ياصاحبي .. ليت اللذي فـات .. مافات
ليت العمر يرجع ولـو نصـف ليلــــــه

طال السهر .. طالت عليا المسافـات
سهل الـدروب .. اشــوفهـا مستحيلـه

ضاع العمر مابين رجوى .. وتنهـات
والصبر قاسـي .. والليالـي محيــلـه

يعن لك فكري علـى كـــــل الاوقـات
عجزت عيوني .. غير وبلـك تخيلـــه

مثللـك لبيـبٍ .. فاهـم بالإشـــــــارا ت
ومثلي وضوح الشمس .. قـدم دليلـه

بيـــدك تعقّدهـا .. وتحـــل الصعيبـات
وبيــدك تقصرهـا .. ولــوهـي طويلـه

جيتك من اعصور الحـزن والتشتات
انشــد غـــلا .. منهـو فـؤادي دخيلـه

جيتك على كف الغلا مرخص الـذات
عفت البعيــد .. وعفـت كـل القبيلـه

جيتـك عزيــــزٍ .. ذلتـه مستجــــدات
متوســــمٍ بـك .. فـارسٍ ينتخـي لـه

جيتك غريــبٍ .. مختلط فيـه عبـرات
تايــــــه .. ولا لـه فالمحبـة وسيـلـه

جيتك خصيم الوقت .. خصم المعاناة
واللي خصيم اثنيـن .. ياعزتــي لـه

احتاجلك .. حاجة ضعيـفٍ لفزعــات
وحاجـة يتيــــم .. لحضـن أمٍ يشيلـه

اشتاقلك شوق الحـزن للمسـرات
واشتاقلك شوق الصحارى لمخيله

جيتك وانا كلي عطا .. ماابي هــات
خـــذ مني عطني .. يابعـد كـل جيلـه