تزعـــــــل وراضيـــــــك!!

تزعل وأراضيك واتلـذذ بتزعيلـك
تبي الصراحه انا مجنـون زعلاتـك
ياحلو لبعدت وانـا اقـرب وادنيلـك
وأمسك طرف غترتي وامش دمعاتك
وتبدي تعاتب ونـا كلـي تباهيلـك
مانيب يمك انا عيني علـى شفاتـك
وتعيد حكيك وتفرك حيـل منديلـك
وتخلطت صـادق حروفـك بوناتـك
واحاول أرظيك مدري منين انا ابديلك
محتار وذكرك فـي بعـض زلاتـك
وسمعك مـا كتبتـه بـك وغنيلـك
طاروقك اللي تحيه وكسر سكاتـك
عيني على خطوتك والقلب يدعيلـك
الله يحفظك من الحاسـد وشماتـك