ياسر سلامات قصيدة في القناص جعلك بخير وتحتويك السلامات من منتهى اقدامك ...الى عالي الراس تكبر امانينا وتعبر محيطات ونقولها من صادق شعور واحساس دعواتنا لك يابيض الوجه بالذات ياللي غلاتك عندنا مالها قياس والله يجيرك من جميع المصيبات ويحفظّك من كل وسواس خنّاس ويكفيك من شر البلا والاصابات والله كريم وقادرً يرفع الباس ياللي عسفت على الدروب المطيّات واشعلت في ليل المحبين نبراس شفتك مسافر وارتجل فكري ابيات وانا محبً لك ومن ضمن هالناس يالمانيا عندك زبون البطولات حني عليه بكل تقدير واحساس ضميه وليالي المسافر طويلات لايلحقه من طاري البعد هوجاس وتسلم لنا يانور كل المنصات ياغلى من الياقوت والدر والماس لانك صقر له بالشواهيق حومات طول المدى ماقرنسه كل قرناس حزه وجيت بثـامن المستحيلات من بعد ضاقت بالرجاجيل الانفاس ياسر فرحنا صار له معك ميقات ياسر !!يجي الدوري ويرقص مع الكاس ياسر وتهتز الجبال المنيفات ويتغير المقياس !! مافيه مقياس ياسر! بعد ماضاعت الضايعه جات ماكنّها الامعك باوراق كراس جعلك بخير !!وتحتريك السلاملات جعلك بخير والف لاباس لاباس اتمنى تعجبكم القصيدهـ |
رد: ياسر سلامات قصيدة في القناص اقوووول : عسى بس ياسر مافية شي؟؟ وراك حاطة اليوم في راسك؟؟؟ |
رد: ياسر سلامات قصيدة في القناص ههههههههههههههه ههههه والله الولد متحمس اليوم |
رد: ياسر سلامات قصيدة في القناص لاهنت ع القصيده |
الساعة الآن 05:40 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..