مجالس الرويضة لكل العرب

مجالس الرويضة لكل العرب (http://www.rwwwr.com/vb/httb:www.rwwwr.com.php)
-   صهيل القصيد (http://www.rwwwr.com/vb/f58.html)
-   -   ودست الورد لأن الورد مايسوى وهو ذبلان ..! (http://www.rwwwr.com/vb/t19953.html)

hamo0ode 16-11-2008 04:28 PM

ودست الورد لأن الورد مايسوى وهو ذبلان ..!
 
كتبت الهم قصه مالهـا غيـري ولا عنـوان
وإذا للحزن وجه ويسكب الدمعه فأنـا موقـه
وإذا صوت الحنين اللي سكبني في القصايد بان
أنا ماردنـي غيـر الحنيـن وكذبـة بروقـه
تجرعت الصبر بس الصبر ماينقـذ الولهـان
وأنا عاشق وكل اللي جنيتـه روح محروقـه
خطاي إني سكبت العمر كله في غرام انسـان
وذليت الخفوق اللي رفـض لعيـون معشوقـه
كفانا نختنـق والوقـت كأنـه دايـرة دخـان
وكن الحب بيتـه والقلـوب تمـوت مخنوقـه
كفانا من عنانا لـو كتبنـا باسمنـا الأحـزان
وذيلنـا ترانيـم السهـر بألقـاب مسبـوقـه
تعبنا مالقينـا مـن يوفـي والغـدر سلطـان
يبان بوجهـه الـدم وتلابيـب الوهـم طوقـه
شبعنا من رغيف البعد والتنهيـد والحرمـان
وجينا نقطف الـورد ولقينـا الـورد بحقوقـه
تولعنا وضعنا والأمل واقـف علـى البيبـان
بصيص النور يغري والأمـل ماجبـر فتوقـه
عزاي انك لو انك بعتني يالصاحب الخـوان :
أنا اللي من وفاي الموت جاني وأنتـه تسوقـه
عطيتك ماحرمتك من وفاي الدافـي التحنـان
وتخليت وتركت الدمع لي قالط علـى عذوقـه
معاك الله وأنا مؤمن بصدق حكايـة النسيـان
وقبلك مات غالي وانتهى فـي ليلـي شروقـه
وعشت الليل بعده عمر لاراضي ولا زعـلان
حكمني وقتي بعمـر الليالـي والدجـى ذوقـه
وخاويت الشعر قبل أعرفك والورد في البستان
قطفتي وردة من عرض طوله وانتهى سوقـه
ودست الورد لأن الورد مايسوى وهو ذبـلان
واذا كل الأيـادي لامسـت ملحـه ومنطوقـه
أنا آسف مابغيت أقول لكن ماأصعب الكتمـان
لأن الشعر يغري الصمت في التنهيد ويبوقـه
لذلك معجبينـي ماهـم الأطفـال والنسـوان
أنا اعجاب الهواويه غمرني بأجمـل صدوقـه
لأني كنت هاوي والهـواوي نكهـة الوجـدان
رهيف وقلبه أبيض والمشاعر تملـي عروقـه
ولا جيت أطلبك عطفك ولا لينك ولا الاحسان
ومتني ماعجـز يشتـال هـم فـوق مافوقـه
معاك الله ولاني جابرك غيرك كثيـر وكـان
سواة الضحكه اللي من جبين الشعر مسروقـه
معاك الله تلاقيني على صدر الزمـن انسـان
معاليقه قصايد فـي سجـل الحـب مرفوقـه






( لــ الشاعر فيصل صالح الأزوري )

روحي بين اياديه 16-11-2008 07:05 PM

رد: ودست الورد لأن الورد مايسوى وهو ذبلان ..!
 
صح لسان قايلها ولايهون ناقلها..

hamo0ode 16-11-2008 07:17 PM

رد: ودست الورد لأن الورد مايسوى وهو ذبلان ..!
 
اقتباس:

المشاركة الأصلية كتبت بواسطة روحي بين اياديه (المشاركة 296437)
صح لسان قايلها ولايهون ناقلها..

http://www.althkra.net/pic/ep/Z7.gif

محمد 16-11-2008 07:22 PM

رد: ودست الورد لأن الورد مايسوى وهو ذبلان ..!
 
.... ودست الورد لان الورد مايسوى وهو ذبلان


قصيدة روعة روعة

محمد 16-11-2008 10:47 PM

رد: ودست الورد لأن الورد مايسوى وهو ذبلان ..!
 
قصيده حييييل روووعه

ومعناهاا اجمل

صح لسان الشاعر

ووسلمت يمينك ع هالاختيار الذوق

تحيتي لك


الساعة الآن 11:59 PM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
- arab-line : Search Engine Friendly URLs by vBSEO 3.3.0 TranZ By Almuhajir

Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010

... جميع الحقوق محفوظه لمجالس رويضة العرض لكل العرب ...

.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..

a.d - i.s.s.w