ابو طارق 19-11-2008 06:24 AM يازين شب النار   يا زِين شب النـار والرمـث مشمـوم في ليـلٍ اسـود غيـر قمـراه تضـوِي وآتابـع النجمـات فـي خيـال مركـوم وآسامـر الجمـرات والشعـر يـروِي *************** *** بعض العرب في شبة النار يحتار يجي الشتا ويروح ما شـب نـاره *************** *** شب الوجار وخلّي الباب مفتوح كود المسيـر يستحـي ماينـادي *************** ***** لا ضاق صدري قلت شبوا لي النار سويت كيف مـا يسـوى مثيلـه حمسـت بريـه وناديـت ببهـار ماها قـراح جايبـه مـن ثميلـه *************** ** ياما حلا عقب العصرشبة النار في مجلسٍ كل النشامـا يجونـه يلفونه اكبارٍ ويلفونه إصغـار من طيب من هو فيـه ويقدرونـه في بيت ماحطوا له آبواب وآسوار ذراه من صوف الغنم ينسجونـه هذي طراة الروح لا صرت محتار آخيِر من بيـتٍ هَلِـه يزلجونـه *************** ** لا ضاق بالي والهواجيس وردن النـار شبّتهـا بدايـة عـلاجـي والبن بالمحماس والنـار تلسـن نـارٍ تزايـد جمرهـا بوتهاجـي *************** ** يا كليب شب النار يا كليب شبّه عليك شبّه والحطب لـك يجابـي *************** *** ياما حلا عقب المطر شبت النار في روضة فيها شذى الورد فاحِ *************** ياريف قلبي للمسايير قـم شـب وحط المناره في طويل الظلالـي عقب تشق الها لجزل الحطب جب وهات النجر واحضر جداد الدلالي *************** ألا يـا زيـن شبـت النـار وادلال ادلال صفر ابهارها طيّـب الهيـل في جال غرمولٍ حمر يشرح البال جوّه براد ومرتـوي خـدّه السيـل الله يجيب العشب والخيـر منهـال على بـلادٍ توفـي الحـق والكيـل

Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
- arab-line : Search Engine Friendly URLs by vBSEO 3.3.0 TranZ By Almuhajir

... جميع الحقوق محفوظه لمجالس رويضة العرض لكل العرب ...

.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..

a.d - i.s.s.w