ _______________ _______________ ______ ..
دمتـــــــــم بـــــــــود ..

رد: عـــــــلى الله يامشاوير الضيــاع .. ادخلوا واقروها .. ولاتنسون الردود

صح لسان قايلها ولا هانت ناقلتهـــــــــ ـا

رد: عـــــــلى الله يامشاوير الضيــاع .. ادخلوا واقروها .. ولاتنسون الردود

صـــــح بدنــــــــك حموووووووووودي ..

يسعدني مرورك ..

رد: عـــــــلى الله يامشاوير الضيــاع .. ادخلوا واقروها .. ولاتنسون الردود

قصيده لها عالم خاص .. حزينه -

:

صح اللسان الشاعر ..

تسلم لنا ذائقتك
/

دمتي بخير

:nabd:

رد: عـــــــلى الله يامشاوير الضيــاع .. ادخلوا واقروها .. ولاتنسون الردود

اقتباس:

المشاركة الأصلية كتبت بواسطة خالديه كووول (المشاركة 298806)

يمر العمر وتمر السنين برحلة الآلام
وجروحي تشرب أوجاع العذاب وخافقي ظامي
كبرت وكبر همي والجروح وكبرت الأحلام
وطموحي هو طموحي يازمن وأوهامي أوهامي
نسف كف القدر رجم الطموح وبعثر الأوهام
وتلاشت.. مابقى غير القصيد وجرة أقلامي ..

أحترت عند أي الأبيات أقف وأقتبس ،،

فجميعها عذبة ،، معبّرة ،،

شكرا غاليتي لروعة الانتقاء وذوقك العالي ،،

بإنتظار جميل جديدك