|
لبي البراقع والغطاوي والعبات يقول من يهوى ركوب المسرجات لاجيب طاري للسيوف وسلـّها ياسامعي والاوله من الاولات تنبيك عن باقي علومي كلها ترى حلاة الشي لاجاله طرات واللي تجي في حلها في حلها شبـّه وبرّاد وثلاث مهيّلات والارض يغني عشبها عن زلها فلة حجاج وطيب راس وطيب ذات ياقلها في وقتنا ياقلها والله لعديها حدود النايفات مادمت اميـّز دقها من جلها والكلمه اللي جات مدري كيف جات زلـّه وشرهتها على من زلّها ياللي تقول النوم أخير من الصلاة شوري عليك أد الفروض وصلها يامل قلبٍ بين ود وبين هات والعين من كثر السهر ياملــّها لاجيت بانسى واعتبر مافات مات استرجع افكار الحزن واحتلها وابكي على الفرقا ولكن في سكات ماهوب شرط ان الدموع أهلها عليك يانبضي ويا سر الحياة ياللي غلاها عَزها ما ذلها شيخة بنات وعلّمي كل البنات سبحة غلانا مانويت أفلها مالك غنى عني وانا مالي غنات والحاقده منهم تموت بغلها انتي صفاتك غير عن كل الصفات اضيع فيها لابغيت ادلها ريقك عسل واساوره سكر نبات وشفاك ماتبخل عليه بظلها لبّى البراقع والغطاوي والعبات يازين سكبتها ومصعب شلها عندي ثلاث اشياء في قلبي ثبات والله مااخليها لاقالو خلها شوفك وشوف الماء وممشىً فالنبات لاخيروني قلت أبيها كلها للشاعر /سالم العرجاني |
رد: لبي البراقع والغطاوي والعبات صح لسانه لاهنت ابو طارق |
رد: لبي البراقع والغطاوي والعبات والله لعديها حدود النايفات مادمت اميـّز دقها من جلها والكلمه اللي جات مدري كيف جات زلـّه وشرهتها على من زلّها ياللي تقول النوم أخير من الصلاة شوري عليك أد الفروض وصلها يامل قلبٍ بين ود وبين هات والعين من كثر السهر ياملــّها الله ابيات في غاية الروعة صح لسان قايلها ولسانك يا بو طارق وتسلم يمينك على النقل الجميل المميز لبّى البراقع والغطاوي والعبات يازين سكبتها ومصعب شلها صحيح يا زين سكبتها ومصعب شلهاااا جزلة رائعة وفوق الوصف :nabd: |
رد: لبي البراقع والغطاوي والعبات اقتباس:
صح لسانكـ ابو طارق .. ولسان الشاعر الكبير سالم بن جخير العرجاني |
رد: لبي البراقع والغطاوي والعبات صح لسان الشاعر أبيات أكثر من رائعه .. تسلم على هالأختيار . ودمت |
رد: لبي البراقع والغطاوي والعبات ابو طارق صح لسانك ودنا النك طولت في القصيد لو خمسة أبيات وش ظنك بتصيرمن قصائدطاهر او عيسى لاتحرمنامن مثل هاالقصيد |
رد: لبي البراقع والغطاوي والعبات ترى حلاة الشي لاجاله طرات واللي تجي في حلها في حلها شبـّه وبرّاد وثلاث مهيّلات والارض يغني عشبها عن زلها فلة حجاج وطيب راس وطيب ذات ياقلها في وقتنا ياقلها والله لعديها حدود النايفات مادمت اميـّز دقها من جلها جبتها يابو طارق جبتها بيض الله وجهك وصح لسان شاعرها الله لا يهينك |
رد: لبي البراقع والغطاوي والعبات صح لسان قايلها ولا يهون ناقلها.. لاهنت.. |
رد: لبي البراقع والغطاوي والعبات ابو طارق صح لسانك ولسان شاعرهاا تسلم على الذائقه |
رد: لبي البراقع والغطاوي والعبات |
رد: لبي البراقع والغطاوي والعبات ابو طارق صح لسانك |
رد: لبي البراقع والغطاوي والعبات |
رد: لبي البراقع والغطاوي والعبات عندي ثلاث اشياء في قلبي ثبات والله مااخليها لاقالو خلها شوفك وشوف الماء وممشىً فالنبات لاخيروني قلت أبيها كلها لله لله لله ما أجمل ما نقلت لنا يابو طارق صح لسانك ولسان الشاعر سالم وتقبل أطيب التحايا |
رد: لبي البراقع والغطاوي والعبات صح لسانك والله روعة بالفعل |
رد: لبي البراقع والغطاوي والعبات صح لسان قايلها ولا يهون ناقلها . يعطيك الف عافيه |
رد: لبي البراقع والغطاوي والعبات اقتباس:
|
| الساعة الآن 02:35 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..